ಮಾರ್ಕ 8:34 - ದೇವ್ನಿ ಖ್ಹಾಚಿ ವಚನ್

³⁴ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ ಅಜು಼ ಅದ್ಮಿನಿ ಝೂ಼ಂಡ್‌ನ ಇನಾಕನ ಬುಲಾಯೊ. ಇನೆ ಇವ್ಣುನ ಬೋಲ್ಯೋಕಿ, “ಕೋಣ್‌ತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಇನು ಯೋ ಭೈಕಿನ್, ಇನಿ ಶಿಲ್‌ಬೇನ ಪಾಡಿಲೀನ್, ಮಾರ ಪೀಠೆ ಆವಾದೆ.

ಮಾರ್ಕ 8:34 ပူးပေါင်းရင်းမြစ်များ

ಮತ್ತಾಯ 10:38

ಕೋಣ್ ಇನಿ ಶಿಲ್‌ಬೇನ ಪಳ್ಳಿನ್‌, ಮಾರ ಪೀಠೆ ಕೋ ಆವಾನಿಕಿ, ಯೋ ಮಾರೊ ಶಿಷ್ಯ ಹುವಾನ ಲ್ಹಾಯೇಕ್‌ನೊ ಕಾಹೆ.

ಮತ್ತಾಯ 16:24

ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಕಿನಾತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಯೋ ಖ್ಹುದ್‌ನ ಭೈಕಿಜೈ಼ನ್, ಇನಿ ಶಿಲ್‌ಬೇನ ಪಾಡಿಲೀನ್, ಮಾರ ಪೀಠೆ ಆವಾದೆ.

ಮತ್ತಾಯ 27:32

ಇವ್ಣೆ ಖ್ಹಯೇರ‍್ನ ಭಾರ್‌ ಜ಼ವ್‍ಕರಾನಿ ವಖ್ಹತ್‌ಮ, ಸಿರೇನ್ ಖ್ಹಯೇರ‍್ನೊ ಸೀಮೋನ್‌ ಕರಿ ಏಕ್‌ ಜ಼ಣಾನ ಧರೀನ್, ಯೇಸುನಿ ಶಿಲ್‌ಬೆ ಪಾಡ್‌ಕರಿ ಶಿಪಾಯಿಖ್ಹಾರು ಇನ ಜು಼ಲಮ್‌ ಕರ‍್ಯು.

ಮಾರ್ಕ 10:21

ತದೆ ಯೇಸುನೆ ಇನ ಠರ್‌ಕೈ ದೇಖಿನ್‌ ಪ್ಯಾರ್‌ಥಿ ಇನ, “ತಾರಮ ಏಕ್‌ ಕಮ್ ಛಾ಼. ಜಾ಼ ತಾರಕನ ಛಾ಼ತೆ ಖ್ಹಾರು ವೇಚಿನಾಖಿದೀನ್‌ ಗರೀಬ್‌ನ ದೆ, ತದೆ ತುನ ಪರ್‌ಲೋಕ್‌ಮ ಶೊತ್‌ರ‍್ಹಿಶೆ ಅಜು಼ ತು ಐನ್ ಮಾರ ಪೀಠೆ ಆವ್” ಕರಿ ಬೋಲ್ಯೊ.

ಮಾರ್ಕ 7:14

ಬಾದ್‌ಮ ಯೇಸುನೆ ಅದ್ಮಿನಿ ಝೂ಼ಂಡ್‌ನ ಪಾಛೊ಼ ಖನ್ನೆ ಬುಲೈನ್ ಇವ್ಣುನ, “ಖ್ಹಾರು ಕಾನ್‌ ಜೋ಼ಡಿನ್‌ ಮಾರಿ ವಾತೆನ ಖ್ಹಮ್‌ಜೊ಼, ಅಜು಼ ಪರ್ಖಿಲೆವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:24

ಯೇಸುನೆ ಜವಾಬ್‌ ದಿದೋಕಿ, ನ್ಹಾನ ಬಾಕಲ್‌ ವಾಟೆಕರಿ ಮಹಿ ಜಾ಼ವಾನ ಕೋಶಿಶ್‌ ಕರೊ, ಶನಕತೊ ಘಣು ಅದ್ಮಿ ಮಹಿ ಜಾ಼ವ್ಣುಕರಿ ಕರಸ್, ಕತೋಬಿ ಇವ್ಣೊ ಹಾತ್‌ ಕೋಹುಯುನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:33

ಇಮ್ಮಸ್, ತುಮಾರಮ ಕೋಣ್‌ಬಿ ರ‍್ಹವೊ, ಇನಛಾ಼ತೆ ಖ್ಹಾರಸ್ನ ನಾ ಮ್ಹೇಲ್ಯೂತೊ, ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೋ ಹುವಾನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:22

ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ತೂ ಕರ್ನುತೆ ಬಿಜ್ಜೇಕ್‌ ಕಾಮ್ ಛಾ಼, ತಾರಕನ ಛಾ಼ತೆ ಖ್ಹಾರುಸ್‌ ಶೊತ್ನ ವೇಚಿನ್, ಆವಸ್ತೆ ಪೈಶಾನ ಗರೀಬ್‌ನ ದೆ. ತದೆ ಪರ್‌ಲೋಕ್‌ಮ ತುನ ಶೊತ್ ರ‍್ಹಿಶೆ; ಅಜು಼ ತೂ ಆಯಿನ್, ಮಾರ ಪೀಠೆ ಆವ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:45

ಅದ್ಮಿಖ್ಹಾರು ಇನಿ ವಾತೆ ಖ್ಹಮ್‌ಜು಼ಕರಾನಿ ವಖ್ಹತ್‌ಮ, ಯೇಸುನೆ ಇನ ಶಿಷ್ಯರ್‌,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:23

ಅತ್ರೇಸ್ ಕಾಹೆತೆ ಯೇಸುನೆ ಇವ್ಣ ಖ್ಹಾರಾವ್‌ನ ಶಾತ್ ಬೋಲ್ಯೊಕತೊ, “ಕೋಣ್‌ತೋಬಿ ಮಾರ ಜೋ಼ಡೆ ಆವ್ಣುಕರಿ ಉಶೇತೊ, ಇನು ಯೋ ಭೈಕಿಜೈ಼ನ್, ಹರ್‌ದನ್‌ ಇನಿ ಶಿಲ್‌ಬೇನ ಪಳ್ಳಿನ್‌, ಮಾರ ಪೀಠೆ ಆವಾದೆ.

ಯೋಹಾನ 10:27

ಮಾರ ಮೇಂಢ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ಮನ ಇವ್ಣೆ ಮಾಲುಮ್‌ ಅಜು಼ ಇವ್ಣೆ ಮಾರ ಪೀಠೆ ಆವಸ್.

ಯೋಹಾನ 19:17

ಯೇಸುನೆ ಇನಿ ಶಿಲ್‌ಬೇನ ಪಾಡಿಲೀನ್, “ಖೋಪ್ರಿನಿ ಝ಼ಗೊ” ಕರಿ ಝ಼ಗೋಕನ ಗಯೊ. ಇಬ್ರಿಯ ವಾತೇಮ ಆ ಝ಼ಗೋನಾ, ‘ಗೊಲ್ಗೊಥಾ’ ಕರಿ ಬೋಲಾಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:6

ಅಪ್ಣು ಜೂ಼ನು ಚಾ಼ಲ್‍ಚ಼ಲಣ್‍ ನಾಶ್ ಹುಯಿಜೈ಼ನ್‌ ಬಿಜು಼ ಅಗಾಡಿ ಅಪ್ಣೆ ಕದೇಬಿ ಪಾಪ್ನ ಗುಲಾಮ್ ನಾ ಹೋಣುಕರಿ ಅಪ್ಣು ಪಾಪ್‌ಥಿ ಮರಿಹುಯು ಶರೀರ್ ಇನಜೋ಼ಡ್ಮ ಶಿಲ್‌ಬೆಪರ್ ಮರೈಗಯುಕರಿ ಅಪ್ಣುನ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

1 ಕೊರಿಂಥ 15:31

ಭೈಯೇ ಭೇನೆವೊ, ಅಪ್ಣೊ ಪ್ರಭು ಹುಯಿರೋತೆ ಕ್ರಿಸ್ತಯೇಸುಮ ತುಮಾರಿ ಬಾರೇಮ ಮನಛಾ಼ತೆ ಪ್ಯಾರ‍್ನಖ್ಹಾಜೆ ಮೇ ಹರ್‌ರೋಜ಼್‍ಬಿ ಮರಣ್ಣ ಮ್ಹೋರೆ ಛೂ಼ಕರಿ ಬೋಲುಸ್.

1 ಕೊರಿಂಥ 8:13

ಇನಖ್ಹಾಜೆ ಖಾವಾನು ರಾಛು಼ ಮಾರ ಭೇನೆ ಭೈಯೇನ ಪಾಪ್ ಹುವಾನುರ‍್ಹಿಯೂತೊ ಅಜು಼ ಮೇ ಕದೇಬಿ ಬೋಟಿನ ಕೋ ಖೈಶ್‍ನಿ,ಅಮ್ ಮೇ ಇವ್ಣುನ ಪಾಪ್ ಕರಾನ ಕಾರಣ್ ನಾಹೊಣು.

1 ಕೊರಿಂಥ 9:19

ಮೇ ಅಖ್ಖಿ ವಿಚಾರ್‌ಮ ಛುಟ್ಕಾರ್ ಹುಯಿರ‍್ಹತೋಬಿ ಘಣುಜ಼ಣಾನ ಮಾರಿ ಕಬ್‌ಜಾ಼ಮ ರಾಕ್ಣುಕರಿ ಮೇ ಅಖ್ಖಾನ ದಾಸಹುಯೊ.

ಗಲಾತ್ಯ 2:20

ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.

ಗಲಾತ್ಯ 5:24

ಕ್ರಿಸ್ತ ಯೇಸುಮ ರ‍್ಹವವಾಳು ಇವ್ಣ ಶರೀರ್‌ನು ಆಖ್ಹ್‌ದಾಖ್ಹ್‌ ಅಜು಼ ಖರಾಬ್ ಆಖ್ಹ್‌ನ ಖ್ಹಮೇದ್ ಶಿಲ್‌ಬೇಪರ್ ನಾಖವಾಳ ಹುಯಿರ‍್ಹುಸ್.

ಗಲಾತ್ಯ 6:14

ಮನತೋಬಿ ಮಾರೊ ಪ್ರಭು ಯೇಸು ಕ್ರಿಸ್ತನಿ ಶಿಲ್‌ಬೇನಿ ಬಾರೇಮಸ್ ಪಣ್ಕಿ ಬಿಜು಼ ಖೆವಾಥೀಬಿ ಊಚು಼ ಹೋಣುಕೊಯ್ನಿ. ಇನೇಥಿ ಮೇ ಜಗತ್ನಖ್ಹಾಜೆ ಮರಿಗೊ; ಜಗತ್‌ ಮಾರಖ್ಹಾಜೆಬಿ ಶಿಲ್‌ಬೇಪರ್ ಮರಿಗಯುಥು.

ಫಿಲಿಪ್ಪಿ 3:10

ಇನಾಬಿ ಇನು ಪಾಛು಼ ಜಿವ್ತುಹುವಾಮ ಛಾ಼ತೆ ಶಕತ್‍ನಾಬಿ, ಇನಿ ಖ್ಹತಾಪ್ಣಿಮ ಭಾಗ್‌ಲ್ಯವಾನಿ ಪದವಿನ ಮಾಲುಮ್ ಕರಿಲಿನ್ ಇನಿ ಮರಣ್ಣಿ ಬಾರೇಮ ಇನೀನಿತರಸ್ ಹೋಣುಕರಿ ಬೋಲನುಸ್ ಮಾರಿ ಹರಖ್ಹ್ ಹುಯಿರ‍್ಹೀಸ್.

ಫಿಲಿಪ್ಪಿ 3:7

ಕತೋಬಿ, ಮನ ನಫ್ಫೊಹುಯಿರ‍್ಹಾವನು ಅಖ್ಖೂಸ್ ಕ್ರಿಸ್ತನಖ್ಹಾಜೆ ಲುಕ್ಷಾನ್‌ಕರಿಸ್ ಲ್ಹಾವ್ಸ್.

ಕೊಲೊಸ್ಸೆ 1:24

ಹಮ್ಕೆ ಮೇ ತುಮಾರಖ್ಹಾಜೆ ಪಡುಕರೂತೆ ಖ್ಹತಾಪ್ಣಿಮ ಮನ ಖುಷಿ ಛಾ಼. ಕ್ರಿಸ್ತನು ವದೇಖ್ಹ್‌ಮ ಜ಼ರೂರತ್ ಛಾತೆ ಇನ ಸಬೆಕರಿ ಬೋಲಾನ ಶರೀರ್‌ನಖ್ಹಾಜೆ ಮೆ ಮಾರ ಶರೀರ್‌ಮ ಖ್ಹರ್ತಿಕರೂಸ್.

ಕೊಲೊಸ್ಸೆ 3:5

ಇನಖ್ಹಾಜೆ ತುಮಾರಮ ಛಾ಼ತೆ ಜಗತ್ನಿ ಆಖ್ಹ್‌ಅಖ್ಖು ಕತೊ; ವ್ಯಬಿಚಾರ್‌, ಮೈಲುಹುವಾನು, ಭೋಗ್ನಿ ಆಖ್ಹ್, ಅಜು಼ ಖರಾಬ್ ಆಖ್ಹ್, ಮೂರತ್ನ ಆರಾಧನೆನಿ ಘೋಣಿ ಹುಯಿರ‍್ಹುತೆ ನಿಕ್‌ಳ್ಯೊ ಜಾನ್‌, ಅಥ್ರಾನು ಅಖ್ಖು ಮಾರಿ ನಾಖೊ.

2 ಥೆಸ 3:11

ಕತೋಬಿ ತುಮಾರಾಮ ಥೋಡುಜ಼ಣು ಖೆವು ಕಾಮ್‌ಬಿ ಕರುಕರಾಕೊಂತೆ, ಬಿಜಾ಼ನ ಕಾಮ್ಮ ಗೋಡೊ ಘಾಲ್ತುಹುಯಿನ್, ವಳ್‌ಶಿನು ಜಿವ್ಣು ಜಿವ್‌ಕರಾಸ್ ಕರಿ ಹಮೂನ ಖಬರ್‌ಪಡ್ಯು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:12

ಅಜು಼ ಅಪ್ಣು ಭಕ್ತಿಕೊಂತೆ ಜಿವ್ಣನ ಅಜು಼ ಜಗತ್ನಿ ಹರಖ್ಹ್‌ನ ಮ್ಹೇಲಿದೇಣು, ಅಜು಼ ಅಮ್ನು ಜಿವ್ಣು ಕರ್ನುಕಿ ಅನೇಥಿ ಖ್ಹಾಚಿ ಭಕ್ತಿಥಿ ರ‍್ಹವಾನು ಅಜು಼ ಇನುಯೋ ದಾಬುಕ್‌ಥಿ ರ‍್ಹವಾನ ಪರಕ್‍ಥಿ ಆ ಜಗತ್‌ಮ ಬಚಿರ‍್ಹೇಣು.

ಇಬ್ರಿ 13:13

ಇಮ್ಮಸ್ ಟಾಂಡಾನ ಭಾರ್‌ ಕಾಡಿನ್, ಖ್ಹರಮ್‌ ಕಾಡ್ಯುತೆ ಇನಾಮ ಅಪ್ಣೇಬಿ ಭಾಗ್‌ಲ್ಯವಾಳ ಹುಯಿರ‍್ಹಿಯೆ.

1 ಪೇತ್ರ 4:1

ಕ್ರಿಸ್ತನೆ ಅಪ್ಣಖ್ಹಾಜೆ ಇನ ಶರೀರ್‌ಮ ಲತಾಡ ಪಡ್ಯುತೆಖ್ಹಾಜೆ ತುಮೇಬಿ ಜಿನು ಯೋ ದಿಲ್‌ವಾಳ ಹುಯಿನ್ ಖ್ಹತಾಪ್ಣಿಲ್ಯವಾನ ತಯಾರ್‌ಹುವೋ. ಶನಕತೊ ಶರೀರ್‌ಮ ಖ್ಹತಾಪ್ಣಿ ಪಡ್ಯೊಹುಯೊ, ಪಾಪ್ ಕರಾನು ಭಿರಾಖವಾಳೊ ಹುಯಿರ‍್ಹೊಸ್.

1 ಪೇತ್ರ 4:13

ಕತೋಬಿ ತುಮೆ ಕೆತ್ರೆಪರಕ್ಮ ಕ್ರಿಸ್ತನಿ ಖ್ಹತಾಪ್ಣಿವ್‌ಮ ಭಾಗ್‌ವಾಳ ಹುಯಿರಾಸ್ಕಿ ಎತ್ರಸ್‍ಪರಕ್ಮ ಖುಷಿ ಪಡೊ. ಇನಖ್ಹಾಜೆ ಯೋ ಮಹಿಮೆಥಿ ಆವಾದಿನ್ ತುಮೆ ದೇಖಿನ್ ಘಣಿ ಖುಷಿಥಿ ಭರೈಜಾಶು.

2 ಪೇತ್ರ 1:14

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನೆ ಮನ ಬೋಲ್ಯೋತೆ ಇಮ್ಮಸ್, ಮೇ ಆ ಘರ್‌ನ ಮ್ಹೇಲಿಜಾ಼ವಾನು ಹಗಾಮ್‌ ಖನ್ನೆಸ್‌ ಛಾ಼ಕರಿ ಮನ ಮಾಲುಮ್‌.

1 ಯೋಹಾನ 3:16

ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್‌ ಕೆಥ್ರಾನು ಕರಿ ಅಪ್ಣೆ ಖ್ಹಮ್‍ಜಿಲಿದ ಕಿಮ್‌ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್‌ ದೇವವಾಳ ಹುಯಿರಾಸ್‍.

ಪ್ರಕಾಶಿತ್ 2:10

ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.