ಪ್ರಕಾಶಿತ್ 14:3 - ದೇವ್ನಿ ಖ್ಹಾಚಿ ವಚನ್

³ ಇವ್ಣೆ ಸಿಂಹಾಸನ್ನ ಖ್ಹಾಮ್ಣೆಬಿ ಯೊ ಚಾರ್ ಜೀವಿನ ಅಜು಼ ಶಾಣವ್ನ ಖ್ಹಾಮ್ಣೇಬಿ ನವು ಗೀದ್‌ ಬೋಲ್ಯು. ಆ ಧರ್ತಿಥು ಮೋಲ್ ಲೀರಾಖ್ಯುಥೂತೆ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್ ಅದ್ಮಿನ ಪಣ್ಕಿ ಬಿಜು಼ ಕೋಣ್‌ಬಿ ಯೊ ಗೀದ್‌ನ ಶಿಕಾನ ಕೊಉಷೇನಿ.

ಪ್ರಕಾಶಿತ್ 14:3 ပူးပေါင်းရင်းမြစ်များ

1 ಕೊರಿಂಥ 1:18

ಶನಕತೊ ನಾಶನ ಮಾರಗ್‍ಮಛಾ಼ತೆ ಅದ್ಮಿಖ್ಹಾರಾನ ಶಿಲ್‌ಬೇನು ಬೋಧನೆ ಪಾಗಲ್‍ಪನ್ ಹುಯಿರ‍್ಹೂಸ್. ಕತೋಬಿ ರಕ್ಷಣೆನ ಮಾರಗ್‍ಮ ಛಾ಼ತೆ ಅಪ್ಣುನತೋ ಯೋ ದೇವ್ನಿ ಶಕತ್ ಹುಯಿರ‍್ಹೀಸ್.

1 ಕೊರಿಂಥ 2:14

ಜಗತ್‌ನು ಹುಯಿರ‍್ಹಾವಳೊ ದೇವ್ನಿ ಆತ್ಮಾನಿ ವಾತೇನ ಸ್ವೀಕಾರ್ ಕೋಕರಾನಿ; ಯೊ ಅಖ್ಖು ಇನ, ಘೈಲಿ ವಾತೆನಿಘೋಣಿ ದೇಖಾವಸ್. ಯೋ ಅದ್ಮಿ ಪವಿತ್ರಾತ್ಮನಿ ವಾತೇನ ಸೋಚಾನ ಕೊ ಹುವಾನಿ; ಶನಕತೊ ಯೊ ವಾತೇವ್ನ ಆತ್ಮೀಕ್‌ ಪರಕ್ಮಾಸ್ ವಿಚಾರ್ ಕರ‍್ನು.

ಪ್ರಕಾಶಿತ್ 14:1

ಅನಪಾರ್ ಮೆ ದೇಖಾಮ ಬಲಿ ಮೇಂಢಾನ ಚೆಲ್ಕುಹುಯಿರ‍್ಹವಾಳೊ ಚೀಯೋನ್ ಪರ್ಭತ್‌ಪರ್‌ ಭಿಯುರ‍್ಹವಾನು ದೇಖ್ಯೊ. ಇನ ಜೋ಼ಡ್ಮ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್‌ಜ಼ಣು ಥು. ಇವ್ಣ ತಾಳ್ವಪರ್ ಇನು ನಾಮ್‌ಬಿ ಇನ ಬಾನು ನಾಮ್‌ಬಿ ಲೀಖೈರ‍್ಹೂಥು.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.

ಪ್ರಕಾಶಿತ್ 2:17

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ಲಪಾಡಿರಾಖ್ಯೊಸ್ತೆ ಮನ್ನ ಕರಿ ಖಾಣನ ದಿಶ್. ಅತ್ರೇಸ್ ಕಾಹೆತೆ ಮೆ ಇನ ಏಕ್‌ ಧೋಳ ಬಂಡಾನ ದಿಶ್, ಯೋ ಬಂಡಾಪರ್ ನವು ನಾಮ್ನ ಟಕೈನ್‌ಲೀಖೈಷ್‍ ಯೋ ನಾಮ್ ಲೀರಾಖವಾಳನ ಮಾಲುಮ್ ಪಡ್‌ಶೆ, ಪಣ್ಕಿ ಯೋ ಬಿಜು಼ ಕಿನಾಬಿ ಮಾಲುಮ್‍ ಕೋಪಡ್ಷೇನಿ.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.

ಪ್ರಕಾಶಿತ್ 7:4

ಮುದ್ರೊ ಮರೈಲಿದುತೆ ಇವ್ಣಿ ಗಣ್ತಿ ಮನ ಖ್ಹಮಜ಼್‌ಮ ಆಯುಕಿ ಏಕ್‌ಲಾಕ್ ಚಾರ್‌ಉಪ್ಪರ್ ಚಾ಼ಳೀಖ್ಹ್‌ಹಜಾ಼ರ್‌ ಇಸ್ರಾಯೇಲರ‍್ನು ಹರೇಕ್ ಖೂಮ್ನ ಮಳಿಹುಯು ಹುಯಿರ‍್ಹುಥು.