ಪ್ರಕಾಶಿತ್ 11:18 - ದೇವ್ನಿ ಖ್ಹಾಚಿ ವಚನ್

¹⁸ ಜಗತ್‌ನು ಅದ್ಮಿಖ್ಹಾರು ಇರಾದೊ ಕರ‍್ಯು. ತಾರಿ ಖೀಜ಼್ ಪ್ರಕಟ್‌ಹುಯಿ. ಮರ‍್ಯಹುಯಾನ ತೀರ್ಪ್‌ ಮಳಾನಿ ವಖ್ಹತ್ಆಯಿ. ತೂ ತಾರ ದಾಸ ಹುಯಿರ‍್ಹೋತೆ ಪ್ರವಾದಿವ್‌ನಾಬಿ, ದೇವ್ನ ಅದ್ಮಿನಾಬಿ, ತಾರ ನಾಮ್ನ ಡರಾವಾಳ ಶಾಣವ್‌ನಾಬಿ, ಅಡ್ಡಾಣಿನಾಬಿ ಪ್ರತಿಫಲ್ ದ್ಯವಾನಿ ವಖ್ಹತ್ ಆ ಜಗತ್ನ ನಾಶ್‌ಕರಾವಳನ ವಿನಾಶ್‌ಕರಾನಿ ವಖ್ಹತ್ ಐಗು”. ಕರಿ ಬೋಲಿನ್ ಇನ ಆರಾದನೆ ಕರ‍್ಯು.

ಪ್ರಕಾಶಿತ್ 11:18 ပူးပေါင်းရင်းမြစ်များ

ಮತ್ತಾಯ 5:12

ಖ್ಹುಶಿ ಕರೊ ಅಜು಼ ಖೇಲ್‌ಕೂದ್ ಕರೊ, ಶನಕತೊ ಸೊರ್ಗಾಮ ತುಮೂನ ಘಣು ಇನಾಮ್ ಮಳ್‌ಶೆ. ತುಮಾರೇಥೀಬಿ ಅಗಾಡಿ ಥೂತೆ ಪ್ರವಾದಿಯೆನಾಬಿ ಅಮ್ಮಸ್ ಖ್ಹತಾಯುನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:50

ಕೋಣ್ ದೇವ್‌ಮ ಪೂರ ಮನ್‌ಥಿ ಡರಿನ್ ಚಾ಼ಲಸ್ಕಿ ಇವ್ಣಾಪರ್ ದೇವ್ ಮುಂಡಿಥು ಧರಿನ್ ಮುಂಡಿಲಗೂ ಗೋರ್‌ ಕರಾವಾಳೊ ಹುಯಿರ‍್ಹೊಸ್.

ಇಬ್ರಿ 9:27

ಎಕ್ಕಸ್ ವಖ್ಹತ್ ಮರಾನುಬಿ ಅಜು಼ ಇನಕೇಡೆಥು ದೇವ್‍ಥಿ ತೀರ್ಪ್ ಲೀಲ್ಯಾವಾನು ಹುಯಿರ‍್ಹುಸ್.

ಪ್ರಕಾಶಿತ್ 10:7

ಖ್ಹಾತ್‌ನೊ ದೇವ್ನದೂತನೆ ಇನಿ ತುತ್ತೂರಿನ ವಜಾ಼ಡನ ತಯಾರ್‌ಹುವಾನ ದನೂಮ ದೇವ್ನಿ ಗಪ್ಲಥ್ಥಿ ಛಾ಼ತೆ ಖ್ಹೂಜ಼್‌ನ ಚ಼ಲಾವ್‌ಷೆ. ದೇವ್ ಇನು ದಾಸ ಹುಯಿರ‍್ಹುತೆ ಪ್ರವಾದಿ ಖ್ಹಾರನ ಸುವಾರ್ತೆ ಖ್ಹಮ್‍ಜಾ಼ಡಿರಾಖ್ಯೊಥೊತೆ ಪರಕ್ಮ ಚ಼ಲೈಶ್‌” ಕರಿ ಬೋಲ್ಯೊ.

ಪ್ರಕಾಶಿತ್ 11:2

ಕತೋಬಿ ಮಂದಿರ್‌ನ ಭಾರ್‌ಛಾ಼ತೆ ಝ಼ಗೋನ ಆಳ್ತಿ ನಾಕರ‍್ನುತೆ ಮ್ಹೇಲಿದೆ, ಯೊ ಪರೈ ಅದ್ಮಿನಖ್ಹಾಜೆ ದೆವೈರ‍್ಹೂಸ್. ಇವ್ಣೆ ಪರಿಶುದ್ ಖ್ಹಯೇರ‍್ನ ಬೇಉಪ್ಪರ್‌ ಚಾ಼ಳಿಖ್ಹ್ ಮಹಿನಲಗು ಖುಂದಲ್ತುಫಂಡ್‌ಷೆ.

ಪ್ರಕಾಶಿತ್ 13:10

ಕೋಂಡಿಘಾಲವಳೊ, ಇನುಯೋಸ್ ಜೇಲ್‌ಮ ಜಾ಼ಶೆ, ತಲ್ವಾರ್‌ಥಿ ಮಾರವಳು ತಲ್ವಾರ್‌ಥೀಸ್ ಮರ್ಶೆ. ಅನಾಮ ದೇವ್ನು ಅದ್ಮಿಖ್ಹಾರು ಖ್ಹಮಾಳಿನ್ ವಿಶ್ವಾಸ್‌ಥಿ ರ‍್ಹೇವ್ಣು.

ಪ್ರಕಾಶಿತ್ 13:16

ಆ ಬೇನು ಜಾನ್ವರ್‌ಬಿ, ಶಾಣು, ಅಡ್ಡಾಣಿ, ಶೌಕಾರ್, ಗರೀಬ್, ಛುಟ್ಕಾರ್‌ರ‍್ಹವಾಳು, ಗುಲಾಮ್‌ಖ್ಹಾರು ಅಖ್ಖೂಬಿ ಇವ್ಣ ಇವ್ಣ ಖಾವಹಾತ್ಪರ್ ರ‍್ಹವೊ, ತಾಳ್ವಪರ್ ರ‍್ಹವೊ ಖ್ಹಣೇದ್ ನಖಾವ್ಣು ಕರಿ ಜು಼ಲಮ್‌ ಕರ‍್ಯು.

ಪ್ರಕಾಶಿತ್ 14:10

ಯೋಬಿ ಜಿನುಕು ದೇವ್‌ನೊ ಇರಾದೊಕರಿ ಬೋಲಾನ ಕಟೋರಮ ಶಾತ್ಬಿ ಮಳಾಯುಕೊಂತೆ ನಾಖಿಹುಯು ದೇವ್ನು ಇರಾದೊಕರಿ ದ್ರಾಕ್ಷಿನ ರಖ್ಹ್‌ನ ಪೀಶೆ. ಪರಿಶುದ್ ದೇವ್ನ ದೂತರ‍್ನ ಖ್ಹಾಮ್ಣೇಬಿ, ಬಲೀನ ಮೇಂಢಾನ ಚೆಲ್ಕಾನ ಖ್ಹಾಮ್ಣೆ ಅಗ್‌ಥೀಬಿ, ರಂಜ಼ಕ್‌ಥಿ, ಖ್ಹತಾಪ್ಣಿ ಪಡ್‌ಶೆ.

ಪ್ರಕಾಶಿತ್ 15:1

ಪರ್‌ಲೋಕ್‌ಮ ಮೇ ಘಣು ಆಶ್ಚರ್ಯ ಹುಯಿರ‍್ಹಾವನು ಬಿಜೇಕ್ ಅದ್ಭುತ್‌ನ ದೇಖ್ಯೊ. ತದೆ ಖ್ಹಾತ್‌ಜ಼ಣ ದೇವ್‌ದೂತರ್‌ನ ಹಾತ್ಮ ಖ್ಹಾತ್ ಖ್ಹತಾಪ್ಣಿ ಥು, ಆ ಖ್ಹರ್ತಿನಿ ಖ್ಹತಾಪ್ಣಿಖ್ಹಾರಿ. ಆ ಅಖ್ಖಾನ ಜೋ಼ಡೆ ದೇವ್‌ನೊ ಇರಾದೊ ಪೂರ ಉಷೆ.

ಪ್ರಕಾಶಿತ್ 15:7

ಯೊ ಚಾರ್ ಜೀವಿಮ ಏಕ್‌ನೆ ಯೊ ಖ್ಹಾತ್‌ಜ಼ಣ ದೇವ್‌ದೂತವ್ನ ಖ್ಹಾತ್ ಖ್ಹೊನ್ನಾನ ಕಟೋರಾವ್ನ ದಿದು. ಯೊ ಕಟೋರಮ ಜ಼ಗ್‌ಜ಼ಮಾನಥೂಬಿ ಜಿವ್ತೊರ‍್ಹವಾಳೊ ದೇವ್ನು ಚ಼ಂಢಾಳ್ ಭರೈರ‍್ಹೂಥು.

ಪ್ರಕಾಶಿತ್ 18:6

ಯೋ ನಂಗ್ರಿ ಬಿಜಾ಼ವ್ನ ದಿದೀತೆ ತಿಮ್ಮಸ್ ತುಮೇಬಿ ಇನ ಪಾಛು಼ ದೆವೊ. ಇನ ಕಾಮ್‍ಖ್ಹಾರಾನ ಬರಬ್ಬರ್‌ಥಿ ಇನ ಬೇಪಟ್ ದೆವೊ. ಇನೆ ಕಲೈದಿದೀತೆ ರಾಛಾ಼ಮ ಇನ ಬೇಪಟ್ ಕಲೈನ್ ದೆವೊ.

ಪ್ರಕಾಶಿತ್ 19:15

ಜ಼ಗ್‌ಜಾ಼ತ್ನ ಕತ್ರಾನಖ್ಹಾಜೆ ಇನ ಮ್ಹೋಡೇಖ್ಹು ಚಾ಼ಲ್ತಿ ತಲ್ವಾರ್‌ ನಿಕ್ಳಿಆವಾಸ್. ಯೊ ಇವ್ಣುನ ಲ್ಹೋಡಾನ ಡಂಡೇಥಿ ಆಳ್‌ಷೆ. ಸರ್ವಶಕತ್‌ನೊ ಹುಯಿರೋತೆ ದೇವ್ನಿ ಘಣಿ ಮೋಟಿ ಖೀಜ಼್‌ಕರಿ ಬೋಲಾನ ದ್ರಾಕ್ಷಿನ ಬಾನೇಮ ರ‍್ಹವಾಳನ ಖುಂದ್ಲಿನಾಕ್ಷೆ.

ಪ್ರಕಾಶಿತ್ 19:18

ರಾಜ಼ವ್ನಿ ಬೋಟಿನಾಬಿ, ಶಿಪಾಯ್ನ ಮೋಟಾನಿ ಬೋಟಿನಾಬಿ, ಅಜು಼ ಶಿಪಾಯ್ನ ಬೋಟೀನ, ಘೋಡಾವ್ನಿ ಬೋಟೀನ, ಘೋಡಾನು ಸವಾರಿವ್ನ ಬೋಟೀನ, ಛುಟ್ಕಾರ್ ಹುಯಿರ‍್ಹವಾಳನು, ಗುಲಾಮ್‌ಖ್ಹಾರನು, ನ್ಹಾನಾವ್ನು ಅಜು಼ ಮೋಟಾವ್ನು ಬೋಟೀನ ಖಾವನ ಆವೊ” ಕರಿ ಬೋಲ್ಯೊ.

ಪ್ರಕಾಶಿತ್ 19:5

ಇನಪಾರ್ ಸಿಂಹಾಸನ್ ಭಣೀಥು ಏಕ್‌ ಟಹುಕೊ ಆಯು. ಯೋ ಅವಾಜ಼್‌ನೆ, “ಅಪ್ಣ ದೇವ್ನು ಚಾ಼ಕ್ರಿಕರಾವಾಳ ಅದ್ಮಿವೊ ದೇವ್ನ ಧನ್ಯವಾದ್ ಕರ‍್ಯು. ಇನೇಥಿ ಡರಾವಾಳ ನ್ಹಾನ, ಮೋಟಾವೊ ಇನ ಧನ್ಯವಾದ್ ಕರೊ”. ಕರಿ ಬೋಲ್ಯು.

ಪ್ರಕಾಶಿತ್ 20:12

ಅತ್ರೇಸ್ ಕಾಹೆತೆ ಮರ‍್ಯುಹುಯು ನ್ಹಾನು ಮೋಟು ಖ್ಹಾರುಸ್ ಸಿಂಹಾಸನ್ನ ಖ್ಹಾಮ್ಣೆ ಬೆಠುರಾವನು ದೇಖ್ಯೊ. ತದೆ ಪುಸ್ತಕ್ ಅಖ್ಖೂಸ್ ಛೋ಼ಡಾಯು. ಜಾನ್ನ ಹಕ್‌ವಾಳಾನಿ ಪಟ್ಟಿ ಕರಿ ಅಜೇಕ್ ಪುಸ್ತಕ್‍ಬಿ ಛೋ಼ಡಾಯು.ಆ ಪುಸ್ತಕ್‌ಮ ಲೀಖೈರ‍್ಹೂಸ್ತೆ ಪರಕ್ಮ ಯೋ ಮರ‍್ಯುಹುಯು ಖ್ಹಾರನ ಇವ್ಣು ಇವ್ಣು ಕಾಮ್ ಕಿಮ್ಕಿ ತಿಮ್ಮಸ್ ತೀರ್ಪ್‌ಹುಯು.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 22:12

‘ದೇಖ್ ಮೇ ಜ಼ಲ್ದೀಸ್ ವಳ್ಯಾವ್‌ಸ್. ಮೆ ಹರೇಕ್ ಜ಼ಣಾನ ಇವ್ಣ ಇವ್ಣ ಚಾ಼ಲ್‌ನಿತರಸ್ ದ್ಯವಾನಿತರಾನು ಪ್ರತಿಫಲ್ ಮಾರಕನ ಛಾ಼.