ಮಾರ್ಕ 6:6 - ದೇವ್ನಿ ಖ್ಹಾಚಿ ವಚನ್

⁶ ಹಿಜ಼್ಜಾನ ಅದ್ಮಿಮ ವಿಶ್ವಾಸ್‌ಕೊಂತೆ ದೇಖಿನ್‌, ಯೇಸುನೆ ಘಣು ಆಶ್ಚರ್ಯಖಾದೊ. ಬಾದ್‌ಮ ಯೇಸು ಅಶ್‌ಪೀಶ್‌ನ ಗಾಮೆ ಜೈ಼ನ್, ದೇವ್ನಿ ವಚನ್ ಬೋಲಿದೆವಾನಿಕ್‍ಳ್ಯೊ.

ಮಾರ್ಕ 6:6 ပူးပေါင်းရင်းမြစ်များ

ಮತ್ತಾಯ 4:23

ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮತ್ತಾಯ 8:10

ಯೇಸುನೆ ಅನಖ್ಹಮ್‌ಜಿನ್, ಆಶ್ಚರ್ಯಖೈನ್, ಇನ ಪೀಠೆ ವಳ್ಯಾವ್‌ತುಥೂತೆ ಇವ್ಣುನ, “ಮೇ ಅವ್ಡಿ ಮೋಟಿ ವಿಶ್ವಾಸ್‌ನ ಇಸ್ರಾಯೇಲ್‌ ಅದ್ಮಿಮಾಬಿ ಕೋ ದೇಖ್ಯೋನಿ ಕರಿ ತುಮೂನ ಖ್ಹಾಚಮಾಬಿ ಬೋಲುಸ್.

ಮತ್ತಾಯ 9:35

ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮ ಕರಿ ಫರ್ತೊಹುಯಿನ್, ಇವ್ಣಿ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಖ್ಹಾರಿಸ್ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮಾರ್ಕ 1:39

ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಖ್ಹಾರಿ ಬಾಜು಼ಮ ಜೈ಼ನ್, ಸಬೆ ಭರಾವಾನು ಮಂದಿರ್‌ಮ ದೇವ್ನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಭೂತ್‌ಖ್ಹಾರು ಕಾಡುಕರ್ತೊಥೊ.

ಮಾರ್ಕ 10:1

ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಯೂದಾಯ ತಬರ್‌ಖಾನ ಗಯೊ, ಅಜು಼ ಯೊರ್ದನ್‌ ನದ್ದಿನು ಬಿಜೇಕ್‌ ಆಡಿನು ತಬರ್‌ಖಭಣಿ ಆಯೊ. ಹಿಜ್ಜಾ಼ ಅದ್ಮಿನಿ ಝೂ಼ಂಡೆ ಇನಾಕನ ಐನ್ ಭರಾವಖ್ಹತರ್, ಯೋ ಕದೇಬಿ ಕರ್ತೊಥೋತೆ ಇಮ್ಮಸ್ ವಚನ್ ಬೋಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:22

ಯೇಸು ಹರೇಕ್ ಖ್ಹಯೇರ್‌ಮ ಅಜು಼ ಗಾಮ್ಮ ವಚನ್ ಬೋಲಿದೇತೊಹುಯಿನ್‌, ಯೆರೂಸಲೇಮ್‌ ಭಣಿ ವಳ್ಯೊಜಾ಼ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:31

ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಕಪೆರ್ನೌಮ್ ಕರಿ ಗಾಮ್‌ನ ಗಯೊ. ಹಿಜ್ಜಾ಼ ಸಬ್ಬತ್‌ ದನ್ನೆ ಇವ್ಣುನ ವಚನ್‍ ಬೋಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:44

ಅನ ಬಾದ್‌ಮ ಯೇಸುನೆ ಯೂದಾಯ ದೇಖ್ಹ್‌ನು ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್ ನಿಕ್‌ಳ್ಯೊ.

ಯೋಹಾನ 9:30

ತದೆ ಯೋ ಅದ್ಮಿನೆ, “ಇನೆ ಮನ ಡೋಳಾ ದಿದೊತೋಬಿ, ಯೋ ಕಿಜ್ಗಾ಼ನೊ ಕರಿ ತುಮೂನ ಬಿಜೂ಼ಬಿ ಮಾಲುಮ್‌ಕೊಂತೆ ಆಶ್ಚರ್ಯ ಕಾಹೆಕಿ ಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.