ಪ್ರಕಾಶಿತ್ 14:16 - ದೇವ್ನಿ ಖ್ಹಾಚಿ ವಚನ್

¹⁶ ಇಮ್ಮಸ್ ವಾದ್ಳಪರ್ ಬೆಠೋಥೋತೆ ಯೊ ಇನಿ ಚಾ಼ಲ್ತಿ ದರಾತಿನ ಜ಼ಮೀನ್‌ಪರ್ ನಾಖ್ಯೊ. ತದೆ ಜ಼ಮೀನ್‌ಪರ್‌ನು ಅನಾಜ಼್ ವ್ಹಡೈಗು.

ಪ್ರಕಾಶಿತ್ 14:16 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಪ್ರಕಾಶಿತ್ 14:14

ತದೆ ಮೇ ದೇಖಾದಿನ್ ಮಾರಖ್ಹಾಮ್ಣೆ ಅದ್ಮಿನೊ ಛಿಯ್ಯಾನಿತರ ದೆಖವ್‍ಕರಾತೆ ಏಕ್ಜ಼ಣೊ ಧೋಳ ವಾದ್‍ಳಾನ ಉಪ್ಪರ್ ಬೆಠೋಥೊ. ಇನ ಮುಡ್‌ಕ್ಯಪರ್ ಖ್ಹೊನ್ನಾನಿ ಕಿರೀಟ್‌ಥಿ. ಅಜು಼ ಇನ ಹಾತ್ಮ ಚಾ಼ಲ್ತಿ ದರಾತಿಥಿ.

ಪ್ರಕಾಶಿತ್ 14:15

ತದೆ ಬಿಜೇಕ್ ದೂತನೆ ಮಂದಿರ್‌ಮಾಥು ಭಾರ್‌ ಆಯಿನ್ ವಾದ್ಳಪರ್ ಬೆಠೂತೆ ಇನ, “ಜ಼ಮೀನ್‌ಮಾನು ಅನಾಜ಼್ ಪಕೈಗಯು, ವಢಾವ್ಣಿನ ದನ್ ಅಯಿಗ. ತಾರಿ ದರಾತಿನ ಪಾಡಿನ್ ಅನಾಜ಼್‌ನ ವ್ಹಾಡ್‌” ಕರಿ ಜೋ಼ರೇಖ್ಹು ಬೋಲ್ಯೊ.

ಪ್ರಕಾಶಿತ್ 14:17

ಇನಪಾರ್ ಬಿಜೇಕ್ ದೇವ್‌ನೊ ದೂತ ಪರ್‌ಲೋಕ್‌ನು ಮಂದಿರ್‌ಮಾಥೊ ಭಾರ್‌ಆಯೊ. ಇನಕನಾಬಿ ಏಕ್‌ ಚಾ಼ಲ್ತಿ ದರಾತಿ ಥಿ.

ಪ್ರಕಾಶಿತ್ 14:19

ತದೆ ಯೋ ದೇವ್‌ನೊ ದೂತನೆ ಇನಿ ದರಾತಿ ಥಿ. ಜ಼ಮೀನ್‌ಪರ್‌ಲ್ಯು ದ್ರಾಕ್ಷಿನ ವೇಲಮಾನು ದ್ರಾಕ್ಷಿನ ಪಂಡಾನ ವ್ಹಾಡಿಎಕ್ಟುಕರಿನ್, ದೇವ್‌ನೊ ಇರಾದೊಕರಿ ಬೋಲಾನು ಮೋಟಿ ಬಾನೇಮ ಫೇಕ್ಯೊ.