ಪ್ರಕಾಶಿತ್ 11:17 - ದೇವ್ನಿ ಖ್ಹಾಚಿ ವಚನ್

¹⁷ “ಪ್ರಭು, ಸರ್ವಶಕ್ತನೊ ದೇವ್, ರ‍್ಹವಾಳೊ ತೂ ತಾರಿ ಮೋಟಿ ಅದಿಕಾರ್‌ನ ಲೀಲಿನ್‌ ಚ಼ಲಾಯೊತೆ ಇನಖ್ಹಾಜೆ ತುನ ಧನ್ಯವಾದ್ ಕರ್ಯೆಸ್.

ಪ್ರಕಾಶಿತ್ 11:17 ပူးပေါင်းရင်းမြစ်များ

ಮತ್ತಾಯ 11:25

ಯೋ ವಖ್ಹತ್‌ಮ ಯೇಸುನೆ ಶಾತ್‌ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್‌ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:21

ಯೋಸ್ ವಖ್ಹತ್‌ಮ ಯೇಸು ಪವಿತ್ರಾತ್ಮಥಿ ಖ್ಹುಶಿಹುಯಿನ್, ಅಮ್ ಪ್ರಾರ್ಥನೆ ಕರ‍್ಯೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ಮೇ ತುನ ಧನ್ಯವಾದ್‌ ಕರುಸ್. ಶನಕತೊ ತುನೆ ಗ್ಯಾನಿ ಅಜು಼ ಅಕ್ಲಿಥಿ ಆ ವಾತೇನ ಲಪಾಡಿನ್, ಲಡ್ಕಾವ್ನ ಮಾಲುಮ್ ಕರೈರಾಖ್ಯೋಸ್. ಓಹೋಲಾ ಬಾ, ಅಮ್ಮಸ್ ತೂ ಕರ‍್ನು ಕರಿ ಥೊ.

ಯೋಹಾನ 11:41

ಇವ್ಣೆ ಬಂಡಾನ ಕಾಡಿನಾಖ್ಯು. ತದೆ ಯೇಸುನೆ ಡೋಳಾ ಪಾಡೀನ್, ಉಪ್ಪರ್ ದೇಖಿನ್‌, “ಬಾ, ತೂ ಮಾರಿ ಪ್ರಾರ್ಥನೇನ ಖ್ಹಮ್‌ಜ್ಯೂತೆ ಇನಖ್ಹಾಜೆ ತುನ ಧನ್ಯವಾದ್.

2 ಕೊರಿಂಥ 2:14

ಕತೋಬಿ ಮೇ ದೇವ್ನ ಧನ್ಯವಾದ್ ಕರುಸ್. ಯೋ ಹಮೂನ ಕ್ರಿಸ್ತನಿ ಗಳ್‌ಜೋ಼ಡ್ಮ ಕದೇಬಿ ಜೀತ್‍ನಿ ಜಯಭಣಿ ಚ಼ಲಾವ್ತೊ ಹುಯಿನ್ ಅಜು಼ ಇನಿ ಗ್ಯಾನ್ನಿ ಅಛ್ಛಿ ವಾಖ್ಹ್‌ನ ಅಖ್ಖಿಬಾಜು಼ ಹಮಾರೇಥಿ ಫೈಲಾವವಾಳ ದೇವ್ನ.

2 ಕೊರಿಂಥ 9:15

ಖ್ಹರಾವಾನ ಹೋಯಿಕೊಂತೆ ಎತ್ರು ದೇವ್ನ ವಾರ್ಖ್ಹಾನಿ ವರನಖ್ಹಾಜೆ ಇನ ಧನ್ಯವಾದ್ ಹುವಾದೆ.

1 ತಿಮೊ 1:12

ಮೆ ಮಾರೊ ಪ್ರಭು ಕ್ರಿಸ್ತಯೇಸುನ ಧನ್ಯವಾದ್ ಕರುಸ್. ಯೋ ಮಾರ ಅಖ್ಖಾಸ್ ಕಾಮ್ನ ಶಕತ್ ದೀಮ್ಹೇಲ್ಯೊಸ್ ಇನ ಮೇ ಧನ್ಯವಾದ್ ಕರುಸ್. ಶನಖ್ಹಾಜೆ ಕತೊ ಯೊ ಮನ ವಿಶ್ವಾಸ್‌ವಾಳೊ ಕರಿ ಮಾಲುಮ್‌ ಕರಿಲಿನ್, ಇನ ಸೇವೆನಖ್ಹಾಜೆ ಚೂ಼ಣಿರಾಖ್ಯೊಸ್.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.

ಪ್ರಕಾಶಿತ್ 1:8

“ಮೇಸ್ ಪಹಿಲೋಬಿ, ಖ್ಹರ್ತಿಬಿ” ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ ಖ್ಹಾಮ್ಣೆ ಆವವಾಳೊ, ಮಹಾನ್ ಶಕತ್‌ವಾಳೊ ಕರಿ ದೇವ್ ಹುಯಿರ‍್ಹೋತೆ ಪ್ರಭು ಬೋಲಾಸ್.

ಪ್ರಕಾಶಿತ್ 11:15

ಖ್ಹಾತ್‌ನೊ ದೇವ್ನದೂತನೆ ಇನಿ ತುತ್ತೂರಿನ ವಜಾ಼ಡ್ಯೊ. ತದೆ ಪರ್‌ಲೋಕ್‌ಮ ಮೋಟು ಅವಾಜ಼್ ಹುಯಿನ್, “ಆ ಜಗತ್ನ ರಾಜ್ಯನಿ ಅದಿಕಾರ್ ಅಪ್ಣೊ ಪ್ರಭುನಾಬಿ ಇನ ಕ್ರಿಸ್ತನಾಬಿ ಐರ‍್ಹೂಸ್.ಯೊ ಜ಼ಗ್‌ಜ಼ಮಾನಲಗೂಬಿ ಇನ ರಾಜ಼್‌ನ ಚ಼ಲಾವ್‌ಷೆ.” ಕರಿ ಬೋಲ್ಯು.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.

ಪ್ರಕಾಶಿತ್ 16:14

ಆ ಖ್ಹಣೇದ್‌ನುಕಾಮ್‌ ಕರವಾಳು ಭೂತ್‌ನು ಆತ್ಮ ಹುಯಿರ‍್ಹಿನ್ ಧರ್ತಿಪರ್‌ಲ್ಯ ಅಖ್ಖಾಸ್ ರಾಜ಼ವ್‌ಕನ ಜೈ಼ನ್ ಸರ್ವಶಕತ್‌ನೊ ದೇವ್ನ ಮಹಿಮೆನ ದನ್ನ ಜಂಗ್‌ನಖ್ಹಾಜೆ ಇವ್ಣುನ ಎಕ್ಟು ಕರುಕರ್ತುಥು.

ಪ್ರಕಾಶಿತ್ 16:5

ಇನಪಾರ್ ಪಾಣಿನ ಅಧಿಕಾರ‍್ನ ದೂತನೆ ಅಮ್ ಬೋಲ್ಯೋಕಿ, “ತೂಸ್ ಕೆದೇಬಿ ರ‍್ಹವವಾಳೊಬಿ, ಥೋತೆ ಪರಿಶುದ್ ದೇವ್. ಶನಕತೊ ತೂ ದೆವ್‌ಕರಾಸ್ತೆ ತೀರ್ಪ್ ಅಖ್ಖು ನ್ಯಾವ್‌ನು ಹುಯಿರ‍್ಹುಸ್.

ಪ್ರಕಾಶಿತ್ 16:7

ಅನಪಾರ್‌ ಚಾ಼ಚ಼ರ್‌ಥಿ ಆವಾತ್ ಖ್ಹಮಜ್‍ಪಡ್ಯು, ‘ದೇವ್ ಹುಯಿರ‍್ಹೋತೆ ಪ್ರಭು ತು ಸರ್ವಶಕತ್‌ನೊ, ತಾರು ನ್ಯಾವ್‌ನು ತೀರ್ಪ್ ಅಖ್ಖು ಖ್ಹಾಚೂ಼ಬಿ ನ್ಯಾವ್‍ನೂಬಿ ಹುಯಿರ‍್ಹುಸ್’ ಕರಿ ಬೋಲ್ಯು.

ಪ್ರಕಾಶಿತ್ 18:8

ಇನಖ್ಹಾಜೆ ಖ್ಹತಾಪ್ಣಿ, ಮರಣ್, ಮೋಟೊ ರೋಗ್, ಎಕ್ಕಸ್ ದನ್ಮ ಆವ್‌ಶೆ. ಇನ ತೀರ್ಪ್‌ ದ್ಯವಾಳೊ ಪ್ರಭು ದೇವ್ ಶಕತ್‌ವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ ಯೊ ಹೈರ‍್ಹಿತೆ ಆಗ್‌ಥಿ ನಾಶ್‌ ಹುಯಿಜಾ಼ಶೆ

ಪ್ರಕಾಶಿತ್ 19:11

ಇನಪಾರ್ ಪರ್‌ಲೋಕ್ ನಿಕ್ಳಿರ‍್ಹಾವನು ಮೇ ದೇಖ್ಯೊ. ತದೆ ದೇಕ್, ಧೋಳೊ ಘೋಡೊ ಮನ ದೆಖಾಯು. ಇನಾಪರ್‌ ಬೆಠೊರ‍್ಹವಾಳಾನ ವಿಶ್ವಾಸ್‌ವಾಳೊ, ಖ್ಹಾಚೊ಼ಕರಿ ನಾಮ್. ಯೊ ನೀತಿಥಿ ನ್ಯಾವ್‌ನ ಫೇಡವಾಳೊ, ನೀತಿಥಿ ಜಂಗ್‌ಭೀಡವಾಳೊ ಹುಯಿರೊಸ್.

ಪ್ರಕಾಶಿತ್ 19:6

ಇನಾವಾರ್‌ ಮನ ಬಿಜೇಕ್ ಅವಾಜ಼್ ಖ್ಹಮಜ್‍ಪಡ್ಯು ಯೋ ಘಣುಮೋಟು ಅದ್ಮಿನ ಭೀಡ್‌ಣು ಅವಾಜ಼್ ಮೋಟ ಪಾಣಿನು ಕಹಾರ್‌ನಿ ತರಾಬಿ ಜಾ಼ಖ್ಹತ್ ಘಲಾರನ ಅವಾಜ಼್‌ನಿತರ ಥೂತೆ ಏಕ್‍ ಅವಾಜ಼್‌ನ ಖ್ಹಮ್‌ಜೊ ಯೋ, ಹಲ್ಲೆಲೂಯ, ಮಹಾನ್ ಶಕತ್‌ವಾಳೊ ದೇವ್ ಹುಯಿರೋತೆ ಅಪ್ಣೊ ಪ್ರಭು ಆಳ್‌ಷೆ.