ಮಾರ್ಕ 9:29 - ದೇವ್ನಿ ಖ್ಹಾಚಿ ವಚನ್

²⁹ ತದೆ ಯೇಸುನೆ, “ಆ ಜಾ಼ತ್ನು ಭೂತ್‌ನ, ಪ್ರಾರ್ಥನೆಥೀಸ್ ಪಣ್ಕಿ ಬಿಜು಼ ಶನೇಥೀಬಿ ಕಾಡಾನ ಕೋ ಹುವಾನಿ” ಕರಿ ಬೋಲ್ಯೊ.

ಮಾರ್ಕ 9:29 ပူးပေါင်းရင်းမြစ်များ

ಮತ್ತಾಯ 12:45

ಜೈ಼ನ್‌, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಇನ ಜೋ಼ಡೆ ಬುಲೈಲಿನ್ ಆವಸ್. ಇವ್ಣೆ ಯೋ ಅದ್ಮಿನ ಮಹಿ ಪೇಶಿನ್, ಹಿಜ್ಜಾ಼ಸ್ ರ‍್ಹವಾಲಗಸ್‌, ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌ ಪಹಿಲೆಥೀಬಿ ಖರಾಬ್ ಹುಯಿಜಾ಼ಸ್. ಅಮ್ಮಸ್ ಆ ಪಿಳ್ಗಿನು ಖರಾಬ್ ಅದ್ಮಿನ ಉಶೆ” ಕರಿ ಬೋಲ್ಯೊ.

ಮತ್ತಾಯ 17:20

ತದೆ ಯೇಸುನೆ ಇವ್ಣುನ, “ತುಮಾರಿ ವಿಶ್ವಾಸ್ ಕಮ್ ಥೀತೆ ಇನಖ್ಹಾಜೇಸ್ ತುಮೂನ ಕೋ ಹುಯೂನಿ, ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ರಾಯಿನ ದಾಣ ಎವ್ಡಿ ವಿಶ್ವಾಸ್ ತುಮೂನ ರ‍್ಹಯೂತೊ,

ಮತ್ತಾಯ 17:21

ತುಮೆ ಆ ಪಹಡ್‌ಣ, ‘ಹಜ್ಜಾ಼ಥು ಹಿಜ್ಜಾ಼ ಜಾ಼!’ ಕರಿ ಬೋಲ್ಯಾತೋಬಿ ಯೋ ಜಾ಼ಶೆ. ತುಮಾರ ಹಾತೆ ಹುವ್ವಾಕೊಂತೆ ಕಾಮ್ ಏಕ್‌ಬಿ ಕೋ ರ‍್ಹಿಶೇನಿ” ಕರಿ ಬೋಲ್ಯೊ.

ಮಾರ್ಕ 9:28

ಯೇಸು ಘರ್‌ಮ ಆವಾದಿನ್, ಎಕ್ಲೋಸ್ ರ‍್ಹಾವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನೆ, “ಯೋ ಭೂತ್‌ನ ಕಾಡಾನ ಹಮಾರೇಥಿ ಶನ ಕೋ ಹುಯೂನಿ?” ಕರಿ ಯೇಸುನ ಪುಛಾ಼ಯು.

ಮಾರ್ಕ 9:30

ಯೇಸುಬಿ ಇನು ಶಿಷ್ಯರ್‌ ಹಿಜ್ಜಾ಼ಥು ನಿಕ್ಳಿನ್ ಗಲಿಲಾಯ ತಬರ್‌ಖಾಮಾಕರಿ ವಳ್ಯಜಾ಼ತಾಥ. ಯೋ ಕಿಜ಼್ಜಾ ಛಾ಼ ಕರಿ ಕಿನಾಬಿ ನಾ ಮಾಲುಮ್‌ಪಡ್ಣು ಕರಿ ಯೇಸುನ ದಿಲ್ಮ ಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:26

ತದೆ ಹಿಜ್ಜಾ಼ಥೊ ಜೈ಼ನ್, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಬುಲೈಲ್ಯಾವಸ್‌, ಯೋ ಖ್ಹಾರು ಇನ ಮಹಿ ಪೇಶಿನ್ ಹಿಜ್ಜಾ಼ಸ್ ರ‍್ಹವಾಲಗಸ್‌. ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌, ಪಹಿಲೆಥೀಬಿ ತೀರ್‌ಚಾಸ್ ಬಿಗ್‌ಡಿಜಾ಼ಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:23

ಪೌಲ,ಬಾರ್ನಬನೆ ಹರೇಕ್ ಸಭೆನ ಇವ್ಣಿ ಹುಕುಮ್‌ಲೀನ್ ಯೋ ಸಬೆನಖ್ಹಾಜೆ ಕರಿ ಶಾಣಖ್ಹಾರಾನ ಚೂ಼ಣ್ಯ. ಇವ್ಣೆ ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರೀನ್ ಇವ್ಣೆ ವಿಶ್ವಾಸ್ ಕರಿರಾಖ್ಯಥಾತೆ ಶಾಣಾಖ್ಹಾರನ ಪ್ರಭುನ ಹಾತ್ಮ ದಿದಾ.

1 ಕೊರಿಂಥ 9:27

ಬಿಜ಼ಖ್ಹಾರನಿ ಜೋ಼ಡ್ಮ ಬೋಧನೆ ಕರಾನ ಪಾರ್ ತದೆ ಮೇಸ್ ನಾಲಾಯಕ್‌ ನಾ ಹುವಾನಖ್ಹಾಜೆ ಶರೀರ್‌ನ ನಿಶತ್ ದೀನ್ ಮಾರಿ ಚಪ್ಪಣ್‌ಮಾಸ್ ರಾಖುಸ್.

2 ಕೊರಿಂಥ 11:27

ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್‌ಕೋಲಿದೋನಿ. ಭುಕ್ ಠೋಖ್ಹ್‌ ಶಾತ್‌ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ‍್ಹಯೊ. ಬರೋಬರ್‌ನು ಲುಂಗ್ಡುಕೊಂತೆ ಠಣ್‍ಮ ಕಾಪ್ತೊ ರ‍್ಹಿಯೊ.

2 ಕೊರಿಂಥ 12:8

ಆ ಅಜ಼ ಮನ ಮ್ಹೇಲಿ ನಿಕ್ಳಿಜಾ಼ವ್ಣು ಕರಿ ಪ್ರಭುನ ತೀನ್ ವಖ್ಹತ್ ಗಿಂಗೈಲಿದೊ.

2 ಕೊರಿಂಥ 6:5

ಜೇಲ್‌ಮಾಬಿ, ಲಡೈಮಾಬಿ, ಖ್ಹತಾಪ್ಣಿನ ರಬೇಡ್‍ಮಾಬಿ, ನಿಂದರ್‌ ಖರಾಬ್ ಹುಯ್ಗಿತೋಬಿ, ಪಟ್ನಿರ‍್ಹಯೊತೋಬಿ, ಘಣಿ ಸಮಾಧಾನ್ನ ವತಾಳಿಲಿದ.

ಎಫೆಸ 6:18

ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.

ಯಾಕೋಬ 5:15

ವಿಶ್ವಾಸ್‍ಥಿ ಕರಾತೆ ಪ್ರಾರ್ಥನೆ ರೋಗ್‌ವಾಳನ ಗುಣ್‌ಕರಸ್‌. ಅಜು಼ ಪ್ರಭು ಇನ ಉಠಾಡಸ್, ಯೋ ಪಾಪ್ ಕರಿರಾಖವಾಳೊ ಉಷೇತೊ, ದೇವ್ ಯೋ ಪಾಪ್ ಅಖ್ಖಾನ ಕ್ಷಮಾಕರ್‌ಶೆ.