ಮಾರ್ಕ 8:11 - ದೇವ್ನಿ ಖ್ಹಾಚಿ ವಚನ್

¹¹ ಬಾದ್‌ಮ ಫರಿಸಾಯರ್‌ವಾಳು ಥೋಡು ಅದ್ಮಿ ಯೇಸುಕನ ಐನ್, ಇನಜೋ಼ಡೆ ಅಬ್ಬಾಜ಼ಬ್ಬಿ ವಾತೆ ಬೋಲಾಲಗ್ಯು. ಇನಾಮ ಗಲ್ತಿ ಢೂಂಡಾನಖ್ಹಾಜೆ, “ತೂ ದೇವ್‍ಥಿ ಆಯೊ ಹುಯೊ ಕರಿ ಮಾಲುಮ್‌ ಪಡಾನಟೇಕೆ, ಆಕಾಶ್‌ಮ ಏಕ್‌ ಖ್ಹಣೇದ್‍ನು ಕಾಮ್ ಕರೀನ್ ವತಾಳ್” ಕರಿ ಬೋಲ್ಯು.

ಮಾರ್ಕ 8:11 ပူးပေါင်းရင်းမြစ်များ

ಮತ್ತಾಯ 12:38

ತದೆ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ಮ ಥೋಡು ಜ಼ಣು ಯೇಸುನ, “ಗುರು, ತೂ ಅದ್ಭುತ್ ಕರಾನು ದೇಕ್ಣು ಕರಿ ಹಮೆ ಆಖ್ಹ್ ಕರಿಯೇಸ್” ಕರಿ ಬೋಲ್ಯು.

ಮತ್ತಾಯ 19:3

ತದೆ ಫರಿಸಾಯರ್‌ವಾಳು ಯೇಸುಕನ ಆಯಿನ್ ಇನ ಫಖ್ಹಾವ್ಣು ಕರಿ, “ಏಕ್‌ ಜ಼ಣೊ ಖೆವಿತೋಬಿ ಏಕ್‌ ಭಾಮ್‌ಥಿ ಇನಿ ಬಾವಣ್ಣ ಮ್ಹೇಲಿದ್ಯವಾನು ಬರೊಬರ‍್ನಿ ನಿಯಮ್‌ ಕಿಶು?” ಕರಿ ಪುಛಾ಼ಯು.

ಮತ್ತಾಯ 21:23

ಯೇಸು ಪಾಛೊ಼ ಮಂದಿರ್‌ಮ ಐನ್, ವಚನ್ನ ಬೋಲಿದೆವ್‍ಕರಾನಿ ವಖ್ಹತ್‌ಮ, ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಕನ ಆಯಿನ್, “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರುಕರಸ್? ಆ ಹಕ್ನ ತುನ ದಿದೂತೆ ಕೋಣ್?” ಕರಿ ಪುಛಾ಼ಯು.

ಮತ್ತಾಯ 22:15

ತದೆ ಫರಿಸಾಯರ್ ಜೈ಼ನ್, ಯೇಸುನ ವಾತೇಮ ಖ್ಹಪ್‌ಡಾವ್ಣು ಕರಿ ವಾತೆ ಕರಿಲೀನ್, ಇನಾಕನ ಆಯು.

ಮತ್ತಾಯ 22:18

ಯೇಸುನೆ ಇವ್ಣಿ ಖರಾಬ್ ಚಾ಼ಲ್‌ನ ಮಾಲುಮ್‌ ಕರಿಲೀನ್, “ತುಮೆ ಖೋಟ್ ದಿಲ್‌ವಾಳ! ತುಮೆ ಮನ ಖ್ಹಪ್‌ಡಾವ್ಣು ಕರಿ ಶನ ದೇಖೋಸ್ತೆ?

ಮತ್ತಾಯ 22:23

ಯೋಸ್ ದನ್ನೆ ಸದ್ದುಕಾಯವಾಳು ಯೇಸುಕನ ಆಯು. ಅವ್ಣೆ ಮರ‍್ಯುಹುಯು ಅದ್ಮಿ ಪಾಛು಼ ಜಿವ್ತುಹುಯಿನ್ ಉಠಾಕೊಯ್ನಿ ಕರಿ ಬೋಲಾವಾಳು.

ಮಾರ್ಕ 12:15

ತದೆ ಯೇಸುನೆ, ಇವ್ಣೆ ಮಶ್ಲತ್ ಭಂದೈನ್ ಐರ‍್ಹೂತೆ ದೇಖಿನ್, “ಮನ ಫಖ್ಹಾವ್ಣು ಕರಿ ಶನ ದೇಖೊಸ್ತೆ? ಮನ ಏಕ್‌ ರೂಪಾನು ಬಿಲ್ಲು ಲೈನ್‌ ವತಾಳೊ” ಕರಿ ಬೋಲ್ಯೊ.

ಮಾರ್ಕ 2:16

ಹಿಜ್ಜಾ಼ ಪರಿಸಾಯರ್‌ನಿ ಝೂ಼ಂಡ್‌ವಾಳು ಹುಯಿರ‍್ಹುಥೂತೆ, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಮ ಥೋಡು ಜ಼ಣು, ಯೇಸು ಶುಂಕ ಮಾಂಗವಾಳನ ಅಜು಼ ಪಾಪಿ ಅದ್ಮಿನ ಜೋ಼ಡೆ ಖಾಣು ಖಾತಾನ ದೇಖ್ಯು. ತದೆ ಇವ್ಣೆ ಯೇಸುನ ಶಿಷ್ಯರ್‌ನ, “ಯೋ ಅಮ್ನಅದ್ಮಿನ ಜೋ಼ಡೆ ಶನ ಖಾಣು ಖಾಸ್ತೆ?” ಕರಿ ಬೋಲ್ಯು.

ಮಾರ್ಕ 9:16

ತದೆ ಯೇಸುನೆ ಇನ ಶಿಷ್ಯರ್‌ನ, “ಇವ್ಣ ಜೋ಼ಡೆ ಶಾತ್‌ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:25

ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಏಕ್‌ ಜ಼ಣು ಉಠಿ ಐನ್, ಯೇಸುನ ಖ್ಹಪ್‌ಡಾವ್ಣು ಕರಿ, “ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ ಮೇ ಶಾತ್‌ ಕರ‍್ನು? ಕರಿ ಯೇಸುನ ಫುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:16

ಬಿಜು಼ ಥೋಡು ಜ಼ಣು ಯೇಸುನ ಖ್ಹಪ್‌ಡಾವ್ಣು ಕರಿ, “ತೂ ಆಬ್‍ಮ ಏಕ್‌ ಅದ್ಭುತ್ ಕರಿನ್ ವತಾಳ್” ಕರಿ ಇನ ಬೋಲ್ಯು.

ಯೋಹಾನ 4:48

ಯೇಸುನೆ ಇನ, “ತುಮೆ ಖ್ಹಣೇದ್‍ನು ಕಾಮ್ನ ಅಜು಼ ಅದ್ಭುತ್‌ಕಾಮ್ನ ದೇಖ್ಯುನಾತೊ ನಂಬಾಸಸ್ ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 6:30

ಇವ್ಣೆ ಇನ, “ಇಮ್‍ಕತೊ, ತೂ ದೇವ್‍ಥಿ ಆಯೊಹುಯೊ ಕರಿ ಹಮೆ ದೇಖಿನ್‌, ತುನ ವಿಶ್ವಾಸ್‌ ಕರಾನಿಘೋಣಿ ಕೆಹು ಖ್ಹಣೇದ್ ಕರಿ ವತಾಳಸ್‌?” ಕರಿ ಪುಛಾ಼ಯು.

ಯೋಹಾನ 7:48

ಯೆಹುದ್ಯರ್‌ನ ಅದಿಕಾರಿರ‍್ಹವೊ, ಫರಿಸಾಯರ್‌ಮ ರ‍್ಹವೊ ಕೋಣ್‌ತೋಬಿ ಇನಾಪರ್ ವಿಶ್ವಾಸ್‌ ಕರಿರಾಖ್ಯುಸ್ಕಿ ಶು?

ಯೋಹಾನ 8:6

ಯೇಸುನಿ ವಾತೇಮ ಶಾತ್‌ತೋಬಿ ಗಲತ್‌ ಮಳ್ಯುತೊ, ಅಪ್ಣೆ ಇನ ಖ್ಹಪ್‌ಡಾಯೆಜಾ಼ಯಿ ಕರಿ ಇವ್ಣೆ ಯೇಸುನ ಸವಾಲ್‌ಕರ‍್ಯು? ಕತೋಬಿ ಯೇಸು ಮುಡ್‌ಕ್ಯು ಝು಼ಕೈನ್‌, ಇನಿ ಅಂಗ್‌ಳೀಥಿ ಜ಼ಮೀನ್‌ಪರ್ ಲೀಖಾಲಗ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:9

ತದೆ ಪೇತ್ರ ಇನ-ತುಮೆ ಭೇಜ಼ಣ ಮಳಿನ್ ಪ್ರಭುನ ಆತ್ಮಾನ ಶನ ತರೀಪ್ಷಕರ‍್ಯಾ”? ಹಂದೇಕ್, ತಾರ ಬಾವ್ರಿನ ಗಾಡ್ಯಹುಯ, ಬಾಕಲ್‍ಕನ ಆಯಿನ್ ಭೀಯ. ತುನಾಬಿ ಇವ್ಣೆಸ್ ಢೊಯಿಲೀನ್ ಜಾ಼ಶೆ ಕರಿ ಬೋಲ್ಯೊ.

1 ಕೊರಿಂಥ 10:9

ಇವ್ಣಾಮ ಥೋಡುಜ಼ಣು ಪ್ರಭುನ ತರೀಪ್ಷ ಕರೀನ್ ಖ್ಹಾಪ್‍ಥಿ ಮರ‍್ಯುತೆ ತಿಮ್, ಅಪ್ಣೇಬಿ ಇವ್ಣಿನಿತರ ತರೀಪ್ಷ ನಾ ಕರ‍್ನು.