ಮಾರ್ಕ 7:5 - ದೇವ್ನಿ ಖ್ಹಾಚಿ ವಚನ್

⁵ ಇನಾಖ್ಹಾಜೆ ಫರಿಸಾಯರ್ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೇನೆ ಯೇಸುನ, “ತಾರು ಶಿಷ್ಯರ್‌ ಶಾಣವ್‌ನೆ ಶಿಕಾಡ್ತು ಆಯುತೆ ಆದತ್‌ನ ಇಮ್‌ ಶನ ಕೋ ಕರಾನಿ? ಚಾ಼ಲ್ತು ಆಯೂತೆ ಇಮ್‌ ಹಾತ್‌ ಧೊವಾಕೊಂತೆ ಶುದ್ದಕೊಂತೆ ಹಾತೇಖ್ಹು ಶನ ಖಾಣು ಖಾಸ್‌?” ಕರಿ ಫುಛಾ಼ಯು.

ಮಾರ್ಕ 7:5 ပူးပေါင်းရင်းမြစ်များ

ಮತ್ತಾಯ 15:2

“ತಾರು ಶಿಷ್ಯರ್‌ ಅಪ್ಣ ಶಾಣವ್‌ಥಿ ಆಯೂತೆ ಆದತ್‌ನ ಶನ ಪಾಡಿನ್ ಚಾ಼ಲಕೊಯ್ನಿ? ಇವ್ಣೆ ಹಾತ್‌ ಧೊವಾಕೊಂತೆ ಖಾಣು ಖಾಸ್ನಿ” ಕರಿ ಪುಛಾ಼ಯು.

ಮಾರ್ಕ 7:13

ಅಮ್ ತುಮೆ ಏಕ್‌ಥಿ-ಏಕ್‌ ಬೋಲಿದೇತಾಹುಯಿನ್ ದೇವ್ನಿ ಪದತ್ತಿನ ಮರ್ಯಾದಿಕೊಂತೆ ಇಮ್‌ ಕರೋಸ್. ಅತ್ರೇಸ್ ಕಾಹೆತೆ ಅಮ್ನು ಖ್ಹಾರು ಬಿಜೂ಼ಬಿ ಕೈಯೆಕ್ಕಿ ಕರೋಸ್” ಕರಿ ಬೋಲ್ಯೊ.

ಮಾರ್ಕ 7:8

“ತುಮೆ ದೇವ್ನಿ ಹುಕುಮ್‌ನ ಮ್ಹೇಲಿದಿನ್ ಅದ್ಮಿನೆ ಶಿಕಾಡ್ಯುತೆ ಇನ ಧರಿರಾಖ್ಯಾಸ್‌” ಕರಿ ಬೋಲ್ಯೊ.

ಮಾರ್ಕ 7:9

ಯೇಸುನೆ ಬಿಜೂ಼ಬಿ ಇವ್ಣುನ, “ತುಮೆ ಕೆತ್ರೆ ಅಕ್ಲಿ ದೇಖೊ! ತುಮೆ ತುಮಾರಿ ಪದತ್ತಿನ ಪಾಡಿಚಾ಼ಲ್ನು ಕರಿ ದೇವ್ನೆ ದಿದೋತೆ ಹುಕುಮ್‌ನ ಕಾಡಿನಾಖಿದೆವೊಸ್‌ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:21

ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೀಚ್ಮ ರ‍್ಹವಾಳು ಖ್ಹಾರೂಸ್ ಯೆಹೂದ್ಯರ್‌ನ, “ತುಮೆ ತುಮಾರ ಲಡ್ಕಖ್ಹಾರನ ಖ್ಹತ್ನ ನಾಕರಾವ್ಣು ಇವ್ಣು ಪದತ್ತಿನಿಘೋಣಿ ನಾಚಾ಼ಲಿಲೇವ್ಣು ಕರಿ ಮೋಶೆ ಧರ್ಮಶಾಸ್ತ್ರನಿ ಘೋಣಿ ನಾಚಾ಼ಲ್ನುಕರಿ ಬೋಲಾನು ಶಿಕಾಡುಕರಸ್ ಕರಿ ತಾರಿ ಬಾರೇಮ ಬೋಲುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:24

ತೂ ಇವ್ಣುನ ಬುಲೈಲಿ ಜೈ಼ನ್ ಇವ್ಣಿಜೋ಼ಡ್ಮ ತುನಾಬಿ ಶುದ್ದಿಕರಿಲೀನ್, ಇವ್ಣಿ ಇವ್ಣಿ ಮುಡಪ್‍ ಖ್ಹತಮ್ ‍ಕರಾನಖ್ಹಾಜೇಥಿ ತೂ ಪೈಶಾ ಖರ್ಚಿಕರ್, ಅಮ್ ಕರ‍್ಯೊತೊ ಖ್ಹಾರುಜ಼ಣುಬಿ ತಾರಿಬಾರೇಮ ಇವ್ಣೆ ಖ್ಹಮ್‍ಜ್ಯುತೆ ಖಬರ್ ಖ್ಹಾಚು಼ ಕಾಹೆಕರೀಬಿ, ತೂಬಿ ಮೋಶೇನು ಧರ್ಮಶಾಸ್ತ್ರ ಪಾಡಿನ್ ಚಾ಼ಲವಾಳೊಕರಿ ಮಾಲುಮ್ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:12

ಎತ್ರೇಸ್ ಕಾಹೆ ಖ್ಹತ್ನ ಹುಯಿರ‍್ಹವಾಳನಾಬಿ ಯೊ ಬಾ ಹುಯಿರೊಸ್, ಇವ್ಣುನಖಲಿ ಖ್ಹತ್ನ ಹುಯಿರ‍್ಹಿತೆ ಇನಖ್ಹಾಜೆ ಕಾಹೆ ಕತೋಬಿ ಅಪ್ಣೊ ಗುರುಗುರಬ್‌ಲ್ಯೊ ಹುಯಿರ‍್ಹೋತೆ ಅಬ್ರಹಾಮ್‌ನ ಖ್ಹತ್ನಹುವಾನ ಪಹಿಲೆ ಥೂತೆ ವಿಶ್ವಾಸ್‌ನ ಮಾರಗ್‌ಪರ್ ಇವ್ಣೇಬಿ ಚಾ಼ಲಸ್ ಇನಖ್ಹಾಜೆ ಇವ್ಣುನ ಯೊ ಬಾ ಹುಯಿರೊಸ್.

ಗಲಾತ್ಯ 1:14

ಆನಾಹುಯಿನ್ ಮಾರ ಗುರುಗುರಬ್‌ಲ್ಯನಿ ಪದತ್ತಿಮ ಖ್ಹಾರೇಥಿಬಿ ಮೇಸ್ ಜಾ಼ಖ್ಹತ್ ದಿಲ್‌ಲಗಾಡವಾಳೊ ಹುಯಿರ‍್ಹೋಥೊ. ಅಜು಼ ಮಾರಿ ಜೋ಼ಡ್ನ ಯೆಹೂದ್ಯರ್ ಉಂಬರ್‌ವಾಳಾಥಿಬಿ ಮೇಸ್ ಖ್ಹಾಮ್ಣೆ ರ‍್ಹೇತೊಥೊ.

2 ಥೆಸ 3:11

ಕತೋಬಿ ತುಮಾರಾಮ ಥೋಡುಜ಼ಣು ಖೆವು ಕಾಮ್‌ಬಿ ಕರುಕರಾಕೊಂತೆ, ಬಿಜಾ಼ನ ಕಾಮ್ಮ ಗೋಡೊ ಘಾಲ್ತುಹುಯಿನ್, ವಳ್‌ಶಿನು ಜಿವ್ಣು ಜಿವ್‌ಕರಾಸ್ ಕರಿ ಹಮೂನ ಖಬರ್‌ಪಡ್ಯು.

2 ಥೆಸ 3:6

ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ‍್ಹೇಣು. ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನ ನಾಮ್‌ಪರ್‌ ತುಮೂನ ಹುಕುಮ್ ದಿಯೇಸ್.