ಪ್ರಕಾಶಿತ್ 12:17 - ದೇವ್ನಿ ಖ್ಹಾಚಿ ವಚನ್

¹⁷ ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 12:17 ပူးပေါင်းရင်းမြစ်များ

ಮತ್ತಾಯ 28:20

ಅಜು಼ ಮೇ ತುಮೂನ ಹುಕುಮ್‌ ದೀರಾಖ್ಯೋತೆ ಖ್ಹಾರಸ್ನ ಇವ್ಣೆ ಪಾಡಿ ಚಾ಼ಲಾನಿಘೋಣಿ ಇವ್ಣುನ ಬೋಲಿವತಾಳೊ. ಅಜು಼ ಯಾದ್ಮ ರ‍್ಹವಾದೇಕಿ ಜಗತ್‌ನು ಖ್ಹರ್ತಿ ಹುವಾಲಗೂಬಿ, ಹಮೇಶ ಮೇ ತುಮಾರ ಜೋ಼ಡೆಸ್ ರ‍್ಹೀಶ್” ಕರಿ ಬೋಲ್ಯೊ.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

1 ಕೊರಿಂಥ 2:1

ಪ್ಯಾರ್‌ನ ಭೈಯೇ ಭೇನೆವೊ, ಮೇ ದೇವ್ನ ಖ್ಹಾಚ಼ನ ಖ್ಹಮ್‍ಜಾ಼ಡ್‌ತೊಹುಯಿನ್ ತುಮಾರಕನ ಆಯೊ. ಕತೋಬಿ ಮೇ ಚಾ಼ತುರ್ ವಾತೇಥಿ ರ‍್ಹವೊ ಅಕ್ಕಲ್‍ಥಿ ರ‍್ಹವೊ ಕೊ ಆಯೋನಿ.

1 ಪೇತ್ರ 5:8

ಅಛ್ಛಿಖ್ಹೂಜ಼್‌ವಾಳನ ಹುಯಿ‍ರ‍್ಹೆವೊ ಅಜು಼ ಜ಼ತನ್‌ಥಿ ರ‍್ಹವೊ. ತುಮಾರೊ ವಿರೋದಿ ಹುಯಿರ‍್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.

1 ಯೋಹಾನ 2:3

ಅಪ್ಣೆ ಇನಿ ಹುಕುಮ್‌ನ ವಿಧೇಯ ಹುಯಿನ್ ಚಾ಼ಲಿಲ್ಯವಾನುಸ್ ಅಪ್ಣೆ ಇನ ಮಾಲುಮ್ ಕರಿಲಿದಾಕರಿ ಖ್ಹಮ್‍ಜಿಲಿಯೇಸ್.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

1 ಯೋಹಾನ 5:2

ಅಪ್ಣೆ ದೇವ್ನ ಪ್ಯಾರ್‌ಕರೀನ್ ಇನಿ ಹುಕುಮ್‌ನ ಪಾಡಿಚಾ಼ಲಥೀಸ್‍ ದೇವ್ನ ಲಡ್ಕಾನ ಪ್ಯಾರ್‌ಕರ್‌ಶು ಕರಿ ಮಾಲುಮ್ ಕರಿಲಿಯೇಸ್.

ಪ್ರಕಾಶಿತ್ 1:2

ಯೋಹಾನನೆ ದೇವ್ನಿ ವಚನ್ನಿ ಬಾರೆಮಾಬಿ, ಯೇಸು ಕ್ರಿಸ್ತನೆ ಬೋಲ್ಯೊತೆ ಸಾಕ್ಷಿನಿ ಬಾರೆಮಾಬಿ,ಇನೆ ದೇಖ್ಯೋತೆ ಖ್ಹಾರು ಖ್ಹಮ್‌ಜಾಡವಾಳೊಹುಯಿನ್‌ ಸಾಕ್ಷಿ ಬೋಲ್ಯೊ.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 11:7

ಕತೋಬಿ ಆ ಬೇಜ಼ಣ ಇವ್ಣಿ ಸಾಕ್ಷಿಯೆವ್‌ನ ಬೋಲಿ ಖತಮ್ ಕರಾದಿನ್,ಪಾತಾಳ್‌ಥೊ ಆವ್‌ಶೇತೆ ಜಾನ್ವರ್‌ ಅವ್ಣುನ ಜಂಗ್‌ಮ ಹರೈನ್ ಮಾರಿನಾಕ್‌ಶೆ.

ಪ್ರಕಾಶಿತ್ 12:16

ಕತೋಬಿ ಜ಼ಮೀನ್ನೆ ಯೊ ತಯೇಡಾನ ಮದತ್ ಕರ‍್ಯು. ಯೋ ಇನ ಬಾಕಾನ ಪಖ್ಹಾರಿನ್ ಅರ್ಝ಼ನ ಇನ ಬಾಕೇಥಿ ಮ್ಹೇಲ್ಯೋತೆ ನದ್ದೀನ ಗಳಿಲಿದು.

ಪ್ರಕಾಶಿತ್ 13:7

ಆ ನಾಹುಯಿನ್ ದೇವ್ನ ಪರಿಶುದ್ಧ ಅದ್ಮಿವ್‌ಪರ್ ಜಂಗ್ ಭೀಡಿನ್ ಇವ್ಣುನ ಹರಾವನಿ ಅದಿಕಾರ್ ದೆವಾಯು ಅಜು಼ ಅಖ್ಖೀಸ್ ಖೂಮ್‌, ಬೋಲಿ, ಲೋಗ್, ಜ಼ಗ್‌ಜಾ಼ತ್‌ಪರ್ ಇನ ಅದಿಕಾರ್ ದೆವಾಯು.

ಪ್ರಕಾಶಿತ್ 14:12

ಅನಾಮ ದೇವ್ನಿ ಹುಕುಮ್‌ನಾಬಿ, ಯೇಸುನಿ ಬಾರೇನಿ ವಿಶ್ವಾಸ್‌ನ ಪಾಡಿನ್ ಚಾ಼ಲುಕರಾವಳ ದೇವ್ನ ಅದ್ಮಿಖ್ಹಾರನ ಖ್ಹಮಾಳಿರ‍್ಹವಾನು ಹಜ್ಜಾ಼ ವತಾಳ್ಣು ಪಡಾಸ್‌.

ಪ್ರಕಾಶಿತ್ 17:14

ಇವ್ಣೆ ಮೇಂಢಾನು ಚೆಲ್ಕುಹುಯಿರ‍್ಹವಾಳನ ವಿರೋದ್‌ಥಿ ಜಂಗ್ ಭೀಡ್‌ಷೆ. ಕತೋಬಿ ಯೋ ಪ್ರಭುನೊ ಪ್ರಭು ರಾಜಾ಼ನೊ ರಾಜಾ಼ಬಿ ಹುಯಿರ‍್ಹಿಷೇತೆ ಇನಖ್ಹಾಜೆ ಮೇಂಢಾನು ಚೆಲ್ಕು ಇವ್ಣೇಥಿ ಜೈಕಾರ್ ಉಷೆ ಅಜು಼ ದೇವ್ನೆ ಬುಲೈರಾಖವಳುಬಿ ದೇವ್ನೆ ಚೂ಼ಣಿರಾಖ್ಯೋತೆಬಿ, ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹೂತೆ ಇನವಾಳು ಮೇಂಢಾನ ಚೆಲ್ಕಾನ ಜೋ಼ಡ್ಮ ವಾಟೊವಾಳು ಹುಯಿರ‍್ಹಿಷೆ.

ಪ್ರಕಾಶಿತ್ 17:6

ಯೋ ತಯೇಡ ನೀತಿವಾಳನ ಲ್ಹೋಯಿನ ಅಜು಼ ಯೇಸುನ ಖ್ಹಾಜೆ ಸಾಕ್ಷಿದೀನ್ ಮರ‍್ಯಹುಯಾನ ಲ್ಹೋಯಿನ ಪೀನ್ ಕಯೇಪ್ ಹುಯಿರ‍್ಹವಾಳಿನ ದೇಖ್ಯೊ. ಮೇ ಇನ ದೇಖಿನ್ ಘಣು ಆಶ್ಚರ್ಯ ಹುಯೊ.

ಪ್ರಕಾಶಿತ್ 18:20

ಸೊರ್ಗಾಮ ರ‍್ಹವಾಳ ಅದ್ಮಿವೊ, ಅಪೊಸ್ತಲ ಖ್ಹಾರಾವೊ಼, ಪ್ರವಾದಿಖ್ಹಾರವೊ಼, ಯೊ ಹುಯಿರ‍್ಹೀತೆನ ಇನಖ್ಹಾಜೆ ಖುಷಿ ಕರೊ. ಶನಕತೊ ಆ ಹೈರಿತೆ ತುಮುನ ಠಗಾಯ್ತೆ ಇನಖ್ಹಾಜೆ ದೇವ್ನೆ ಇನ ಬರೋಬರ್‌ಥೀಸ್‌ ತೀರ್ಪ್‌ ಕರ‍್ಯೊ.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 19:19

ತದೆ ಯೊ ಜಾನ್ವರ್‌ಬಿ, ಜ಼ಮೀನ್ನ ರಾಜ಼ವ್‌ಬಿ, ಇವ್ಣ ಶಿಪಾಯಿಖ್ಹಾರೂಬಿ ಯೊ ಘೋಡಾಪರ್ ಬೆಠೊರ‍್ಹವಾಳನಪರ್ ಅಜು಼ ಇನ ಶಿಪಾಯ್ನ ಉಪ್ಪರ್‌ಬಿ ಜಂಗ್ ಭೀಡಾನಖ್ಹಾಜೆ ಮಳಿನ್ ಐರ‍್ಹಾವನು ದೇಖ್ಯೊ.

ಪ್ರಕಾಶಿತ್ 20:4

ಇನಪಾರ್ ಸಿಂಹಾಸನ್‌ಖ್ಹಾರು ದೇಖ್ಯೊ. ಯೋ ಖ್ಹಾರಪರ್ ಬೆಠೊರ‍್ಹವಾಳಾನ ತೀರ್ಪ್‌ಕರಾನಿ ಅದಿಕಾರ್ ದೆವಾಯು. ಅತ್ರೇಸ್ ಕಾಹೆತೆ ಯೇಸುನಿ ಸಾಕ್ಷಿನ ಖ್ಹಾಜೇಥಿಬಿ,ದೇವ್ನ ವಚನ್ನಖ್ಹಾಜೇಥಿಬಿ ಮುಂಡ್ ರ‍್ಹೇಖ್ಹಾವವಳಾನು ಆತ್ಮವ್‌ನಾಬಿ, ಜಾನ್ವರ್‌ಬಿ, ಇನ ಮೂರತ್ನ ಆರಾದನೆ ಕೋಕರ‍್ಯುಂತೆ ಇವ್ಣ ತಾಳ್ವಪರ್ ಅಜು಼ ಹಾತ್‌ಪರ್ ಇನು ಖ್ಹಣೇದ್ ನಖಾಯುಕೊಂತೆ ಇವ್ಣುನ ದೇಖ್ಯೊ.ಇವ್ಣೆ ಪಾಛು಼ ಜಿವ್ತು ಉಠೀನ್ ಹಜಾ಼ರ್ ವರಖ್ಹ್ ಕ್ರಿಸ್ತನ ಜೋ಼ಡ್ಮ ಆಳ್‌ಷೆ.

ಪ್ರಕಾಶಿತ್ 22:14

ಇವ್ಣ ಝ಼ಗ್ಗಾವ್‍ನ ದೊಹಿಲಿನ್ ಶುದ್‍ ಹುಯಿರ‍್ಹವಾಳು ಧನ್ಯರ್. ಇವ್ಣೆ ಜಾನ್ನ ಝಾ಼ಡ್‌ನು ಪಂಡು ಖಾವನ ಹಕ್‍ದಾರ್ ಹುಯಿರ‍್ಹಿಶೆ. ಇವ್ಣೆ ಬಾಕಲ್ನ ವಾಟೆಕರಿ ಯೋ ಖ್ಹಯೇರ‍್ನ ಮಹಿ ಜಾ಼ವಳು ಹುಯಿರ‍್ಹಿಶೆ.

ಪ್ರಕಾಶಿತ್ 6:9

ಇನೆ ಪಾಚ಼್‌ನ ಮುದ್ರಾನ ಫೋಡಾನಿವಖ್ಹ್‌ತೆ; ದೇವ್ನ ವಚನ್ನಖ್ಹಾಜೇಥಿಬಿ, ಇವ್ಣುನ ರ‍್ಹವಾನು ಬರೋಬರ್‌ನಿ ಸಾಕ್ಷಿನ ಖ್ಹಾಜೇಥಿಬಿ, ಮರಾವಳನು ಆತ್ಮಖ್ಹಾರು, ಬಲಿಪೀಠ್‌ನ ಹೇಟ್ ರ‍್ಹವಾನು ದೇಖ್ಯೊ.