ಮಾರ್ಕ 6:2 - ದೇವ್ನಿ ಖ್ಹಾಚಿ ವಚನ್

² ಸಬ್ಬತ್‌ ದನ್ ಆವಾದಿನ್ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್‌, ದೇವ್ನಿ ವಚನ್ ಬೋಲಿ ದೆವಾನಿಕ್‌ಳ್ಯೊ. ಹಿಜ್ಜಾ಼ ಘಣು ಅದ್ಮಿಥು; ಇವ್ಣೆ ಇನಿ ವಾತೆ ಖ್ಹಮ್‌ಜಿನ್‌ ಘಣು ಆಶ್ಚರ್ಯಹುಯಿನ್, “ಆ ಖ್ಹಾರಿ ವಾತೆ ಅನ ಕಿಜ್ಜಾ಼ಥಿ ಮಳಿ? ಅನ ಅಮ್ನಿ ಗ್ಯಾನ್ ಕಿಜ್ಜಾ಼ಥಿ ಮಳಿ? ಅನ ಅದ್ಭುತ್‌ಖ್ಹಾರು ಕರಾನ ಶಕತ್ ಕಿಜ್ಜಾ಼ಥಿ ಆಯಿ?”

ಮಾರ್ಕ 6:2 ပူးပေါင်းရင်းမြစ်များ

ಮತ್ತಾಯ 4:23

ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮತ್ತಾಯ 7:28

ಯೇಸುನೆ ಆ ಖ್ಹಾರಿ ವಾತೇನ ಬೋಲಿನ್ ಖತಮ್ ಕರಾನ ಬಾದ್ಮ, ಇನೆ ಬೋಲಿವತಾಳ್ಯೋತೆ ಇನಿ ಬಾರೇಮ ಅದ್ಮಿಖ್ಹಾರು ಘಣು ಆಶ್ಚರ್ಯಖಾದು.

ಮಾರ್ಕ 1:39

ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಖ್ಹಾರಿ ಬಾಜು಼ಮ ಜೈ಼ನ್, ಸಬೆ ಭರಾವಾನು ಮಂದಿರ್‌ಮ ದೇವ್ನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಭೂತ್‌ಖ್ಹಾರು ಕಾಡುಕರ್ತೊಥೊ.

ಮಾರ್ಕ 10:1

ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಯೂದಾಯ ತಬರ್‌ಖಾನ ಗಯೊ, ಅಜು಼ ಯೊರ್ದನ್‌ ನದ್ದಿನು ಬಿಜೇಕ್‌ ಆಡಿನು ತಬರ್‌ಖಭಣಿ ಆಯೊ. ಹಿಜ್ಜಾ಼ ಅದ್ಮಿನಿ ಝೂ಼ಂಡೆ ಇನಾಕನ ಐನ್ ಭರಾವಖ್ಹತರ್, ಯೋ ಕದೇಬಿ ಕರ್ತೊಥೋತೆ ಇಮ್ಮಸ್ ವಚನ್ ಬೋಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:47

ಯೇಸುನಿ ವಾತೇನ ಖ್ಹಮ್‌ಜಾ಼ವಾಳು ಖ್ಹಾರು, ಯೋ ಸೋಚಿ ಪರ್ಖಿನ್ ಗ್ಯಾನ್‌ಥಿ ಜವಾಬ್‌ ದೇಯಿತೆ ದೇಖಿನ್ ಆಶ್ಚರ್ಯಖಾದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:15

ಯೇಸು ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಅಛ್ಛಿ ಖಬರ್‌ನ ಬೋಲಿದೆವಾಲಗ್ಯೊ, ಖ್ಹಾರುಸ್ ಅದ್ಮಿ ಇನ ಖ್ಹರಾಯು.

ಯೋಹಾನ 6:42

ಅಜು಼, “ಆ ಯೋಸೇಫ್‍ನೊ ಛಿಯ್ಯೊ ಯೇಸು ಕಾಹೆಕಿ ಶು? ಅನ ಆಯಾ-ಬಾ ಅಪ್ಣುನ ಮಾಲುಮ್‌ನಿ? ಹಮ್ಕೆ ಆ, ಪರ್‌ಲೋಕ್‌ಥು ಉತ್ರಿನ್ ಆಯೊ ಕರಿ ಬೋಲಾಸ್ತೆ ಕಿಮ್?” ಕರಿ ಬೋಲ್ಯು.

ಯೋಹಾನ 7:15

ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು, “ಪಢ್ಯೊ-ಲೀಖ್ಯೊಕೊಂತೆ ಅನ, ಅತ್ರುಖ್ಹಾರು ಮಾಲುಮ್‌ಛಾ಼ತೆ ಕಿಮ್?” ಕರಿ ಬೋಲಿನ್ ಆಶ್ಚರ್ಯ ಕರ‍್ಯು.