ಪ್ರಕಾಶಿತ್ 14:4 - ದೇವ್ನಿ ಖ್ಹಾಚಿ ವಚನ್

⁴ ಇಮ್ಮಸ್ ತಯೇಡಾನಿ ಶವಾಶಿಥಿ ಮೈಲು ಹುಯುಕೊಂತೆ ಕವಾರಿನಿತರ ಥೂತೆ ಅವ್ಣೇಸ್. ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹಾವಳೊ ಕಿಜ್ಜಾ಼ ಗಯೊತೋಬಿ ಇವ್ಣೆ ಅನ ಪೀಠೆ ಜಾ಼ಸ್. ಅವ್ಣೆ ಅದ್ಮಿವ್‌ಮಾಥು ಶೊಂತ್ ಅದ್ಮಿಹುಯಿನ್ ಮೋಲ್ ಲೆವೈಜೈ಼ನ್ ದೇವ್‍ನಾಬಿ ಮೇಂಢೊ ಹುಯಿರ‍್ಹಾವಳನಬಿ ಪಹಿಲ ಫಲ್ನಿತರಹುಯ.

ಪ್ರಕಾಶಿತ್ 14:4 ပူးပေါင်းရင်းမြစ်များ

ಮತ್ತಾಯ 19:12

ಪರ್ಖ್ಹಾ ಅದ್ಮಿ ವ್ಯಹಾ ಕರಾಕೊಯ್ನಿತೆ ಇನ ಬಿಜಿ-ಬಿಜಿ ಕಾರಣ್ ಛಾ಼. ಕೆಹುಕತೊ, ಥೋಡು ಜ಼ಣು ಆಯಾನ ಗರಬ್‌ಮಾಥೂಸ್ ವ್ಯಹಾ ಕರಾನ ಲ್ಹಾಯಕ್‌ಕೊಂತೆ ಇಮ್‌ ಪೈದಾಹುವ್ವಾಸ್; ಅಜು಼ ಥೋಡು ಜ಼ಣು ಅದ್ಮಿನ ಹಾತೆ ಇಮ್‌ ಕರೈಲೇಸ್; ಕತೋಬಿ ಬಿಜು಼ ಥೋಡು ಜ಼ಣು ಸೊರ್ಗಾನು ರಾಜ್ಯನಖ್ಹಾಜೆ ವ್ಯಹಾ ಕರಾಕೊಯ್ನಿ. ಕಿನ ಆ ವಾತೇನ ಮಾನಾನ ಹುವಾಸ್ಕಿ ಇವ್ಣೆ ಮಾನಿಲೇಸ್.

ಮತ್ತಾಯ 25:1

ಯೋ ವಖ್ಹತ್‌ಮ ಸೊರ್ಗಾನು ರಾಜ್ಯ ದೀವೊ ಖ್ಹಾರು ಪಾಡಿಲೀನ್, ನೌಶೊನ ಮಳಾನ ಜಾ಼ಸ್ತೆ ದಖ್ಹ್‌ ಜ಼ಣಿ ಕವಾರಿನಿಘೋಣಿ ರ‍್ಹಿಶೆ.

ಮತ್ತಾಯ 8:19

ತದೆ ಮೋಶೆನಿ ವಚನ್ ಶಿಕಾಡವಾಳೊ ಏಕ್‌ ಜ಼ಣೊ ಐನ್, ಯೇಸುನ, “ಗುರು, ತೂ ಕಿಜ್ಗಾ಼ ಗಯೊತೋಬಿ ಮೇ ತಾರ ಪೀಠೇಸ್‌ ಆವ್‍ಸ್‌” ಕರಿ ಬೋಲ್ಯೊ.

ಯೋಹಾನ 10:27

ಮಾರ ಮೇಂಢ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ಮನ ಇವ್ಣೆ ಮಾಲುಮ್‌ ಅಜು಼ ಇವ್ಣೆ ಮಾರ ಪೀಠೆ ಆವಸ್.

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 13:37

ಪೇತ್ರನೆ ಯೇಸುನ, “ಪ್ರಭು, ಮೇ ಶನ ಹಮ್ಕೆ ತಾರ ಪೀಠೆ ಆವಾನ ಕೋ ಉಶೇನಿ? ಮೇ ತಾರಖ್ಹಾಜೆ ಜಾನ್‌ ದೆವಾನಾಬಿ ತಯಾರ್ ಛು಼!” ಕರಿ ಬೋಲ್ಯೊ.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

1 ಕೊರಿಂಥ 16:15

ಸ್ತೆಫನನ ಘರ್‌ವಾಳು ಅಖಾಯಮ ವಿಶ್ವಾಸ್ಮ ಪಹಿಲು, ದೇವ್ನ ಅದ್ಮಿಯೇವ್‍ನ ಚಾ಼ಕ್ರಿ ಕರಾನಖ್ಹಾಜೆ ಇವ್ಣುನಸ್ ದೀಲಿದುಹುಯು ಕರಿ ಬೋಲಾನು ತುಮೂನ ಮಾಲುಮ್ ಛಾ಼. ಭೈಯೆ ಭೇನೆವೊ ಮೇ ತುಮುನ ಬಿಂತಿಕರೂಸ್,

1 ಕೊರಿಂಥ 6:20

ತುಮೆ ದೇವ್‍ಥಿ ಮೋಲ್ ಲೆವಾಯಹುಯ ಇನಖ್ಹಾಜೆ ತುಮಾರ ಶರೀರ್‌ಖ್ಹಾರಥಿ ದೇವ್ನ ಮಹಿಮೆ ಕರೊ.

1 ಕೊರಿಂಥ 7:28

ಏಕ್‌ ವಖ್ಹತ್‌ಮ ತೂ ವ್ಯಹಾ ಕರ‍್ಯೊತೋಬಿ ಯೋ ಪಾಪ್‍ಕಾಹೆ. ಕವಾರಿ ವ್ಯಹಾ ಕರಿತೋಬಿ ಪಾಪ್‍ಕಾಹೆ. ಕತೋಬಿ ವ್ಯಹಾಕರಿಲ್ಯವಾಳನ ಕೈಯೆಕ್ಕಿ ದುಖ್ ಆವ್‌ಶೆ ಯೋ ತುಮೂನ ನಾ ಹೋಣುಕರಿ ಬೋಲಾನುಸ್ ಮಾರಿ ಖ್ಹಯಾಲ್ ಹುಯಿರ‍್ಹೀಸ್.

2 ಕೊರಿಂಥ 11:2

ಶನಕತೊ ದೇವ್‌ಮ ಛಾ಼ತೆ ಬಳಾಪಥೀಸ್ ಮೇ ತುಮಾರಿ ಬಾರೇಮ ವೆಚ಼್‌ಣೆಕರೂಸ್. ತುಮುನ ಕ್ರಿಸ್ತ ಕರಿ ಬೋಲೈರ‍್ಹೋತೆ ಎಕ್ಕಸ್ ಪರ್ಖ್ಹಾನ ಶುದ್ಧಕವಾರಿ ಬಣೈನ್ ತುಮುನ ಇನ ಹಾತ್ಮ ದೇವ್ಣುಕರಿ ತೀರ್ಮಾನ್ ಕರಿರಾಖ್ಯೊಸ್ನಿ.

ಎಫೆಸ 1:14

ದೇವ್ನೆ ಇನ ಶೊಂತ್ ಅದ್ಮಿನ ಛುಟ್ಕಾರ್ ಉಷೆಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣುನ ಖ್ಹಂಜ಼್‌ಕಾರ್‌ ಹುಯಿರ‍್ಹೊಸ್, ಅನಖ್ಹಾಜೆ ದೇವ್ನ ಮಹಿಮೆ ಕರಿಯೆ.

ಎಫೆಸ 5:27

ಇನಖ್ಹಾಜೆ ಕಳಂಕ್‌ನಿ ದಾಗ್ ನಾ ರ‍್ಹೇವ್ಣುತೆ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಮಹಿಮೆಥಿ ರ‍್ಹವಾನಿ ಸಬೆಕರೀನ್ ಇನಖ್ಹಾಮ್ಣೆ ಭೀರಖಡ್ನುಕರಿ ಭೋದನೆನ ಜೋ಼ಡೆಸ್ ಪಾಣಿಥಿ ನೊಹಾಡಿನ್ ಶುದ್ದಕರ‍್ಯೊ.

1 ತಿಮೊ 4:3

ಇವ್ಣೆ ವ್ಯಹಾ ಕರಾನು ಗಲತ್‌ ಕರೀಬಿ, ಖ್ಹಣೇದ್ ಕರ‍್ಯುಹುಯು ರಾಛ಼ನ ನಾ ಖಾವ್ಣುಕರಿ ಇವ್ಣೆ ಶಿಕಾಡಸ್. ಕತೋಬಿ ವಿಶ್ವಾಸ್‌ಮ ರ‍್ಹೀನ್, ಖ್ಹಾಚಿನ ಪರ್ಖಿರಾಖ್ಯೂತೆ ಇವ್ಣೆ ಧನ್ಯವಾದ್ ಕರೀನ್, ಯೋ ಖಾಣನ ಖಾವದೆ, ಶನಕತೊ ದೇವ್ನೆ ಖಾವಾನಟೇಕೆಸ್‌ ಯೋ ಖ್ಹಾರು ಬಣೈರಾಖ್ಯೋಸ್ತೆ.

ಇಬ್ರಿ 12:23

ಪರ್‌ಲೋಕ್‌ಮ ನಾಮ್ ಲೀಖೈರಾಖ್ಯಹುಯ ಪಹಿಲೋಟ ಲಡ್ಕಾನಿ ಸಬೇನಾಬಿ, ಅಖ್ಖಾನ ನ್ಯಾವ್‍ಣೊ ಹುಯಿರೋತೆ ದೇವ್‌ಕನಾಬಿ ಪೂರ ಹುಯಿರೋತೆ ನೀತಿವಾಳಾನ ಆತ್ಮಕನಾಬಿ ಐರ‍್ಹಾಸ್.

ಯಾಕೋಬ 1:18

ದೇವ್ ಇನಿ ಅಛ್ಛಿ ಖ್ಹೂಜ಼್‌ನಿ ಪರಕ್ಮ ಖ್ಹಾಚಿವಚನ್‍ಥಿ ಅಪ್ಣುನ ಜಾನ್‍ದೀರಾಖ್ಯೊತೆ ಇನಖ್ಹಾಜೆ ಅಪ್ಣೆ ಇನಿ ಖ್ಹಾರಿಸ್ ಉಬ್‌ಜಾ಼ವ್ಣಿಮ ಫಹಿಲಫಲ್‍ ಹುಯಿರ‍್ಹಾಸ್.

1 ಪೇತ್ರ 2:9

ಕತೋಬಿ ಅಂಧಾರಮ ಛಾ಼ತೆ ತುಮುನ ಬುಲೈನ್ ಇನ ಆಶ್ಚರ್ಯನ ಉಜಾ಼ಳಮ ಮಳೈಲಿದ ಹುಯಾನ ಅದ್ಭುತ್ ಕಾಮ್ನ ಕರಾವಳ ಹೋಣುಕರಿ ತುಮೆ ಚೂ಼ಣೈಗಯುಹುಯು ಜ಼ಗ್‌ಜಾ಼ತ್‌ಬಿ, ರಾಜಾ಼ನ ಖಾನ್‌ದಾನ್ನ ಯಾಜಕ್‍ಬಿ, ಪರಿಶುಧ್ ಅದ್ಮಿಬಿ, ದೇವ್ನ ಶೊಂತ್‌ ಅದ್ಮಿಬಿ ಹುಯಿರ‍್ಹಾಸ್.

ಪ್ರಕಾಶಿತ್ 17:14

ಇವ್ಣೆ ಮೇಂಢಾನು ಚೆಲ್ಕುಹುಯಿರ‍್ಹವಾಳನ ವಿರೋದ್‌ಥಿ ಜಂಗ್ ಭೀಡ್‌ಷೆ. ಕತೋಬಿ ಯೋ ಪ್ರಭುನೊ ಪ್ರಭು ರಾಜಾ಼ನೊ ರಾಜಾ಼ಬಿ ಹುಯಿರ‍್ಹಿಷೇತೆ ಇನಖ್ಹಾಜೆ ಮೇಂಢಾನು ಚೆಲ್ಕು ಇವ್ಣೇಥಿ ಜೈಕಾರ್ ಉಷೆ ಅಜು಼ ದೇವ್ನೆ ಬುಲೈರಾಖವಳುಬಿ ದೇವ್ನೆ ಚೂ಼ಣಿರಾಖ್ಯೋತೆಬಿ, ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹೂತೆ ಇನವಾಳು ಮೇಂಢಾನ ಚೆಲ್ಕಾನ ಜೋ಼ಡ್ಮ ವಾಟೊವಾಳು ಹುಯಿರ‍್ಹಿಷೆ.

ಪ್ರಕಾಶಿತ್ 21:22

ಮೆ ಖ್ಹಯೇರ್‌ಮ ಮಂದಿರ್‌ಬಿ ದೇಖ್ಯೊ ಕೊಯ್ನಿ. ಶನಕತೊ ಸರ್ವಶಕತ್‌ನೊ ದೇವ್‌ಹುಯಿರ‍್ಹೋತೆ ಪ್ರಭು ಅಜು಼ ಮೇಂಢಾನು ಚೆಲ್ಕುಹುಯಿರ‍್ಹವಾಳೊ ಯೊ ಇನು ಮಂದಿರ್‌ ಹುಯಿರ‍್ಹೂಸ್.

ಪ್ರಕಾಶಿತ್ 21:23

ಖ್ಹಯೇರ‍್ನ ಉಜಾ಼ಳು ದ್ಯವಾನ ಚಾ಼ಂದ್‌ರ‍್ಹವೊ ಚ಼ಂದರ್‌ಮೊರ‍್ಹವೊ ಹೋಣುಥುಕೊಯ್ನಿ ಶನಕತೊ ದೇವ್ನಿ ಮಹಿಮೆಸ್ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಮೇಂಢಾನು ಚೆಲ್ಕುಸ್ ನಂಗರ‍್ನ ದೀವೊ ಹುಯಿರ‍್ಹೋಥೊ.

ಪ್ರಕಾಶಿತ್ 3:4

“ತುಮಾರು ಸಬೆನ ಮಳಿರ‍್ಹುಸ್ತೆ ಥೋಡ ಜ಼ಣ ಸಾರ್ದಿಸ್‍ನು ಬೀಜೂಬಿ ಪವಿತ್ರ ಛಾ಼. ಅವ್ಣೆ ಇವ್ಣ ಲುಂಗ್ಡಾನ ಗಂಧು ಕೋಕರಿರಾಖ್ಯುನಿ. ಅವ್ಣೆ ಯೋಗ್ಯರ್ ಹುಯಿರ‍್ಹಿಷೇತೆ ಇನಖ್ಹಾಜೆ ಧೋಳು ಲುಂಗ್ಡಾನ ಫೇರಿನ್ ಮಾರ ಜೋ಼ಡ್ಮ ಚಾ಼ಲ್‍ಷೆ.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.