ಮಾರ್ಕ 5:27 - ದೇವ್ನಿ ಖ್ಹಾಚಿ ವಚನ್

^27-28 ಯೋ ತಯೇಡ ಯೇಸುನಿ ಬಾರೇಮ ಖ್ಹಮ್‌ಜಿನ್‌, “ಮೇ ಯೇಸುನ ಲುಂಗ್ಡಾನ ಛೀಮೀತೊ ಬಶ್‌, ಮನ ಅಛ್ಛು಼ ಹುಯಿಜಾ಼ಶೆ” ಕರಿ ಸೋಚಿನ್, ಝೂ಼ಂಡ್‌ಮ ಪೀಠೇಥು ಐನ್ ಇನ ಲುಂಗ್ಡಾನ ಛೀಮಿ.

ಮಾರ್ಕ 5:27 ပူးပေါင်းရင်းမြစ်များ

ಮತ್ತಾಯ 14:36

ಇವ್ಣೆ ಯೇಸುನ, “ಆ ರೋಗ್‌ಮ ರ‍್ಹವಾಳಾನ ತಾರು ಲುಂಗ್ಡಾನು ಕೋಣೊತೋಬಿ ಛೀಮಾನ ಮ್ಹೇಲ್‌” ಕರಿ ಗಿಂಗೈಲಿದು. ಅಜು಼ ಇನು ಲುಂಗ್ಡು ಛೀಮ್ಯೂತೆ ಹರೇಕ್ನ ಅಛ್ಛು಼ ಹುಯು.

ಮಾರ್ಕ 5:26

ಯೋ ಕೈಯೆಕ್ಕಿ ವೈದ್ಯಕನ ದೆಖಾಡಿತೋಬಿ ಘಣು ಲತಾಡ ಪಡಿರ‍್ಹೀಥಿ. ಥೂತೆ ಖ್ಹಾರು ಇನೆ ಖರ್ಚಿ ಕರಿತೋಬಿ ರೋಗ್‌ ಜಾ಼ಖ್ಹತ್ ಹುಯು ಪಣ್ಕಿ ಶಾತ್ಬಿ ಫಾಯಿದೊ ಕೋ ಹುಯುಥೂನಿ.

ಮಾರ್ಕ 6:56

ಅಜು಼ ಯೇಸು ಖೆವ ಖ್ಹಯೇರ್‌ಮಾಬಿ, ಖೆವ ಗಾಮ್ಮಾಬಿ ನಾತೊ ಖೆವ ಖೇತರ್‌ಮಾಬಿ ಕತೊ ಕಿಜ಼್ಜಾ-ಕಿಜ಼್ಜಾ ಗಯೋಕಿ ಹಿಜ಼್ಜಾವಾಳು ರೋಗ್‌ರ‍್ಹವಾಳನ ಭಾರ್‌ ಬಜಾ಼ರ್‌ನಿ ಝ಼ಗೊ ಮ್ಹೇಲಿನ್ ಯೇಸುನ, “ತಾರು ಲುಂಗ್ಡಾನು ಕೋಣೊತೋಬಿ ಛೀಮಾನ ಮ್ಹೇಲಿದೆ” ಕರಿ ಇನ ಗಿಂಗೈಲಿದು. ಅಜು಼ ಇನ ಕೋಣ್-ಕೋಣ್ ಛೀಮ್ಯೂಕಿ ಇವ್ಣ ಖ್ಹಾರಾನೊ ರೋಗ್‌ ಅಛ್ಛು಼ ಹುಯಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:12

ಇನಖ್ಹಾಜೆ ಅದ್ಮಿಖ್ಹಾರು, ಇನ ಹಾತ್ಮನು ಚೌ಼ಕೊ ಅಜು಼ ಆಂಗ್‍ಪರ‍್ನು ಪಿಛೋ಼ಡಿಬಿ ಪಳ್ಳಿಜೈ಼ನ್‌ ರೋಗ್‌ವಾಳನ ಉಪ್ಪರ್ ನಾಖ್ಯುತೊ ಇವ್ಣು ರೋಗ್‍ಅಖ್ಖು ಪರಿಹಾರ್‌ಹುಯಿನ್ ಅಜು಼ ಭೂತ್‌ಖ್ಹಾರು ನಾಶಿ ಜ಼ವ್‍ಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:15

ಅಮ್‍ ರ‍್ಹವಾನಿ ವೇಳ್ಮ ಅದ್ಮಿಖ್ಹಾರು ರೋಗ್‌ವಾಳನ ಡೋಲಿಪರ್‌ ಪಾಡಿಲೀನ್ ಪೇತ್ರ ಆವಾನಿ ವಾಟ್‌ಪರ್ ಲಯಿನ್, ರೋಗ್‌ವಾಳನ ಉಪ್ಪರ್ ಇನಿ ಛಾ಼ಳಿಪಡಾದೆ ಕರಿ ವಾಟ್‌ಪರ್ ಮ್ಹೆಲ್ತುಥು. ಪೇತ್ರನಿ ಛಾ಼ಳಿ ಪಡಿತೋಬಷ್ ಕರಿ ಅದ್ಮಿಖ್ಹಾರಾನೆ ಸೋಚಿಲಿದು.