ಮಾರ್ಕ 7:3 - ದೇವ್ನಿ ಖ್ಹಾಚಿ ವಚನ್

^3-4 ಫರಿಸಾಯರ್ ಅಜು಼ ಯೆಹೂದ್ಯರ್‌ನ ಖ್ಹಾರುಜ಼ಣು, ಇವ್ಣ ಶಾಣವ್‌ಥಿ ಶಿಕ್ತು ಆಯುತೆ ಇಮ್‌, ಇವ್ಣೊ ಹಾತ್‌ ಬರೋಬರ್‌ನಿ ತರೀಕಾಥಿ ಧೊವಾಕೊಂತೆ ಖಾಣು ಕೋಖಾಯ್ನಿ. ಅಜು಼ ಬಜಾ಼ರೆ ಜೈ಼ನ್ ಆಯೂತೆ ಪಾಣಿ ಛಿಡ್ಕಿಲೇಯ್‌ ಕೊಂತೆ ಖಾಯಿಕೊಯ್ನಿ. ಅತ್ರೇಸ್ ಕಾಹೆತೆ ಇವ್ಣಾಮ ಗಿಳಾಖ್ಹ್, ಕಂಚ಼್‌ನೊತಾಂಬ್ಯೊ, ಹಂಡ್‌ಕು ಖ್ಹಾರು ಮಾಂಜಿನ್ ಧೊವಾನು ಅಜು಼ ಬಿಛಾ಼ವ್ಣಿನ ಧೊವಾನು, ಅಮ್ನು ಖ್ಹಾರು ಶಾಣಾವ್‌ಥಿ ಚಾ಼ಲ್ತು ಆಯುತೆ ಇನ ಬರೋಬರ್‌ಥಿ ಕರ್ತುಥು.

ಮಾರ್ಕ 7:3 ပူးပေါင်းရင်းမြစ်များ

ಮಾರ್ಕ 7:13

ಅಮ್ ತುಮೆ ಏಕ್‌ಥಿ-ಏಕ್‌ ಬೋಲಿದೇತಾಹುಯಿನ್ ದೇವ್ನಿ ಪದತ್ತಿನ ಮರ್ಯಾದಿಕೊಂತೆ ಇಮ್‌ ಕರೋಸ್. ಅತ್ರೇಸ್ ಕಾಹೆತೆ ಅಮ್ನು ಖ್ಹಾರು ಬಿಜೂ಼ಬಿ ಕೈಯೆಕ್ಕಿ ಕರೋಸ್” ಕರಿ ಬೋಲ್ಯೊ.

ಮಾರ್ಕ 7:5

ಇನಾಖ್ಹಾಜೆ ಫರಿಸಾಯರ್ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೇನೆ ಯೇಸುನ, “ತಾರು ಶಿಷ್ಯರ್‌ ಶಾಣವ್‌ನೆ ಶಿಕಾಡ್ತು ಆಯುತೆ ಆದತ್‌ನ ಇಮ್‌ ಶನ ಕೋ ಕರಾನಿ? ಚಾ಼ಲ್ತು ಆಯೂತೆ ಇಮ್‌ ಹಾತ್‌ ಧೊವಾಕೊಂತೆ ಶುದ್ದಕೊಂತೆ ಹಾತೇಖ್ಹು ಶನ ಖಾಣು ಖಾಸ್‌?” ಕರಿ ಫುಛಾ಼ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:38

ಯೇಸುನೆ ಹಾತ್‌ ಧೋಯೊಕೊಂತೆ ಖಾಣನ ಬೆಠೂತೆ ಯೋ ಫರಿಸಾಯವಾಳನೆ ದೇಖಿನ್, ಆಶ್ಚರ್ಯಹುಯು.

ಯೋಹಾನ 2:6

ಬಂಡಾಥಿ ಬಣೈಹುಯು ಛೊ಼ ಟೊಟ್ಟಿ ಮ್ಹೇಲಿರಾಖ್ಯುಥು, ಯೆಹೂದ್ಯರ್‌ನಿ ಪದತ್ತಿಮ ಶುದ್ದಿ ಕರಾನಟೇಕೆ, ಅನ ರಾಕ್‍ತುಥು. ಹರೇಕ್ ಟೊಟ್ಟಿಬಿ ಖ್ಹುಮಾರ್ ಚಾರಿಖ್ಹ್ ಥಿ ಏಕ್‌ ಖ್ಹೋ ವೀಖ್ಹ್‌ ಲೀಟರ್ ಪಾಣಿಭರಾವ ಎವ್ಡು ಮೋಟು ಥೂ.

ಗಲಾತ್ಯ 1:14

ಆನಾಹುಯಿನ್ ಮಾರ ಗುರುಗುರಬ್‌ಲ್ಯನಿ ಪದತ್ತಿಮ ಖ್ಹಾರೇಥಿಬಿ ಮೇಸ್ ಜಾ಼ಖ್ಹತ್ ದಿಲ್‌ಲಗಾಡವಾಳೊ ಹುಯಿರ‍್ಹೋಥೊ. ಅಜು಼ ಮಾರಿ ಜೋ಼ಡ್ನ ಯೆಹೂದ್ಯರ್ ಉಂಬರ್‌ವಾಳಾಥಿಬಿ ಮೇಸ್ ಖ್ಹಾಮ್ಣೆ ರ‍್ಹೇತೊಥೊ.

ಕೊಲೊಸ್ಸೆ 2:8

ಗಲ್ತಿನು ಅಜು಼ ಫಾಯಿದೊಕೊಂತೆ ಬೋಧನೆತು ಕೋಣ್‌ಬಿ ತುಮೂನ ಕಬ್‌ಜಾ಼ಮ ನಾಕರಿಲೇವ್ಣುತೆ ಹೊಷಾರ್‌ಥಿ ರ‍್ಹವೊ. ಆ ಅಖ್ಖು ಅದ್ಮಿವೋನ ಪದತ್ತಿನ ಅಜು಼ ಲೋಕ್‌ನಹೋಣುತೆ ಬೋಧನೆಮಾಸ್ ಛಾ಼ ಪಣ್ಕಿ ಕ್ರಿಸ್ತಾನಕಾಹೆ.

1 ಪೇತ್ರ 1:18

ತುಮಾರ ಗುರುಗುರಬ್‍ಲ್ಯಥಿ ಆಯೂತೆ ಕಾಮ್‌ಕೊಂತೆ ರೀತಿರಿವಾಜ್‍ಮ ಚಾ಼ಲ್‌ಚ಼ಲಣ್‌ಥಿ ತುಮುನ ಛುಟ್ಕಾರ್‌ ಕರ‍್ಯುತೆ, ರೂಪು, ಖ್ಹೊನ್ನನಿತರಾನು ಮಟಿಜಾ಼ವಾನು ರಾಛ಼ವ್‌ಥಿಕಾಹೆ.