ಪ್ರಕಾಶಿತ್ 10:7 - ದೇವ್ನಿ ಖ್ಹಾಚಿ ವಚನ್

⁷ ಖ್ಹಾತ್‌ನೊ ದೇವ್ನದೂತನೆ ಇನಿ ತುತ್ತೂರಿನ ವಜಾ಼ಡನ ತಯಾರ್‌ಹುವಾನ ದನೂಮ ದೇವ್ನಿ ಗಪ್ಲಥ್ಥಿ ಛಾ಼ತೆ ಖ್ಹೂಜ಼್‌ನ ಚ಼ಲಾವ್‌ಷೆ. ದೇವ್ ಇನು ದಾಸ ಹುಯಿರ‍್ಹುತೆ ಪ್ರವಾದಿ ಖ್ಹಾರನ ಸುವಾರ್ತೆ ಖ್ಹಮ್‍ಜಾ಼ಡಿರಾಖ್ಯೊಥೊತೆ ಪರಕ್ಮ ಚ಼ಲೈಶ್‌” ಕರಿ ಬೋಲ್ಯೊ.

ಪ್ರಕಾಶಿತ್ 10:7 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:21

“ಕತೋಬಿ ಅಖ್ಖಾಸ್ನ ಬರೋಬರ್ ಕರಾನ ದನ್ ಆವಾಲಗು ಯೊ ಪರಲೋಕ್‌ಮಾಸ್ ರ‍್ಹೇವ್ಣುಕರಿ ದೇವ್ ಘಣಾದನ್ನ ಪಾಛ಼ಳ್ ಇನ ಪವಿತ್ರ ಪ್ರವಾದಿಥಿ ವಾತೆ ಬೋಲಾನಿ ವಖ್ಹತ್‌ಮ; ಆ ದನ್ನಿ ಬಾರೇಮ ಬೋಲ್ಯೊಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 14:6

ಬಿಜೇಕ್ ದೇವ್‌ನೊ ದೂತ ಆಬ್‌ನ ಇಚ಼್‌ಮ ಉಡುಕರಾನು ದೇಖ್ಯೊ. ಜ಼ಮೀನ್‌ಪರ್ ಜಿವ್‌ಕರಾತೆ ಹರೇಕ್ ಜ಼ಗ್‌ಜಾ಼ತ್‌, ಖೂಮ್‌, ಬೋಲಿ, ಅದ್ಮಿಖ್ಹಾರನ ಬೋಲಿವತಾಳಾನ ಖ್ಹಾಜೆ ಹರ್‌ಹಮೇಶಾನು ಅಛ್ಛಿ ಸಂದೇಶ್ ಇನಾಕನ ಥು.

ಪ್ರಕಾಶಿತ್ 17:17

ಶನಕತೊ ದೇವ್ನೆ ಇನಿ ವಚನ್ನ ಚ಼ಲಾವ್ಣು ಕರೀಬಿ, ಇನಿ ಮರ್ಜಿನ ಇವ್ಣೆ ಚ಼ಲಾವನಿ ಘೋಣಿಬಿ ಎಕ್ಕಸ್ ದಿಲ್‌ವಾಳಹುಯಿನ್ ಇವ್ಣಿ ಅದಿಕಾರ್‌ನ ಜಾನ್ವರ್‌ನ ದ್ಯವಾನಾಬಿ ಯೋ ಅಖ್ಖಾನ ಮನ್‌ಮ ಮಿಛಾ಼ಣ್ಯೊಥೊ.