ಪ್ರಕಾಶಿತ್ 12:5 - ದೇವ್ನಿ ಖ್ಹಾಚಿ ವಚನ್

⁵ ಇನೆ ಜ಼ಗ್‌ಜಾ಼ತ್ನ ಲ್ಹೋಡಾನ ಲಠ್ಠೇಥಿ ಚ಼ಲಾವ್‌ಣೂತೆ ಏಕ್‌ ಪರ್ಖ್ಹಾ ಲಡ್ಕಾನ ಜ಼ಣಿ. ಯೋ ಲಡ್ಕು ತದೇಸ್‌ ದೇವ್‌ಕನಾಬಿ ಇನ ಸಿಂಹಾಸನ್‌ಕನಬಿ ಪಡೈಗಯು.

ಪ್ರಕಾಶಿತ್ 12:5 ပူးပေါင်းရင်းမြစ်များ

ಮತ್ತಾಯ 1:25

ಕತೋಬಿ ಮರಿಯ ಛಿಯ್ಯೊ ಪೈದಾಕರಾತೋಡಿ, ಯೋಸೇಫ ಇನಜೋ಼ಡೆ ಖ್ಹುತೊಕೊಯ್ನಿ. ಯೋಸೇಫ್‌ನೆ ಯೋ ಲಡ್ಕಾನ ಯೇಸು ಕರಿ ನಾಮ್ ಮ್ಹೇಲ್ಯೊ.

ಮಾರ್ಕ 16:19

ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ.

2 ಕೊರಿಂಥ 12:2

ಕ್ರಿಸ್ತಮ ಛಾ಼ತೆ ಏಕ್‍ಜ಼ಣೊ ಮನ ಮಾಲುಮ್ ಚೌ಼ಧ ವರಖ್ಹ್‌ನ ಪೀಠೆ ಯೊ ತೀನ್ನೊ ಆಕಾಶ್‌ಪರ್ ಪಡೈಗಯೊ. ಯೋ ಶರೀರ್ ಖ್ಹಮ್‍ದೆ ಗಯೋಕಿ, ಶರೀರ್ ಕೊಯ್ನಿತೇಸ್ ಗಯೋಕಿ ಮನ ಮಾಲುಮ್‌ಕೊಯ್ನಿ ದೇವ್ನಾಸ್‍ಮಾಲುಮ್‌.

2 ಕೊರಿಂಥ 12:4

ಯೋ ಸೊರ್ಗಲಗು ಉಡಿಜೈ಼ನ್ ಅದ್ಮಿವೋಥಿ ಬೋಲ್ನುನಾತೆ ವಾತೆನ ಖ್ಹಮ್‌ಜ್ಯೊಕರಿ ಮಾಲುಮ್. ಯೋ ವೇಳ್ಮ ಇನೆ ಶರೀರ್‌ನ ಲೀರಾಖ್ಯೊಥೋಕಿ ಕೊಯ್ನಿ ಶರೀರ್ ಕೋಲಿರಾಖ್ಯೊಥೋನಿಕಿ ಮನ ಮಾಲುಮ್‌ಕೊಯ್ನಿ. ದೇವ್ನಾಸ್ ಮಾಲುಮ್‌.

ಪ್ರಕಾಶಿತ್ 11:12

ಇನಪಾರ್ ಇವ್ಣುನ, “ಹಜ್ಜಾ಼ ಉಪ್ಪರ್ ಛ಼ಡಿನ್ ಆವೊ” ಕರಿ ಆಬ್‍ಥು ಮೋಟ ಅವಾಜ಼್‌ನೆ ಬೋಲ್ಯು. ಇನ ಖ್ಹಮ್‌ಜುತೆ ಇವ್ಣೆ ವಾದ್ಳಮಾಕರಿ ಸೊರ್ಗನ ಛ಼ಡೀಗು. ಇವ್ಣೆ ಜಾ಼ವನು ಇವ್ಣ ವಹೇರ‍್ಯಖ್ಹಾರು ದೇಖುಸ್‌ಕರ್ತಥು.

ಪ್ರಕಾಶಿತ್ 12:13

ಅರ್ಝ಼ ಇನುಯೋ ಜ಼ಮೀನ್‌ಪರ್ ಧಕೈಲೈನ್‌ ಪಡಿರ‍್ಹಾವನು ಪರ್ಖಿಲಿನ್, ಪರ್ಖ್ಹೊ ಲಡ್ಕು ಜ಼ಣೀತೆ ತಯೇಡನ ಖ್ಹತಾವನಖ್ಹಾಜೆ ರಪೇಟಿನ್‌ ಗಯು.

ಪ್ರಕಾಶಿತ್ 12:2

ಯೊ ಬೇಜೂನಿ ಹುಯಿರ‍್ಹಿನ್ ಯೋ ಜ಼ಣತ್ನ ದರದ್‌ಥಿ ಖ್ಹತೀನ್ ರೊವ್‍ಕರ್ತೀಥಿ.

ಪ್ರಕಾಶಿತ್ 19:15

ಜ಼ಗ್‌ಜಾ಼ತ್ನ ಕತ್ರಾನಖ್ಹಾಜೆ ಇನ ಮ್ಹೋಡೇಖ್ಹು ಚಾ಼ಲ್ತಿ ತಲ್ವಾರ್‌ ನಿಕ್ಳಿಆವಾಸ್. ಯೊ ಇವ್ಣುನ ಲ್ಹೋಡಾನ ಡಂಡೇಥಿ ಆಳ್‌ಷೆ. ಸರ್ವಶಕತ್‌ನೊ ಹುಯಿರೋತೆ ದೇವ್ನಿ ಘಣಿ ಮೋಟಿ ಖೀಜ಼್‌ಕರಿ ಬೋಲಾನ ದ್ರಾಕ್ಷಿನ ಬಾನೇಮ ರ‍್ಹವಾಳನ ಖುಂದ್ಲಿನಾಕ್ಷೆ.