ಪ್ರಕಾಶಿತ್ 12:6 - ದೇವ್ನಿ ಖ್ಹಾಚಿ ವಚನ್

⁶ ಅಜು಼ ಯೊ ತಯೇಡ ಜ಼ಂಗಳ್‌ಮ ನಾಶಿಚ಼ಲಿಗೈ. ಹಿಜ್ಜಾ಼ ಇನ ಏಕ್‌ ಹಜಾ಼ರ್ ಬೇಖ್ಹೊ ತೀನಿಖ್ಹ್‌ ದನ್‌ಲಗು ಪಳಾನಖ್ಹಾಜೆ ದೇವ್ನೆ ತಯಾರ್ ಕರಿರಾಖ್ಯೋಥೊತೆ ಝ಼ಗೋನ ಇನೆ ದೇಖಿ.

ಪ್ರಕಾಶಿತ್ 12:6 ပူးပေါင်းရင်းမြစ်များ

ಮತ್ತಾಯ 4:11

ತದೆ ಶೈತಾನ್ನೆ ಇನ ಮ್ಹೆಂದಿನ್ ಚ಼ಲೆಗಯೊ. ಅಜು಼ ದೇವ್‌ನು ದೂತರ್ ಆಯಿನ್, ಇನಿ ಸೇವಾ-ಚಾ಼ಕ್ರಿ ಕರ‍್ಯು.

ಪ್ರಕಾಶಿತ್ 12:14

ಕತೋಬಿ ಯೊ ತಯೇಡ ಜ಼ಂಗಳ್‌ಮ ಥೂತೆ ಇನಿ ಝ಼ಗೋನ ಉಡಿಜಾ಼ವನಖ್ಹಾಜೆ ಇನ ಮೋಟಿಖ್ಹಿ ಗರದ್ನಿ ಬೇ ಫಾಕ್ಡಿಖ್ಹಾರು ದೆವಾಯು. ಹಿಜ್ಜಾ಼ ಯೊ ಖ್ಹಡ್‌ತೀನ್ ವರಖ್ಹ್ ದನ್ ಅರ್ಝ಼ನ ಖ್ಹಪಡ್ನುನಾತೆ ತಿಮ್ ಪಳಿ.

ಪ್ರಕಾಶಿತ್ 12:4

ಇನ ಡೋಂಡೇಥಿ ಆಬ್‌ನ ತಾರವ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖೇಚಿನ್ ಜ಼ಮೀನ್‌ಪರ್ ಫೇಖ್ಯು. ಜ಼ಣುಕರಾತೆ ಯೊ ತಯೇಡ ಜ಼ಣ್‌ತಾಸ್ನ ಇನ ಲಡ್ಕಾನ ಗಳಿಲೇವ್ಣುಕರಿ ಯೊ ಅರ್ಝ಼ ಇನ ಖ್ಹಾಮ್ಣೆಸ್ ಟಿವೈರ‍್ಹೂಥು.

ಪ್ರಕಾಶಿತ್ 13:5

ಯೊ ಜಾನ್ವರ್‌ನೆ ಬಡೈನಿ ವಾತೆಥೀಬಿ ಗಾಳೆಥೀಬಿ ಬೋಲಾನ ಮ್ಹೋಡು ದೆವೈರ‍್ಹುಥು. ಅಜು಼ ಬೇಉಪ್ಪರ್ ಚಾ಼ಳಿಖ್ಹ್ ಮಹಿನಲಗು ಇನು ಕಾಮ್‌ಖ್ಹಾರು ಚ಼ಲಾವನಿ ಅದಿಕಾರ್‌ಬಿ ಇನ ದೆವೈರ‍್ಹುಥು.

ಪ್ರಕಾಶಿತ್ 17:3

ತದೆ ಇನೆ ದೇವ್ನಿ ಆತ್ಮಾಥಿ ಭರೈರ‍್ಹೊಥೋತೆ ಮನ ಪಾಡಿಲೀನ್ ಜ಼ಂಗಳ್‌ಮ ಗಯೊ. ಹಿಜ್ಜಾ಼ ಮೆ ಲಲೇಲಾಲ್ ರಂಗ್‌ನ ಜಾನ್ವರ್‌ಪರ್ ಬೆಠಿಥೀತೆ ಏಕ್‌ ತಯೇಡಾನ ದೇಖ್ಯೊ. ಯೋ ಜಾನ್ವರ್‌ನು ಆಂಗ್‌ತನ್‌ ಅಖ್ಖು ಗಾಳೆ ದ್ಯವಾನು ನಾಮ್‌ಅಖ್ಖು ಭರೈರ‍್ಹೂಥು. ಇನ ಖ್ಹಾತ್ ಮುಡ್‌ಕ್ಯಾಬಿ ದಖ್ಹ್‌ ಶಿಂಗ್ಡಾಬಿ ಥು.