ಮಾರ್ಕ 7:31 - ದೇವ್ನಿ ಖ್ಹಾಚಿ ವಚನ್

³¹ ಬಾದ್‌ಮ ಯೇಸು ಯೋ ತೂರ್‌ನ ಖನ್ನೇನು ತಬರ್‌ಖಾನ ಮ್ಹೇಲಿನ್ ಸೀದೋನ್‌ನ ವಾಟೆಕರಿ ದೆಕಪೊಲಿ ತಬರ್‌ಖಾಮಾಕರಿ ಹುಯಿನ್ ಗಲಿಲಾಯ ದರ‍್ಯಾವ್‌ಕನ ಆಯೊ.

ಮಾರ್ಕ 7:31 ပူးပေါင်းရင်းမြစ်များ

ಮತ್ತಾಯ 11:21

“ಅಯ್ಯೋ ಖೊರಾಜಿನ್‌ ಖ್ಹಯೇರ್, ತುಮಾರಿ ಹಾಲ್ನ ಶಾತ್‌ ಬೋಲು ಬೆತ್ಸಾಯಿದ, ತುಮಾರಿ ಹಾಲ್ನಬಿ ಶಾತ್‌ ಬೋಲು! ತುಮಾರಾಮ ಚಾ಼ಲ್ಯುತೆ ಮಹಾನ್ ಕಾಮ್‌ಖ್ಹಾರು ತೂರ್ ಅಜು಼ ಸೀದೋನ್ ಖ್ಹಯೇರ್‌ಮ ಚಾ಼ಲ್ಯುಹೋತ್ತೊ, ಹಿಜ಼್ಜಾವಾಳು ಕದೇಸ್‌ಕಿ ಛೈ಼ನೊಕೋಥ್‌ಳೊ ಲಪೇಟಿಲೀನ್, ರಾಕ್‌ಮ ಬೇಶಿನ್, ಇವ್ಣು ಪಾಪ್ನ ಮ್ಹೇಲಿನ್, ಫರಿಗಯುಹೋತ್‌!

ಮತ್ತಾಯ 4:18

ಯೇಸು ಗಲಿಲಾಯ ದರ‍್ಯಾವ್ನ ಕನಾರೆಕರಿ ವಳ್ಯೊಜಾ಼ತೊಥೊ. ತದೆ, ಬೇ ಭೈಯೇ ಜಾ಼ಳು ನಾಖುಕರ್ತಥಾತೆ ದೇಖ್ಯೊ. ಇವ್ಣೆ ಕೋಣ್‌ಕತೊ, ಪೇತ್ರ ಕರಿ ಬೋಲೈಲಿದೋತೆ ಸೀಮೋನ, ಅಜು಼ ಇನೊ ಭೈ ಅಂದ್ರೆಯನ ದೇಖ್ಯೊ. ಅವ್ಣೆ, ಮಾಛ಼್ಲ ಖ್ಹಾವಾಳ ಹುಯಿರ‍್ಹಾಥ.

ಮತ್ತಾಯ 4:25

ಗಲಿಲಾಯ, ದೆಕಪೊಲಿ, ಯೆರೂಸಲೇಮ್‌, ಯೂದಾಯ ತಬರ್‌ಖಾಥು, ಅಜು಼ ಯೊರ್ದನ್‌ ನದ್ದಿನು ಪಾರ್ಲಿ ಬಾಜು಼ಥು, ಆದ್ಮಿಖ್ಹಾರು ಝೂ಼ಂಡೆ-ಝೂ಼ಂಡೆ ಹುಯಿನ್, ಯೇಸುನ ಪೀಠೆ ಗಯು.

ಮಾರ್ಕ 5:20

ಇಮ್ಮಸ್ ಯೋ ಅದ್ಮಿ ಹಿಜ್ಜಾ಼ಥು ನಿಕ್ಳಿನ್ ದೆಕಪೊಲಿ ಕರಿ ತಬರ್‌ಖಾಮ ಜೈ಼ನ್, ಯೇಸುನೆ ಇನ ಕರ‍್ಯೋತೊ ಖ್ಹಾರಿ ಮದತ್‍ನ ಬೋಲಾನ ಶುರುಕರ‍್ಯು. ಅನ ಖ್ಹಮ್‌ಜಾ಼ವಾಳು ಖ್ಹಾರು ಆಶ್ಚರ್ಯಖಾದು.

ಮಾರ್ಕ 7:24

ಹಿಜ್ಜಾ಼ಥೊ ಯೇಸು ನಿಕ್ಳಿನ್ ತೂರ್ ಕರಿ ಬೋಲಾನು ಖ್ಹಯೇರ‍್ನ ಖನ್ನೇನು ತಬರ್‌ಖಾನ ಗಯೊ. ಹಿಜ್ಜಾ಼ ಏಕ್‌ ಘರ್‌ಮ ಥೊ, ಯೋ ಹಿಜ್ಜಾ಼ ಛಾ಼ ಕರಿ ಕಿನಾಬಿ ನಾ ಮಾಲುಮ್‌ಪಡ್ಣು ಕರಿ ಥೊ, ಕತೋಬಿ ಯೋ ಮಾಲುಮ್‌ ಪಡಾಕೊಂತೆ ರ‍್ಹವಾನ ಕೋ ಹುಯುನಿ. ‌

ಮಾರ್ಕ 7:30

ಯೋ ಇನ ಘರೆ ಜೈ಼ನ್‌ ದೇಖಾತೊ ಇನಿ ಛೋ಼ರಿ ಬಿಛಾ಼ವ್ಣಿಪರ್ ಅರಾಮ್‌ಥಿ ಖ್ಹುತೀಥಿ; ಇನ ಧರಿರಾಖ್ಯುಥೂತೆ ಭೂತ್‌ ನಿಕ್ಳಿ ಗಯುಥು.