ಮಾರ್ಕ 9:15 - ದೇವ್ನಿ ಖ್ಹಾಚಿ ವಚನ್

¹⁵ ಅಜು಼ ಇವ್ಣೆಖ್ಹಾರು ಯೇಸುನ ದೇಖಿನ್‌, ಘಣು ಆಶ್ಚರ್ಯಖಾದು, ಅಜು಼ ಇನಾಕನ ನಾಶಿ ಆಯಿ ಮಳಿನ್ ಖ್ಹಲಾಮ್ ಕರ‍್ಯು.

ಮಾರ್ಕ 9:15 ပူးပေါင်းရင်းမြစ်များ

ಮಾರ್ಕ 14:33

ಅಮ್ ಬೋಲಿನ್ ಖಲಿ ಪೇತ್ರ, ಯಾಕೋಬ್ ಅಜು಼ ಯೋಹಾನ್ನ ಇನ ಜೋ಼ಡ್ಮ ಬುಲೈಲಿ ಗಯೊ. ತದೆ ಯೇಸುನ ಘಣು ಘಬ್ರಾವ್‍ಣಿ ಹುಯು ಅಜು಼ ದುಖ್‌ಥಿ ಭರೈಗೊ.

ಮಾರ್ಕ 16:5

ತದೆ ಇವ್ಣೆ ಘವಿನ ಮಹಿ ಜೈ಼ನ್, ಹಿಜ್ಜಾ಼ ಏಕ್‌ ಜಾ಼ನ್ಜ಼ಮಾನ್ ಅದ್ಮಿ ಧೋಳು ಲುಂಗ್ಡು ಪೇರ‍್ಹಿಲೀನ್‌, ಖಾವಿ ಬಾಜು಼ಮ ಬೆಠುಥೂತೆ ದೇಖಿನ್, ಇವ್ಣೆ ಡರೀಗಯ್ಯೆ಼.

ಮಾರ್ಕ 16:6

ತದೆ ಇನೆ ಇವ್ಣುನ, “ಡರೊನಕೊ, ಶಿಲ್‌ಬೆಪರ್ ಮಾರ‍್ಯೂಥೂತೆ, ನಜ಼ರೇತ್‌ನೊ ಯೇಸುನ ಢೂಂಡುಕರಾಸ್ ಕರಿ ಮನ ಮಾಲುಮ್. ಯೋ ಹಜ್ಜಾ಼ ಕೊಯ್ನಿ, ಯೋ ಜಿವ್ತೊ ಹುಯಿನ್ ಉಠಿರ‍್ಹೋಸ್! ಹಂದೇಖೊ, ಆಸ್ ಇನ ಮ್ಹೇಲಿರಾಖ್ಯುಥೂತೆ ಝ಼ಗೊ.

ಮಾರ್ಕ 9:16

ತದೆ ಯೇಸುನೆ ಇನ ಶಿಷ್ಯರ್‌ನ, “ಇವ್ಣ ಜೋ಼ಡೆ ಶಾತ್‌ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಪುಛಾ಼ಯೊ.

ಮಾರ್ಕ 9:25

ತದೆ ಯೇಸುನೆ ಬಿಜೂ಼ಬಿ ಅದ್ಮಿನಿ ಝೂ಼ಂಡ್‌ ಇವ್ಣ ಭಣಿ ನಾಶಿ ಉಳ್ಯಾವತೆ ದೇಖಿನ್‌, ಯೋ ಭೂತ್‌ನ ಗುರ್‌ಕೈನ್, “ಏಯ್, ಭೈರಾ ಮುಕ್ಕಾಭೂತ್‌, ಅನ ಮ್ಹೆಂದಿನ್ ಭಾರ್‌ನಿಕಳ್‌, ಪಾಛು಼ ಅನ ನಾ ಧರ್‌ನು! ಕರಿ ಮೇ ತುನ ಹುಕುಮ್‌ ದೆವ್‌ಕರುಸ್” ಕರಿ ಬೋಲ್ಯೊ.