ಮಾರ್ಕ 6:32 - ದೇವ್ನಿ ಖ್ಹಾಚಿ ವಚನ್

³² ಇನಾಖ್ಹಾಜೆ ಇವ್ಣೆ ಡೋಣ್‌ಮ ಬೇಶಿನ್ ಉಜ್ಜಾ಼ಡಿ ಝ಼ಗೋಪರ್‌ ಗಯ.

ಮಾರ್ಕ 6:32 ပူးပေါင်းရင်းမြစ်များ

ಮಾರ್ಕ 3:9

ಅದ್ಮಿನಿ ಝೂ಼ಂಡ್‌ ಜಾ಼ಖ್ಹತ್ ಥೀತೆ ಇನಾಖ್ಹಾಜೆ ಯೇಸುನೆ, ಅದ್ಮಿಖ್ಹಾರು ಇನಾಪರ್‌ ಪಡೀನ್ ಧಕೇಲ್‌ಶೆ ಕರಿ ಇನ ಶಿಷ್ಯರ್‌ನ, “ಮಾರಖ್ಹಾಜೆ ಏಕ್‌ ಡೋಣ್ಣಾ ಖ್ಹವಾರಿ ಮಿಛಾ಼ಣೊ” ಕರಿ ಬೋಲ್ಯೊ.

ಮಾರ್ಕ 4:36

ತದೆ ಶಿಷ್ಯರ್‌ಖ್ಹಾರು ಯೋ ಅದ್ಮಿನಿ ಭೀಡ್‌ಣ ಮ್ಹೆಂದಿನ್, ಯೇಸು ಬೆಠೋಥೋತೆ ಯೋಸ್ ಡೋಣ್‌ಪರ್‌ ಚ಼ಢಿನ್‌ ಇಮ್ಮಸ್ ಇನ ಬುಲೈಲಿನ್ ಗಯ. ಇವ್ಣ ಜೋ಼ಡ್ಮ ಬಿಜಿ ಖ್ಹಾರಿ ಡೋಣ್‌ಬಿ ಥಿ.

ಮಾರ್ಕ 6:33

ಇವ್ಣೆ ವಳ್ಯುಜಾ಼ತುಥೂತೆ ಘಣ ಅದ್ಮಿನೆ ದೇಖಿನ್‌, ಯೇಸುಬಿ ಇನು ಶಿಷ್ಯರ್‌ ಕರಿ ಖ್ಹಣೇದ್ ಧರ‍್ಯು. ತದೆ ಖ್ಹಾರ ಗಾಮ್‌ಥು ಅದ್ಮಿಖ್ಹಾರು ವಾಟ್‌ಧರಿ ನಾಖ್ಹ್‌ತುಹುಯಿನ್, ಇವ್ಣೆಥಿಬಿ ಅಗಾಡಿ ಯೋ ಝ಼ಗೋಪರ್‌ ಆಯು.

ಮಾರ್ಕ 6:45

ಅನ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ, “ಮೇ ಆ ಅದ್ಮಿನಿ ಝೂ಼ಂಡ್‌ನ ಘರೆ ಬೋಲಿಮೋಕ್ಲಾನ ಮಹಿ, ತುಮೆ ಡೋಣ್‌ ಚ಼ಢೀನ್‌ ಮಾರೇಥಿ ಅಗಾಡಿ ಪಾರ್ಲಿ ಬಾಜು಼ಮ ಛಾ಼ತೆ ಬೆತ್ಸಾಯಿದ ಖ್ಹಯೇರ‍್ನ ಜಾ಼ವೊ” ಕರಿ ಜು಼ಲುಮ್‌ ಕರ‍್ಯೊ.

ಮಾರ್ಕ 6:51

ಬಾದ್‌ಮ ಯೇಸು ಡೋಣ್‌ ಚ಼ಢೀನ್‌ ಇವ್ಣಾಕನ ಆಯೊ, ತದೆ ವಹಿರೊ ವಾಗಾನು ಭೀರಿಗಯು. ತದೆ ಶಿಷ್ಯರ್‌ ಖ್ಹಾರು ಘಣು ಆಶ್ಚರ್ಯಖಾದು.

ಯೋಹಾನ 6:1

ಅನ ಬಾದ್‌ಮ ಯೇಸು ಗಲಿಲಾಯ ದರ‍್ಯಾವ್ನು ಪಾರ್ಲಿ ಬಾಜೂ಼ಮ ಚ಼ಲೆಗಯೊ ಇನ ತಿಬೇರಿಯಾನು ದರ‍್ಯಾವ್ ಕರೀಬಿ ಬೋಲಾಸ್.