ಮಾರ್ಕ 5:13 - ದೇವ್ನಿ ಖ್ಹಾಚಿ ವಚನ್

¹³ ತದೆ ಯೇಸುನೆ ಇಮ್ಮಸ್ ಹುವಾದೆ, ಕರಿ ಹುಕುಮ್‌ ದೇತಾಖ್ಹತರ್‌ ಯೋ ಭೂತ್‌ ಖ್ಹಾರು ಯೋ ಅದ್ಮಿನ ಮ್ಹೆಂದಿನ್ ಭಾರ್ ನಿಕ್ಳಿನ್, ಡೂಕರ್‌ನಿ ಝೂ಼ಂಡ್‌ಮ ಪೇಶಿಗಯು. ತದೆ ಯೋ ಡೂಕರ್‌ಖ್ಹಾರು ನಾಶಿನ್, ಪಹಡ್‌ನಿ ಕಥಾರ್‌ಪರ್‌ಥು ದರ‍್ಯಾವ್‌ಮ ಪಡೀನ್ ದಮ್‌ ಘೋಟೈನ್‌ ಮರಿಗಯು. ಕಮ್‍ಶಿಕಮ್ ಬೇ ಹಜಾ಼ರ್‌ ಡೂಕರ್‌ ಥೂ.

ಮಾರ್ಕ 5:13 ပူးပေါင်းရင်းမြစ်များ

ಮತ್ತಾಯ 7:6

ಪರಿಶುದ್ ರಾಛ಼ವ್‍ನ ಕುತ್‌ರ‍್ಯಾವ್‍ನ ನಕೊ ನಾಖೊ; ಯೊ ಪಾಛು಼ಫರಿ ತುಮಾರಪರ್ ಪಡಿನ್ ಕಲ್ಡಿನಾಕ್ಷೆ. ಮುತ್ತ್ ಖ್ಹಾರು ಡೂಕರ್‌ನ ಖ್ಹಾಮ್ಣೆ ರಂಚೊ಼ ನಕೊ. ಯೊಅಖ್ಖು ಯೊ ಮುತ್ನ ಖುಂದ್ಲಿನಾಕ್ಷೆ.

ಮತ್ತಾಯ 8:32

ಯೇಸುನೆ ಇವ್ಣುನ, “ಜಾ಼ವೊ” ಕರಿ ಬೋಲ್ಯೊ. ತದೆ ಯೋ ಭೂತ್‌ಖ್ಹಾರು ಇವ್ಣ ಭೇ ಜ಼ಣಾನ ಮ್ಹೆಂದಿನ್, ಡೂಕರ್‌ನ ಮಹಿ ಪೆಶಿಗಯು. ತದ್‌ನು-ತದ್ದೇಸ್ ಡೂಕರ್‌ಖ್ಹಾರು ನಾಶಿನ್, ಪಹಡ್‌ನಿ ಕಥಾರ್‌ಪರ್‌ಥು ದರ‍್ಯಾವ್‌ಮ ಪಡೀನ್, ಡುಬಿನ್ ಮರಿಗಯು.

ಮಾರ್ಕ 5:12

ತದೆ ಯೋ ಭೂತ್‌ಖ್ಹಾರು ಯೇಸುನ, “ಡೂಕರ್‌ನಿ ಝೂ಼ಂಡ್‌ನ ಮಹಿ ಪೇಖ್ಹಾನ ಹಮೂನ ಬೋಲಿಮೋಕಲ್‌” ಕರಿ ಗಿಂಗೈಲಿದು.

ಮಾರ್ಕ 5:14

ಡೂಕರ್‌ ಚ಼ರಾವವಾಳು ಖ್ಹಾರು ನಾಶಿಜೈ಼ನ್ ಯೋ ಖ್ಹಯೇರ್‌ಮಾಬಿ, ಗಾಮ್ಮಾಬಿ ಇನಿ ಬಾರೇಮ ಬೋಲ್ತಖ್ಹತರ್‌ ಇನ ದೇಖಾನಖ್ಹಾಜೆ ಅದ್ಮಿಖ್ಹಾರು ಯೇಸು ಥೋತೆ ಹಿಜ್ಜಾ಼ ಆಯು.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

1 ಪೇತ್ರ 3:22

ಹಮ್ಕೆ ಯೇಸು ಪರ್‌ಲೋಕ್ನ ಜೈ಼ನ್ ದೇವ್ನ ಖಾವಿಬಾಜು಼ಮ ಬೇಠೋಸ್. ಖ್ಹಾರುಸ್ ದೇವ್‌ದೂತರ್‌ಬಿ ಪರಲೋಕ್ನು ಅದಿಕಾರಿಖ್ಹಾರು ಅಜು಼ ಶಕತ್‍ಖ್ಹಾರನ ಉಪ್ಪರ್ ಯೊ ರಾಜ಼್‌ಭಾರ್ ಚ಼ಲವ್‍ಕರಸ್.

ಪ್ರಕಾಶಿತ್ 20:7

ಯೋ ಹಜಾ಼ರ್‌ ವರಖ್ಹ್ ಖತಮ್ ಹುಯಿಜಾ಼ವದಿನ್ ಶೈತಾನ್ನ ಜೇಲ್‌ಮಾಥು ಛುಟ್ಕಾರ್‌ವುಶೆ.

ಪ್ರಕಾಶಿತ್ 9:11

ಪಾತಾಳ್‌ನೊ ಮುಖ್ಯ ಹುಯಿರ‍್ಹೋತೆ ದೂತಾಸ್ ಯೋ ಚಿಡ್ಡಾವ್ನ ರಾಜ಼ ಹುಯಿರೋಥೊ. ಇನ ಹಿಬ್ರು ವಾತೇಮ ಅಬದ್ದೋನ್‌ ಕರೀಬಿ, ಗ್ರೀಕ್ ಬೋಲಿಮ ಅಪೊಲ್ಲುವೋನ ಕರೀಬಿ ನಾಮ್‌ಥು.