ಮಾರ್ಕ 4:39 - ದೇವ್ನಿ ಖ್ಹಾಚಿ ವಚನ್

³⁹ ತದೆ ಯೇಸುನೆ ಉಠೀನ್ ಯೋ ವಹಿರಾನ, “ಖ್ಹೊಪ್‌ ರ‍್ಹೆ!” ಅಜು಼ ದರ‍್ಯಾವ್ನ “ಶೊಪೊ ಹುಯಿಜಾ಼!” ಕರಿ ಹುಕುಮ್‌ದಿದೊ. ಅಮ್ ಬೋಲ್ತಾಸ್‌ನ ವಹಿರೊ ಖ್ಹೊಪೊ ಪಡಿಗಯು, ಅಜು಼ ಖ್ಹಾರು ಖ್ಹೊಪೊ ಪಡಿಗಯು.

ಮಾರ್ಕ 4:39 ပူးပေါင်းရင်းမြစ်များ

ಮತ್ತಾಯ 8:26

ಯೇಸುನೆ, “ತುಮೆ ಶನ ಡರೋಸ್ತೆ? ತುಮೂನ ಕಮ್‍ವಿಶ್ವಾಸ್ ಛಾ಼!” ಕರಿ ಬೋಲಿನ್, ಉಠೀನ್‌ ವಹಿರನಾಬಿ, ದರ‍್ಯಾವ್ನ ಗುರ್‌ಕಾಯೊ, ತದೆ ಖ್ಹಾರೂಸ್ ಖ್ಹೊಪೊ ಪಡಿಗಯು.

ಮಾರ್ಕ 4:38

ಯೇಸು ಡೋಣ್ಣಾ ಪಾಛ಼್‌ಲಿ ಬಾಜು಼ಮ ಶಿರಾಣು ಟೇಕಿನ್ ಖ್ಹುತೋಥೊ. ತದೆ ಶಿಷ್ಯರ್‌ನೆ ಇನ ಉಠಾಡಿನ್, “ಗುರು, ಹಮೆ ಮರ್‌ವಾನ ಆಯಾನಿ ತುನ ಜ಼ರಾಬಿ ಫಿಕರ್‌ಕೊಯ್ನಿಕಿ ಶು? ಕರಿ ಬೋಲ್ಯ.

ಮಾರ್ಕ 9:25

ತದೆ ಯೇಸುನೆ ಬಿಜೂ಼ಬಿ ಅದ್ಮಿನಿ ಝೂ಼ಂಡ್‌ ಇವ್ಣ ಭಣಿ ನಾಶಿ ಉಳ್ಯಾವತೆ ದೇಖಿನ್‌, ಯೋ ಭೂತ್‌ನ ಗುರ್‌ಕೈನ್, “ಏಯ್, ಭೈರಾ ಮುಕ್ಕಾಭೂತ್‌, ಅನ ಮ್ಹೆಂದಿನ್ ಭಾರ್‌ನಿಕಳ್‌, ಪಾಛು಼ ಅನ ನಾ ಧರ್‌ನು! ಕರಿ ಮೇ ತುನ ಹುಕುಮ್‌ ದೆವ್‌ಕರುಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:35

ತದೆ ಯೇಸುನೆ ಯೋ ಭೂತ್‌ನ ಗುರ್‌ಕೈನ್, “ಖ್ಹೊಪ್‌ರ‍್ಹೆ! ಅನ ಮ್ಹೆಂದಿನ್ ಭಾರ್‌ನಿಕಳ್‌” ಕರಿ ಬೋಲ್ಯೊ. ಯೋ ಭೂತ್‍ನೆ ಯೋ ಅದ್ಮಿನ ಇವ್ಣ ಖ್ಹಾಮ್ಣೆ ಹೇಟ್‌ ರಡ್‌ಕೈನ್‌, ಇನ ಶನೂಸ್ ಟಚ಼್‌ಕೊ ದಿದುಕೊಂತೆ ಮ್ಹೆಂದಿನ್ ಚ಼ಲಿಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:39

ತದೆ ಯೇಸುನೆ ಇನಾಕನ ಜೈ಼ನ್ ಭೀರಿನ್, ಇನ ಮ್ಹೆಂದಿನ್ ಜಾ಼ವಾನಿ ಘೋಣಿ ಯೋ ತಾವ್‌ನ ಹುಕುಮ್‌ ದೇತಾಖ್ಹತರ್‌, ತಾವ್ ಉತ್ರಿಗಯೊ. ತದ್‌ನು ತದ್ದೇಸ್ ಯೋ ಉಠೀನ್ ಇವ್ಣಿ ಸೇವಾ-ಚಾ಼ಕ್ರಿ ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:24

ತದೆ ಶಿಷ್ಯರ್‌ ಖ್ಹಾರು ಯೇಸುಕನ ಐನ್, “ಗುರು, ಗುರು, ಹಮೆ ಮರ್‌ವಾನ ಆಯಾನಿ!” ಕರಿ ಬೋಲ್ಯ. ತದೆ ಯೇಸುನೆ ಉಠೀನ್ ವಹಿರನಾಬಿ, ಪಾಣಿನು ಝೋ಼ಕಾಳ್ಯನಾಬಿ ಗುರ್‌ಕಾಯೊ. ಗುರ್‌ಕಾವಖ್ಹತರ್ ಯೋ ಭೀರಿಗಯು ಅಜು಼ ಖ್ಹೊಪೊ ಹುಯಿಗಯು.