ಮಾರ್ಕ 9:12 - ದೇವ್ನಿ ಖ್ಹಾಚಿ ವಚನ್

¹² ತದೆ ಯೇಸುನೆ, “ಎಲೀಯ ಪಹಿಲೆ ಐನ್ ಖ್ಹಾರು ಖ್ಹವಾರ್‌ಶೇತೆ ಖ್ಹಾಚಸ್. ಕತೋಬಿ ಅದ್ಮಿನೊ ಛಿಯ್ಯಾನಿ ಬಾರೇಮ, “ಯೋ ಘಣು ಲತಾಡ ಪಡೀನ್ ಅದ್ಮಿಥಿ ಧಕೇಲೈಜಾ಼ಶೆ ಕರಿ ಲೀಖೈರ‍್ಹೂಸ್‌ನಿ, ಆ ಕಿಮ್?

ಮಾರ್ಕ 9:12 ပူးပေါင်းရင်းမြစ်များ

ಮತ್ತಾಯ 16:21

ತಪ್‌ಥೊ ಯೇಸು, “ಮೇ ಯೆರೂಸಲೇಮ್‌ನ ಜೈ಼ನ್‌, ಹಿಜ್ಜಾ಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇಥಿ ಘಣು ಲತಾಡ ಖ್ಹಮಾಳ್‌ಣು ಅಜು಼ ಇವ್ಣೆ ಇನ ಮರ್‌ನಾಕ್‌ಶೆ; ಕತೋಬಿ ತೀನ್ ದನ್‌ಕೇಡೆ ಮೇ ಪಾಛೊ಼ ಜಿವ್ತೊಹುಯಿನ್, ಉಠೀನ್ ಆಯಿಶ್” ಕರಿ ಶಿಷ್ಯರ್‌ನ ಬೋಲಾನ ಶುರು ಕರ‍್ಯೊ.

ಮತ್ತಾಯ 26:24

ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.

ಮಾರ್ಕ 10:33

ಇನೆ ಇವ್ಣುನ, “ಹಂದೇಖೊ, ಅಪ್ಣೆ ಯೆರೂಸಲೇಮ್‌ನ ವಳ್ಯಾಜಯ್ಯೇಸ್‌, ಹಿಜ್ಜಾ಼ ಅದ್ಮಿನೊ ಛಿಯ್ಯಾನ ಗಲ್‌ಢಯಾಜಕರ್‌ನ ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇನ ಹಾತ್‌ಮ ಧರಿದಿಶ್ಶೆ. ಇವ್ಣೆ ಇನ ಮಾರಿನಾಕ್ಣು ಕರಿ ಬೋಲಿದೀನ್‌ ಇನ ಪರೈ ಜಾ಼ತ್‌ವಾಳ ಅದ್ಮಿನ ಹಾತ್‌ಮ ದಿನಾಕ್‌ಶೆ.

ಮಾರ್ಕ 9:13

ಕತೋಬಿ ಮೇ ತುಮೂನ ಬೋಲೂಸ್ಕಿ, ಎಲೀಯ ಆಯೊ ಅಜು಼ ಇನಿ ಬಾರೇಮ ವಾಕ್ಯಾಮ ಲೀಖೈರ‍್ಹೂತೆ ಇಮ್‌ ಅದ್ಮಿಖ್ಹಾರು ಇವ್ಣ ಮನ್‌ಮ ಆಯುತೆ ಇಮ್‌ ಇನ ಖ್ಹತೈನ್ ಮಾರ‍್ಯು” ಕರಿ ಬೋಲ್ಯೊ.

ಮಾರ್ಕ 9:31

ಶನಕತೊ ಯೇಸು ಇನ ಶಿಷ್ಯರ್‌ನ ಬೋಲಿ ದೇತೊಹುಯಿನ್, “ಅದ್ಮಿನ ಛಿಯ್ಯಾನ, ಇನ ಮಾರಿನಾಖವಾಳಾನ ಹಾತ್‌ಮ ದೆವೈಜಾಶೆ, ಇವ್ಣೆ ಇನ ಮಾರಿನಾಕ್‌ಶೆ. ಕತೋಬಿ ಮರೀನ್ ತೀನ್ ರೋಜ಼್ ಕೇಡೆ, ಯೋ ಪಾಛೊ಼ ಜಿವ್ತೊ ಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:76

ಅಜು಼ ಜಕರೀಯಾನೆ, “ಮಾರು ಲಡ್ಕು, ತೂತೊ, ಪರಮಂಡಲ್‌ನೊ ದೇವ್‌ನೊ ಪ್ರವಾದಿ ಕರಿ ಬೋಲೈಲಿಶ್. ತೂ ಪ್ರಭುನ ಅಗಾಡಿ ಜೈ಼ನ್, ಇನಿ ವಾಟ್ನ ಖ್ಹವಾರವಾಳೊ ಹುಯಿರ‍್ಹೀಶ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:11

ಹೆರೋದ ಅಜು಼ ಇನು ಸಿಪಾಯಿಖ್ಹಾರು ಯೇಸುನಿ ಛಿಂಘಾವ್ಣಿ ಕರೀನ್, ನಕ್ಲೆ ಕಾಡ್ಯು. ಅಜು಼ ಘಣು ಅಛ್ಛು಼ ಝ಼ಗ್ಗಾನ ಫೇರೈನ್, ಪಾಛು಼ ಪಿಲಾತಕನ ಮೋಕ್ಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:39

ಹಿಜ್ಜಾ಼ ಶಿಲುಬೆಪರ್ ಠಂಗೈರಾಖ್ಯುಥೂತೆ ಅಪರಾದಿಮ ಏಕ್‌ ಜ಼ಣು ಯೇಸುನಿ ನಕ್ಲೆ ಕಾಡ್ತೊಹುಯಿನ್‌, “ತೂ ಕ್ರಿಸ್ತ ಕಾಹೆಕಿ ಶು? ಇಮ್‍ಕತೊ, ತೂಬಿ ಬಚಿ ಜಾ಼ ಹಮುನಾಬಿ ಬಚಾ಼ಡ್‍!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:6

ಮಳಿರ‍್ಹುಥೂತೆ ಅಪೊಸ್ತಲರ್ ಖ್ಹಾರು, ಇವ್ಣೆ “ಪ್ರಭು, ತೂ ಇಸ್ರಾಯೇಲ್‌ ಅದ್ಮಿವೋನ ಹಮೇಶ ಪಾಛೊ಼ ಇವ್ಣಿ ರಾಜ್ಯನ ಆಸ್ ದನ್ಮ ದ್ಯವಾನ ಆಯೋಕಿ ಶು? ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:11

‘ಘರ್ ಭಾಂದಾವಾಳ ಹುಯಿರ‍್ಹಾತೆ ತುಮೆ ನಕೊಕರಿ ಮ್ಹೆಂದಿದಾತೆ ಯೊ ಬಂಡೋಸ್ ಯೇಸು. ಯೋಸ್ ಮುಖ್ಯ ಹುಯಿರ‍್ಹುತೆ ಕೋಣಾನೊ ಬಂಡೊ ಹುಯಿಗಯೊ’.