ಪ್ರಕಾಶಿತ್ 16:16 - ದೇವ್ನಿ ಖ್ಹಾಚಿ ವಚನ್

¹⁶ ತದೆ ಯೊ ಜ಼ಮೀನ್ನ ರಾಜಾ಼ವ್‌ನ ಇಬ್ರಿಯ ಬೋಲಿಮ ಅರ್ಮಗೆದ್ದೋನ್ ಕರಿ ಬೋಲಾನ ಝ಼ಗೋಕನ ಮಳಾಯು.

ಪ್ರಕಾಶಿತ್ 16:16 ပူးပေါင်းရင်းမြစ်များ

ಯೋಹಾನ 19:13

ಆ ವಾತೆನ ಖ್ಹಮ್‌ಜಿನ್‌ ಪಿಲಾತನೆ ಯೇಸುನ ಭಾರ್‌ಬುಲೈನ್‌, ಬಂಡಾ ಭಿಛೈ಼ರ‍್ಹೂತೆ ರಚ್ಚೊ಼,ಇಬ್ರಿಯ ವಾತೇಮ ಗಬ್ಬಥಾ ಕರಿ ಬೊಲೈಲೇಸ್ತೆ ನಾಮ್ನು ಝ಼ಗೋಪರ್‌ ಜೈ಼ನ್‌, ನ್ಯಾವ್‍ನಿ ಖುಡ್‍ಶಿಪರ್ ಬೇಶಿಗಯೊ.

ಯೋಹಾನ 19:17

ಯೇಸುನೆ ಇನಿ ಶಿಲ್‌ಬೇನ ಪಾಡಿಲೀನ್, “ಖೋಪ್ರಿನಿ ಝ಼ಗೊ” ಕರಿ ಝ಼ಗೋಕನ ಗಯೊ. ಇಬ್ರಿಯ ವಾತೇಮ ಆ ಝ಼ಗೋನಾ, ‘ಗೊಲ್ಗೊಥಾ’ ಕರಿ ಬೋಲಾಸ್.

ಯೋಹಾನ 5:2

ಯೆರೂಸಲೇಮ್ಮ ಮೇಂಢಾನು ಬಾಕಲ್ನಖನ್ನೆ ಏಕ್‌ ಕೋಳಮ್‌ ಥು, ಇಬ್ರಿಯ ವಾತೇಮ ಇನ “ಬೇತ್ಸಥಾ” ಕರಿ ನಾಮ್, ಹಿಜ್ಜಾ಼ ಪಾಚ಼್ ಛ಼ತ್ ಥು

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:14

ಹಮೆ ಅಖ್ಖಾಸ್‍ಜ಼ಣ ಜ಼ಮೀನ್‌ಪರ್ ರಡ್ಕಿಗಯ. ತದೆ ಸೌಲ ಸೌಲ ಮನ ಶನ ಖ್ಹತಾವಸ್? ಕಾಟಾನ ಲಠ್ಠಾನ ಲಾತ್ ಮಾರಾಥಿ ತುನಾಸ್ ದರದ್, ಕರಿ ಇಬ್ರಿಯ ವಾತೆಮ ಬೋಲಾನಿ ಏಕ್‌ ಅವಾಜ಼್‌ನ ಖ್ಹಮ್‍ಜ್ಯೊ.

ಪ್ರಕಾಶಿತ್ 17:14

ಇವ್ಣೆ ಮೇಂಢಾನು ಚೆಲ್ಕುಹುಯಿರ‍್ಹವಾಳನ ವಿರೋದ್‌ಥಿ ಜಂಗ್ ಭೀಡ್‌ಷೆ. ಕತೋಬಿ ಯೋ ಪ್ರಭುನೊ ಪ್ರಭು ರಾಜಾ಼ನೊ ರಾಜಾ಼ಬಿ ಹುಯಿರ‍್ಹಿಷೇತೆ ಇನಖ್ಹಾಜೆ ಮೇಂಢಾನು ಚೆಲ್ಕು ಇವ್ಣೇಥಿ ಜೈಕಾರ್ ಉಷೆ ಅಜು಼ ದೇವ್ನೆ ಬುಲೈರಾಖವಳುಬಿ ದೇವ್ನೆ ಚೂ಼ಣಿರಾಖ್ಯೋತೆಬಿ, ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹೂತೆ ಇನವಾಳು ಮೇಂಢಾನ ಚೆಲ್ಕಾನ ಜೋ಼ಡ್ಮ ವಾಟೊವಾಳು ಹುಯಿರ‍್ಹಿಷೆ.

ಪ್ರಕಾಶಿತ್ 9:11

ಪಾತಾಳ್‌ನೊ ಮುಖ್ಯ ಹುಯಿರ‍್ಹೋತೆ ದೂತಾಸ್ ಯೋ ಚಿಡ್ಡಾವ್ನ ರಾಜ಼ ಹುಯಿರೋಥೊ. ಇನ ಹಿಬ್ರು ವಾತೇಮ ಅಬದ್ದೋನ್‌ ಕರೀಬಿ, ಗ್ರೀಕ್ ಬೋಲಿಮ ಅಪೊಲ್ಲುವೋನ ಕರೀಬಿ ನಾಮ್‌ಥು.