ಮಾರ್ಕ 6:11 - ದೇವ್ನಿ ಖ್ಹಾಚಿ ವಚನ್

¹¹ ಅಜು಼ ಕೆವ್ಹಾಬಿ ಝ಼ಗೊವಾಳು ತುಮೂನ ನಾ ಬುಲೈಲಿದುತೊ ಅಜು಼ ತುಮಾರಿ ವಾತೆನ ನಾ ಖ್ಹಮ್‌ಜುತೊ, ಯೋ ಝ಼ಗೋಥು ನಿಕ್ಳಿ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗ್ಯುತೆ ಧೂಳ್‌ನ ಝ಼ಟ್‌ಕಿ ದೆವೊ. ಆ ಇವ್ಣುನ ಝೇತಾವನು ಸಾಕ್ಷಿ ಹುಯಿರ‍್ಹಿಶೆ!” ಕರಿ ಬೋಲ್ಯೊ.

ಮಾರ್ಕ 6:11 ပူးပေါင်းရင်းမြစ်များ

ಮತ್ತಾಯ 12:36

ಅತ್ರೇಸ್ ಕಾಹೆತೆ, ಮೇ “ತುಮೂನ ಶಾತ್‌ ಬೋಲುಸ್‌ಕತೊ, ಅದ್ಮಿಖ್ಹಾರು ಫಾಯಿದೊಕೊಂತೆ ಬೋಲಾಸ್ತೆ ಹರೇಕ್ ವಾತೇನಿ ಬಾರೇಮ ನ್ಯಾವ್‍ನಿ ತೀರ್ಪ್‌ನ ದನ್ಮ ಗಣ್ತಿ ದೇವ್ಣುಪಡ್‌ಶೆ.

ಮಾರ್ಕ 6:10

ಎತ್ರೇಸ್ ಕಾಹೆತೆ ಯೇಸುನೆ ಇವ್ಣುನ, “ತುಮೂನ ಖೆವ ಘರ್‌ಮ ಬುಲೈಲೇಸ್ಕಿ, ಯೋ ಝ಼ಗೊ ಮ್ಹೇಲಿನ್‌ ಜಾ಼ವಾಲಗೂಬಿ ಯೋಸ್‌ ಘರ್‌ಮ ರ‍್ಹವಾಕರೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:5

ಅಜು಼ ಖೆವ ಗಾಮ್ಮತೋಬಿ ತುಮೂನ ನಾ ಬುಲೈಲಿದುತೊ, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗಾತೆ ಧೂಳ್‌ನ ಝ಼ಟ್‌ಕಿ ದೆವೊ. ಯೋ ಇವ್ಣುನ ಝೇತಾವನು ಸಾಕ್ಷಿ ಹುಯಿರ‍್ಹಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:6

ಕತೋಬಿ ಯೆಹೂದ್ಯರ್ ಪೌಲನಿ ಬೋಧನೆನ ಝಿಟ್ಕಾರಿನ್ ಅಜು಼ ಚಿಂಘಾವ್ಣಿ ಕರ‍್ಯು. ಇನಖ್ಹಾಜೆ ಪೌಲನೆ ಇನ ಲುಂಗ್ಡಾನ ಧೂಳ್ನ ಝ಼ಟ್‍ಕಿನ್ ಇವ್ಣುನ, ತುಮಾರಿ ನಾಶ್‌ನ ತುಮೇಸ್ ಜಿಮ್ಮೆದಾರಿ, ಮೇ ಶುದ್ದ ಹುಯಿರ‍್ಹೊಸ್. ಮೆ ಹಮ್ಕೇಥೊ ಅಲಕ್‌ ಅದ್ಮಿವೋಕನ ಜ಼ವುಸ್‌” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:16

ಇನಖ್ಹಾಜೆ ಮೇ ಬೋಲುತೆ ಸುವಾರ್ತೆನಿಘೋಣಿ ಯೋ ದನ್ಮ ಅಮ್ಮಸ್ ದೇವ್ ಯೇಸುಕ್ರಿಸ್ತಥಿ ಅಖ್ಖಾಮ ಗಪ್ಲಥ್ಥಿ ರ‍್ಹೇಯ್ತೆ ಸೋಚ್ನ ತೀರ್ಪ್‌ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:5

ಕತೋಬಿ ತಾರೊ ದಿಲ್‌ ಮೊಂಡ್‍ಬಿ ಕಠಣ್ ಹುಯಿರುಸ್. ಇನಖ್ಹಾಜೆ ತುಮೆ ದೇವ್ನೊ ಇರಾದೊ ಅಜು಼ ನೀತಿಥಿರ‍್ಹವಾನು ನ್ಯಾವ್ನುತೀರ್ಪ್‌ನ ದನ್ಮ ತುಮೂನ ಉಷೇತೆ ನಿಶತ್ನ ಅಜೂ಼ಬಿ ಜ಼ಮಕರ್ತೊಹುಯಿನ್ ವಳೇಜಾ಼ಸ್.

2 ಪೇತ್ರ 2:6

ದೇವ್ನೆ ಸೊದೋಮ್ ಅಜು಼ ಗೊಮೋರ್ ಖ್ಹಯೇರ‍್ನ ಬಾಳಿನ್ ರಾಕ್‍ಕರಿನ್ ಅನಪಾರ್ ಭಕ್ತಿಕೊಂತೆ ಬಚಾ಼ವಾಳನ ಆವ್‍ಶೆತೆ ಖರಾಬ್ ಹಾಲತ್ನ ವತಾಳನ ಖ್ಹಾಜೆ ಯೋ ಅಖ್ಖಾ ಖ್ಹಯೇರ‍್ನ ನಿಶತ್‌ ದೀನ್‌ ಸಾಕ್ಷಿಬಣಾಯೊ.

2 ಪೇತ್ರ 2:9

ಪ್ರಭು ಭಕ್ತಿವಾಳಾನ ಮುಶ್ಕಿಲ್‌ಮಾಥು ಬಚಾ಼ಡನಾಬಿ ಅನೀತಿವಾಳಾನ ನಿಶತ್ ದ್ಯವಾನಖ್ಹಾಜೆ ನ್ಯಾವ್ನ ದನ್ ಆವಾಲಗು ರಾಖನಬಿ ಮಾಲುಮ್‌ ಕರಿರಾಖ್ಯೊಸ್.

2 ಪೇತ್ರ 3:7

ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.

1 ಯೋಹಾನ 4:17

ನ್ಯಾವ್‌ತೀರ್ಪ್‌ನ ದನ್ಮ ಅಪ್ಣೆ ಹಿಮ್ಮಥ್ಥಿ ರ‍್ಹವಾನಖ್ಹಾಜೆ ಇನಿ ಪ್ಯಾರ್ ಅಪ್ಣಾಮ ಛಾ಼. ಆ ಜಗತ್‌ಮ ಅಪ್ಣು ಜಿವ್ಣು ಕ್ರಿಸ್ತಯೇಸುನ ಜಿವ್ಣನಿಘೊಣಿ ರ‍್ಹೇಸ್ತೆ ಇನಖ್ಹಾಜೇಸ್ ಆ ಭರೋಖ್ಹೊ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್ತೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:7

ಇಮ್ಮಸ್ ಸೊದೋಮ್ ಅಜು಼ ಗೊಮೋರ್ ಖ್ಹಯೇರ್‌ವಾಳೂಬಿ, ಇನ ಅಶ್‌ಪೀಶ್‌ನ ಖ್ಹಯೇರ್‌ವಾಳೂಬಿ ಯೋ ದೂತರ್‌ನಿಘೊಣಿ ಚಾ಼ಲಿಲಿನ್ ಇವ್ಣುನ ಇವ್ಣೆಸ್ ಪಾಪೇಲ ಕಾಮ್ನ ದೀನಾಖಿದಿನ್, ನಾಕರ‍್ನುತೆ ಕಾಮ್ನ ಪಾಲನ್‍ ಕರ‍್ಯುತೆ ಇನಖ್ಹಾಜೆ ಇವ್ಣೆ ಕೆದೇಬಿ ರ‍್ಹವಾನ ಆಗ್‌ಮ ಖ್ಹತಾಪ್ಣಿ ಲೇತುಹುಯಿನ್‌, ಖರಾಬ್ ಮಾರಗ್‌ಪರ್ ಚಾ಼ಲವಾಳಾನ ಖರಾಬ್‍ಚಾ಼ಲ್ಮ ಉದಾಹರಣೆಕರಿ ಮ್ಹೇಲಿರಾಖ್ಯುಸ್.