ಮಾರ್ಕ 9:44 - ದೇವ್ನಿ ಖ್ಹಾಚಿ ವಚನ್

⁴⁴ ಬೇ ಹಾತ್‌ ರಾಖಿನ್ ಕದೇಬಿ ಉಝಾ಼ವಾನಿ ಕಾಹೆತೆ ಆಗ್ ಹುಯಿರ‍್ಹೀತೆ ನರಕ್ಮ ಪಡಾಥೀಬಿ, ಹಾತ್‌ಕೊಂತೆ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಜಾ಼ವಾನು ತುನ ಅಶೇಲ್.

ಮಾರ್ಕ 9:44 ပူးပေါင်းရင်းမြစ်များ

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಮತ್ತಾಯ 25:46

ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.

ಮತ್ತಾಯ 3:12

“ಇನ ಹಾತ್‌ಮ ಖ್ಹುಪ್‌ಡು ಧರಿರಾಖ್ಯೋಸ್‌, ಇನ ಖಳಾಮಾನು ರಾಶ್‌ನ ತೂರಿನ್‌, ಅಛ಼್ಛ ಕರೀನ್, ಘವ್‌ನ ಕಣ್ಗಿಮ ಭರಿಲೀನ್‌ ಪೊಟ್ಟಾನ ಉಝಾ಼ವಕೊಂತೆ ಆಗ್‌ಮ ಬಾಳಿನಾಕ್‌ಷೆ” ಕರಿ ಬೋಲ್ಯೊ.

ಮಾರ್ಕ 9:43

ಅತ್ರೇಸ್ ಕಾಹೆತೆ, ತಾರೊ ಹಾತ್ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ;

ಮಾರ್ಕ 9:45

ಅಜು಼ ತಾರೊ ಗೋಡೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ;

ಮಾರ್ಕ 9:48

ನರಕ್ಮ ಇವ್ಣುನ ಕಲ್ಡಾವಾಳೊ ಕೀಡೊ ಮರ್‌ಶೆಸ್ ಕೊಯ್ನಿ, ಇವ್ಣುನ ಬಳಾತೆ ಆಗ್ ಉಝಾ಼ವ್‌ಶೆಸ್‌ ಕೊಯ್ನಿ.

2 ಥೆಸ 1:9

ಪ್ರಭು ಇವ್ಣುನ ಇನಿ ಮಹಿಮೆನಿ ಶಕತ್ನ ಖ್ಹಾಮ್ಣೇಥು ಹಟೈನಾಖಿದಿನ್ ಇವ್ಣುನ ಹರ್‌ಹಮೇಶಾನು ನಿಶತ್‌ ದಿಶೆ.

ಪ್ರಕಾಶಿತ್ 14:10

ಯೋಬಿ ಜಿನುಕು ದೇವ್‌ನೊ ಇರಾದೊಕರಿ ಬೋಲಾನ ಕಟೋರಮ ಶಾತ್ಬಿ ಮಳಾಯುಕೊಂತೆ ನಾಖಿಹುಯು ದೇವ್ನು ಇರಾದೊಕರಿ ದ್ರಾಕ್ಷಿನ ರಖ್ಹ್‌ನ ಪೀಶೆ. ಪರಿಶುದ್ ದೇವ್ನ ದೂತರ‍್ನ ಖ್ಹಾಮ್ಣೇಬಿ, ಬಲೀನ ಮೇಂಢಾನ ಚೆಲ್ಕಾನ ಖ್ಹಾಮ್ಣೆ ಅಗ್‌ಥೀಬಿ, ರಂಜ಼ಕ್‌ಥಿ, ಖ್ಹತಾಪ್ಣಿ ಪಡ್‌ಶೆ.

ಪ್ರಕಾಶಿತ್ 20:10

ಅತ್ರೇಸ್ ಕಾಹೆತೆ ಇವ್ಣುನ ಠಗಾಯೊತೆ ಶೈತಾನ್ ಆಗ್ ರಂಜ಼ಕ್‌ಖ್ಹಾರು ಲಾಗುಕರಾನ ತಲಾವ್ಮ ನಾಖಿದಿದು ಹಿಜ್ಜಾ಼ ಜಾನ್ವರ್‌ಬಿ ಝೂ಼ಟುಪ್ರವಾದಿ ಖ್ಹಾರೂಬಿ ಹಿಜ್ಜಾ಼ ಥು. ಇವ್ಣೆ ರಾತ್‌ದನ್ ಜ಼ಗ್‌ಜ಼ಮಾನಮಾಬಿ ಖ್ಹತಾಪ್ಣಿ ಪಡುಕರ್ಷೆ.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.