ಮಾರ್ಕ 4:36 - ದೇವ್ನಿ ಖ್ಹಾಚಿ ವಚನ್

³⁶ ತದೆ ಶಿಷ್ಯರ್‌ಖ್ಹಾರು ಯೋ ಅದ್ಮಿನಿ ಭೀಡ್‌ಣ ಮ್ಹೆಂದಿನ್, ಯೇಸು ಬೆಠೋಥೋತೆ ಯೋಸ್ ಡೋಣ್‌ಪರ್‌ ಚ಼ಢಿನ್‌ ಇಮ್ಮಸ್ ಇನ ಬುಲೈಲಿನ್ ಗಯ. ಇವ್ಣ ಜೋ಼ಡ್ಮ ಬಿಜಿ ಖ್ಹಾರಿ ಡೋಣ್‌ಬಿ ಥಿ.

ಮಾರ್ಕ 4:36 ပူးပေါင်းရင်းမြစ်များ

ಮತ್ತಾಯ 8:23

ಯೇಸು ಡೋಣ್‌ಪರ್‌ ಚ಼ಢ್ಯೊ, ಅಜು಼ ಇನ ಶಿಷ್ಯರ್‌ಬಿ ಇನಜೋ಼ಡೆ ಗಯ.

ಮಾರ್ಕ 3:9

ಅದ್ಮಿನಿ ಝೂ಼ಂಡ್‌ ಜಾ಼ಖ್ಹತ್ ಥೀತೆ ಇನಾಖ್ಹಾಜೆ ಯೇಸುನೆ, ಅದ್ಮಿಖ್ಹಾರು ಇನಾಪರ್‌ ಪಡೀನ್ ಧಕೇಲ್‌ಶೆ ಕರಿ ಇನ ಶಿಷ್ಯರ್‌ನ, “ಮಾರಖ್ಹಾಜೆ ಏಕ್‌ ಡೋಣ್ಣಾ ಖ್ಹವಾರಿ ಮಿಛಾ಼ಣೊ” ಕರಿ ಬೋಲ್ಯೊ.

ಮಾರ್ಕ 4:1

ಯೇಸು ಪಾಛೊ಼ ಗಲಿಲಾಯ ದರ‍್ಯಾವ್‍ನ ಕನಾರೆಕನ ವಚನ್ ಬೋಲಿ ದೆವ್‌ಕರ್ತೋಥೊ. ಘಣು ಅದ್ಮಿ ಇನಾಕನ ಐನ್ ಭರೈರ‍್ಹುಥೂತೆ ಇನಖ್ಹಾಜೆ ಯೇಸುನೆ ಪಾಣಿಮ ಭೀಥಿತೆ ಡೋಣ್‌ಪರ್‌ ಚ಼ಢೀನ್‌ ಬೇಶಿಗಯೊ. ಯೋ ಅದ್ಮಿಖ್ಹಾರು ಭಾರ್‌ ಕನಾರೆಕನ ಭರೈರ‍್ಹೂಥು.

ಮಾರ್ಕ 4:37

ಜಾ಼ತಿವಖ್ಹತ್‌ಮ ಏಕ್‌ದಮ್ ಮೋಟೊ ವಹಿರೊ ವಾಗಿನ್, ಮೋಟೊ ಝೋ಼ಕಾಳ್ಯೊ ಉಠೀನ್ ಯೋ ಡೋಣ್ಣಾ ಮಾರ್ ಪಡ್‌ತಾಖ್ಹತರ್, ಯೋ ಡೋಣ್‌ಮ ಪಾಣಿ ಭರಾವಲಗ್ಯೂಥು.

ಮಾರ್ಕ 5:2

ಯೇಸು ಡೋಣ್‌ಮಾಥು ಭಾರ್‌ ಉತ್‌ರ‍್ಯೋತೆ ತದೇಸ್‌, ಭೂತ್‌ ಧರಿರಾಖ್ಯುಥೂತೆ ಏಕ್‌ ಜ಼ಣೊ ಮಖ್ಹಾಣ್ಯನು ಘವಿಮಾಥೊ ನಿಕ್ಳಿನ್‌ ಇನ ಖ್ಹಾಮೆ ಆಯು.

ಮಾರ್ಕ 5:21

ಯೇಸು ಪಾಛೊ಼ ಫರೀನ್ ಡೋಣ್‌ಮ ದರ‍್ಯಾವ್‌ಮ ಹೈಕಡ್‌ಳಿ ಬಾಜು಼ಮ ಆಯೊ. ಹಿಜ್ಜಾ಼ ದರ‍್ಯಾವ್‍ನ ಕನಾರೆ ಅದ್ಮಿನಿ ಘಣಿ ಮೋಟಿ ಝೂ಼ಂಡ್‌ ಯೇಸುನ ಅಶ್‌ಪಿಶ್ ಐನ್ ಭರಾಯು.

ಮಾರ್ಕ 6:32

ಇನಾಖ್ಹಾಜೆ ಇವ್ಣೆ ಡೋಣ್‌ಮ ಬೇಶಿನ್ ಉಜ್ಜಾ಼ಡಿ ಝ಼ಗೋಪರ್‌ ಗಯ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:22

ಏಕ್‌ ದನ್ನೆ ಯೇಸು ಇನ ಶಿಷ್ಯರ್‌ನ ಜೋ಼ಡೆ, ಏಕ್‌ ಡೋಣ್‌ಮ ಚ಼ಢೀನ್ ಬೇಶಿಗಯೊ, ಅಜು಼ ಇವ್ಣುನ, “ಚಾ಼ಲೊ, ಅಪ್ಣೆ ದರ‍್ಯಾವ್‍ನಿ ಪಾರ್ಲಿ ಬಾಜೂ಼ನ ಜೈ಼ಯೆ” ಕರಿ ಬೋಲ್ಯೊ. ತದೆ ಇವ್ಣೆ ಡೋಣ್ಣಾ ಪಾಣಿಮ ಧಕೇಲಿನ್ ನಿಕ್‌ಳ್ಯು.