ಮಾರ್ಕ 9:32 - ದೇವ್ನಿ ಖ್ಹಾಚಿ ವಚನ್

³² ಕತೋಬಿ ಇವ್ಣೆ ಯೋ ವಾತೆನ ಪರ್‌ಖ್ಯುಕೊಯ್ನಿ, ಅಜು಼ ಇನಿ ಬಾರೇಮ ಯೇಸುನ ಪುಛಾ಼ವನಾಬಿ ಡರಿಗಯು.

ಮಾರ್ಕ 9:32 ပူးပေါင်းရင်းမြစ်များ

ಮಾರ್ಕ 16:14

ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಭರೈನ್ ಖಾಣು ಖವ಼್‌ಕರ್ತಥಾತೆ ತದೆ ಯೇಸು ಇವ್ಣುನಾಬಿ ದೆಖಾಯೊ. ಯೋ ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಇನ ದೇಖಾವಾಳನಿ ವಾತೆನ ಇವ್ಣೆ ನಂಬ್ಯುಕೊಂತೆ ಇನಾಖ್ಹಾಜೆ ಯೇಸುನೆ, ಇವ್ಣುನ ವಿಶ್ವಾಸ್‍ಕೊಂತೆ ಅಜು಼ ಇವ್ಣ ಬಂಡಾನ ದಿಲ್‌ನಖ್ಹಾಜೆ ಇವ್ಣುನ ಗುರ್‌ಕಾಯೊ.

ಮಾರ್ಕ 7:18

ತದೆ ಯೇಸುನೆ ಇವ್ಣುನ, “ಬಿಜಾ಼ನಿ ಘೋಣಿ ತುಮುನಾಬಿ ಎತ್ರೆ ಮಾಲುಮ್‌ ಪಡಾಕೊಯ್ನಿಕಿ ಶು? ಭಾರ್‌ಥು ಖಾವಾನು ರಾಛು಼ ಅದ್ಮಿನ ಮಹಿ ಜೈ಼ನ್‌ ಇನ ಗಲೀಜ಼್ ಕರಾಕೊಯ್ನಿ, ಕರಿ ತುಮೂನ ಮಾಲುಮ್‌ ಪಡ್ಯುಕೊಯ್ನಿಕಿ ಶು?

ಮಾರ್ಕ 8:33

ತದೆ ಯೇಸುನೆ ಪೀಠೆ ಫರೀನ್, ಇನ ಶಿಷ್ಯರ್‌ನ ದೇಖಿನ್‌, ಪೇತ್ರನ ಗುರ್‌ಕೈನ್, “ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼, ತಾರಿ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.

ಮಾರ್ಕ 9:10

ಇವ್ಣೆ ಯೋ ವಾತೆನ ಮಾನಿಗಯು, ಕತೋಬಿ, “ಮರಿನ್‌ ಜಿವ್ತೊಹುಯಿನ್ ಉಠಾನು ಕತೊ ಶಾತ್?” ಕರಿ ಇವ್ಣ-ಇವ್ಣ ಮಹಿಸ್ ವಾತೆ ಬೋಲಾಲಗ್ಯ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:34

ಕತೋಬಿ ಅನಾಮ ಏಕ್‌ ವಾತೇನಾಬಿ ಶಿಷ್ಯರ್‌ ಪರ್‌ಖ್ಯುಕೊಯ್ನಿ; ಶನಕತೊ ಆ ವಾತೆನಿ ಮತ್ಲಬ್‌ನ ಇವ್ಣೇಥಿ ಲಪೈರ‍್ಹೂಥು, ಅಜು಼ ಯೇಸು ಶನಿ ಬಾರೇಮ ಬೋಲುಕರಾಸ್‌ ಕರಿ ಇವ್ಣುನ ಮಾಲುಮ್‌ಪಡ್ಯು ಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:50

ಕತೋಬಿ ಇನೆ ಬೋಲ್ಯೋತೆ ಜ಼ವಾಬ್‌ನ ಇವ್ಣೆ ಮಾಲುಮ್ ಕರ‍್ಯುಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:45

ಅನ ಬಾದ್‌ಮ ಇವ್ಣೆ ವಚನ್‍ಮ ಲೀಖೈರ‍್ಹೂತೆ ಇನ ಪರ್ಖಿಲವಾನಿಮತ್, ಯೇಸುನೆ ಇವ್ಣಿ ಅಕ್ಕಲ್‍ನ ಛೋ಼ಡ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:45

ಕತೋಬಿ ಇನ ಶಿಷ್ಯರ್‌ನೆ ಅನಿ ಮತ್ಲಬ್‌ನ ಪರ್‌ಖ್ಯುಕೊಯ್ನಿ. ಯೋ ವಾತೆ ಇವ್ಣೇಥಿ ಲಪೈರ‍್ಹೀಥೀತೆ ಇನಖ್ಹಾಜೆ, ಇವ್ಣೆ ಮಾಲುಮ್ ಕರ‍್ಯುಕೊಯ್ನಿ. ಅಜು಼ ಅನಿ ಬಾರೇಮ ಯೇಸುನ ಬೋಲಾನ ಡರಿಗಯು.

ಯೋಹಾನ 12:16

ಯೇಸುನ ಶಿಷ್ಯರ್‌ನ ಯೋ ವಖ್ಹತ್‌ಮ ಆ ಮಾಲುಮ್‌ ಕೋ ಪಡ್ಯುನಿ; ಕತೋಬಿ ಯೇಸು ಮಹಿಮೆನು ಪದವಿಮ ಆವಾನ ಬಾದ್‌ಮ, ಆ ಇನಿ ಬಾರೇಮಸ್ ಲೀಖೈರ‍್ಹೂಸ್ತೆ ಕರಿ, ಅಜು಼ ಅಪ್ಣೆ ಆ ಖ್ಹಾರಾನ ಯೇಸುನಖ್ಹಾಜೆ ಕರ‍್ಯಾ ಕರಿ ಇವ್ಣ ಯಾದ್ಮ ಆಯು.

ಯೋಹಾನ 16:19

ಯೇಸುನೆ ಇವ್ಣೆ ಇನ ಪುಛಾ಼ವ್ಣು ಕರಿ ಛಾ಼ ಕರಿ ಮಾಲುಮ್‌ ಕರಿಲೀನ್, ಇವ್ಣುನ, “ಥೋಡ ದನ್ನ ಬಾದ್‌ಮ ತುಮೆ ಮನ ದೇಕ್‌ಶು ಕೊಯ್ನಿ, ಕತೋಬಿ ಅನ ಬಾದ್‌ಮ ಥೋಡ ದನ್ನ ಕೇಡೆ ತುಮೆ ಮನ ದೇಕ್‌ಶು; ಆಸ್ಕಿ ಶು ತುಮೆ ತುಮಾರ-ತುಮಾರ ಮಹಿ ಪುಛಾ಼ವ್‌ ಕರಾಸ್ತೆ?

ಯೋಹಾನ 4:27

ಎತ್ರಾಸ್‌ಮ ಯೇಸುನ ಶಿಷ್ಯರ್‌ ಪಾಛು಼ಫರಿ ಆಯಾ, ಅಜು಼ ಯೇಸು ಏಕ್‌ ತಯೇಡಾನ ಜೋ಼ಡೆ ವಾತೆ ಬೋಲುಕರಾತೆ ದೇಖಿನ್‌, ಇವ್ಣೆ ಘಣು ಆಶ್ಚರ್ಯ ಕರ‍್ಯಾ. ಕತೋಬಿ, “ತುನ ಶಾತ್‌ ಹೋಣು?” ಕರಿ ರ‍್ಹವೊ, “ತೂ ಇನಜೋ಼ಡೆ ಶನ ವಾತೆ ಬೋಲುಕರಾಸ್‌?” ಕರಿ ರ‍್ಹವೊ, ಇವ್ಣಾಮ ಏಕ್‌ ಜ಼ಣಾನೇಬಿ ಕೋ ಫುಛಾ಼ಯಾನಿ.