ಮಾರ್ಕ 6:20 - ದೇವ್ನಿ ಖ್ಹಾಚಿ ವಚನ್

²⁰ ಹೆರೋದನ ಯೋಹಾನಕತೊ ಡರ್‌ ಥೊ ಶನಕತೊ, ಯೋಹಾನ ನೀತಿವಾಳೊಕರೀಬಿ ಅಜು಼ ಪವಿತ್ರ್‌ ಅದ್ಮಿಕರಿ ಇನ ಮಾಲುಮ್‌ ಥು, ಇನಾಖ್ಹಾಜೆ ಇನ ಜ಼ತನ್‌ಥಿ ರಾಖಿರಾಖ್ಯೋಥೊ. ಅಜು಼ ಯೋಹಾನ ಬೋಲಾತೆ ವಾತ್ನ ಖ್ಹಮ್‌ಜೊತೊ, ಇನ ದಿಲ್ಮ ಕಲಾವ್ಣಿ ಹುಯುತೋಬಿ, ಇನಿ ವಾತೆನ ಖ್ಹುಶಿಥಿ ಖ್ಹಮಜ಼್‌ತೋಥೊ.

ಮಾರ್ಕ 6:20 ပူးပေါင်းရင်းမြစ်များ

ಮತ್ತಾಯ 14:5

ಹೆರೋದ ಯೋಹಾನ್ನ ಮರೈನಾಕ್ಣು ಕರಿ ಥೊ, ತೋಬಿ ಅದ್ಮಿಖ್ಹಾರು ಯೋಹಾನ ಏಕ್‌ ಪ್ರವಾದಿ ಕರಿ ಮಾನ್‌ತುಥೂತೆ ಇನಖ್ಹಾಜೆ, ಅದ್ಮಿನ ಡರ್‌ಥಿ ಇನ ಮರಾಯೊ ಕೊಯ್ನಿ.

ಮತ್ತಾಯ 21:26

‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ, ಅಪ್ಣುನ ಅದ್ಮಿನೊ ಡರ್‌ ಛಾ಼” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು. ಶನಕತೊ, ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಶಕ್‌ಕೊಂತೆ ಇಮ್‌ ನಂಬಿರಾಖ್ಯುಥು.

ಮಾರ್ಕ 11:18

ಅನ ಖ್ಹಮ್‌ಜಿನ್‌ ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ಼ ಯೇಸುನ ಕೆವ್ಹಿ ಭಾಮ್‌ಥಿ ಮಾರೇಜಾ಼ಯ್‌ ಕರಿ ಸೋಚಾಲಗ್ಯು. ಕತೋಬಿ ಅದ್ಮಿಖ್ಹಾರು ಯೇಸುನಿ ವಾತೆನ ಖ್ಹಮ್‌ಜಿನ್‌ ಘಣು ಅಶ್ಚರ್ಯ ಹುಯುತೆ ಇನಾಖ್ಹಾಜೆ, ಇವ್ಣೆ ಯೇಸುನ ದೇಖಿನ್‌ ಡರಿನ್ ಥು.

ಮಾರ್ಕ 4:16

ಬಿಜು಼ ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮಜ಼್‌ತಾಸ್‌, ಖ್ಹುಶಿಥಿ ಒಗ್ಗಿಸ್‌ಮ ಮಾನಿಜಾ಼ಸ್. ಕತೋಬಿ ಯೋ ವಚನ್ನ ಇವ್ಣ ಮಹಿ ಜ಼ಡ್‌ ಮ್ಹೇಲಿನ್ ಫುಟಾದೇಯಿಕೊಯ್ನಿ. ಇವ್ಣೆ ಥೋಡಾಸ್ ದನ್ ದೇವ್ನಿ ವಚನ್ನ ನಂಬಾಸ್, ಬಾದ್‌ಮ ಯೋ ವಚನ್ನಖ್ಹಾಜೆ ಬಿಜಾ಼ಥಿ ಖ್ಹತಾಪ್ಣಿ ನಾತೊ ವದೇಖ್ಹೊ ಆಯುತೊ, ಜ಼ಲ್ದೀಸ್‍ಮ ಪಡಿಜಾ಼ಸ್‌. ಅವ್ಣೇಸ್ ಪಂಡಾ ಪಡ್ಯಾತೆ ಬಂಡಾಪರ್‌ನಿ ಮಾಟಿ ಹುಯಿರ‍್ಹೂಸ್.

ಯೋಹಾನ 5:35

ಯೋಹಾನ ಬಳುಕರಸ್ತೆ ದೀವನಿಮತ್‌ ಥೊ,ಅಜು಼ ಯೊ ಉಜಾ಼ಳು ದಿದೊ. ಕತೋಬಿ ತುಮೆ ಇನ ಉಜಾ಼ಳಾಮ ಥೋಡ ದನ್ ಖ್ಹುಶಿ ಕರ‍್ಯಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:12

ಅದ್ಮಿಖ್ಹಾರು ಆಶ್ಚರ್ಯ ಹುಯಿನ್, ಕಲಾವ್ಣಿಹುಯಿನ್ ಆ ಶಾತ್ ರ‍್ಹೇವ್ಣು ಕರಿ ಏಕ್‌ಥಿ ಏಕ್‌ ಬೋಲಲಗ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:24

ದೇವ್ನಿಮಂದಿರ್‌ನು ದಳಪತಿಬಿ ಬಿಜು಼ ಮಹಾಯಾಜಕ್ ಖ್ಹಾರು ಆ ವಾತೇನ ಖ್ಹಮ್‌ಜಿನ್‌ ಅನೇಥಿ ಶಾತ್‍ಉಷೇಕಿ ಕರಿ ಇವ್ಣುನ ಆಶ್ಚರ್ಯ ಹುಯು.