ಮಾರ್ಕ 6:8 - ದೇವ್ನಿ ಖ್ಹಾಚಿ ವಚನ್

⁸ ಯೇಸುನೆ ಇವ್ಣುನ, “ಲಠ್ಠೊ ಮ್ಹೆಂದಿನ್ ಶಾತ್ಬಿ ನಕೊ ಲೀಜಾ಼ವೊ, ರೋಟೊ ರ‍್ಹವೊ, ಝೋ಼ಳಿ ರ‍್ಹವೊ, ಚ಼ಂಚಿಮ ಪೈಶಾ ರ‍್ಹವೊ ನಕೊ ಲೀಜಾ಼ವೊ.

ಮಾರ್ಕ 6:8 ပူးပေါင်းရင်းမြစ်များ

ಮಾರ್ಕ 6:9

ಚಪ್ಲೆ ಘಾಲಿಲೆವೊ, ಅಜು಼ ಪೇರ‍್ಹಿರಾಖ್ಯಸ್ತೆ ಕುಡ್‌ತೂಸ್‌ ಬಶ್‌, ಬಿಜೇಕ್ ಕುಡ್‌ತು ನಕೊ ಲೀಜಾ಼ವೊ” ಕರಿ ಹುಕುಮ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:4

ದೇಖೊ, ಪೈಶಾನಿ ಚ಼ಂಚಿ ರ‍್ಹವೊ, ಮಾಂಗಾನಿ ಝೋ಼ಳಿ ರ‍್ಹವೊ, ಖೋಖ್ಹ್‌ಡಾ ರ‍್ಹವೊ ನಕೊ ಲೀಜಾ಼ವೊ. ಜಾ಼ವಾನಿ ವಖ್ಹತ್‌ಮ, ವಾಟ್‌ಪರ್ ಕಿನಾಬಿ ಖ್ಹಲಾಮ್ ಕರಿ ಬೋಲಿನ್, ವಖ್ಹತ್ ಬರ್ಬಾತ್ ನಕೊ ಕರ್ಶು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:35

ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಮೇ ತುಮೂನ ಚ಼ಂಚಿ, ಬಟ್‌ವೊ ನತರ್‌ಕಿ ಖೋಖ್ಹ್‌ಡಾ ಕೊಯ್ನಿತೆ ಮೋಕ್‌ಲ್ಯೊಥೋತೆ ತದೆ, ತುಮೂನ ಶಾತ್‌ತೋಬಿ ಕಮ್ ಹುಯುಕಿ ಶು? ಕರಿ ಪುಛಾ಼ವಖ್ಹತರ್, ಇವ್ಣೆ, “ಶಾತ್ಬಿ ಕೊಯ್ನಿ” ಕರಿ ಜವಾಬ್‌ ದಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:3

ಮೋಕ್ಲಾನಿ ವಖ್ಹತ್‌ಮ ಇವ್ಣುನ, “ಜಾ಼ವಾನಿ ವಖ್ಹತ್‌ಮ ತುಮೆ ಶಾತ್ಬಿ ನಕೊ ಲೀಜಾ಼ವೊ: ಲಠ್ಠೊ ರ‍್ಹವೊ, ಝೋ಼ಳಿ ರ‍್ಹವೊ, ಖಾಣಾನು ಬುತ್ತು ಅಜು಼ ಪೈಶಾ ರ‍್ಹವೊ ನಕೊ; ಬಿಜೇಕ್ ಕುಡ್‌ತು ಜಿನ್‌ಕುಬಿ ನಕೊ.