ಮಾರ್ಕ 4:16 - ದೇವ್ನಿ ಖ್ಹಾಚಿ ವಚನ್

^16-17 ಬಿಜು಼ ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮಜ಼್‌ತಾಸ್‌, ಖ್ಹುಶಿಥಿ ಒಗ್ಗಿಸ್‌ಮ ಮಾನಿಜಾ಼ಸ್. ಕತೋಬಿ ಯೋ ವಚನ್ನ ಇವ್ಣ ಮಹಿ ಜ಼ಡ್‌ ಮ್ಹೇಲಿನ್ ಫುಟಾದೇಯಿಕೊಯ್ನಿ. ಇವ್ಣೆ ಥೋಡಾಸ್ ದನ್ ದೇವ್ನಿ ವಚನ್ನ ನಂಬಾಸ್, ಬಾದ್‌ಮ ಯೋ ವಚನ್ನಖ್ಹಾಜೆ ಬಿಜಾ಼ಥಿ ಖ್ಹತಾಪ್ಣಿ ನಾತೊ ವದೇಖ್ಹೊ ಆಯುತೊ, ಜ಼ಲ್ದೀಸ್‍ಮ ಪಡಿಜಾ಼ಸ್‌. ಅವ್ಣೇಸ್ ಪಂಡಾ ಪಡ್ಯಾತೆ ಬಂಡಾಪರ್‌ನಿ ಮಾಟಿ ಹುಯಿರ‍್ಹೂಸ್.

ಮಾರ್ಕ 4:16 ပူးပေါင်းရင်းမြစ်များ

ಮತ್ತಾಯ 13:5

ಅಜು಼ ಥೋಡ ಪಂಡಾ ಜಾ಼ಖ್ಹತ್ ಮಾಟಿಕೊಂತೆ ಬಂಡಾನಿ ಜ಼ಮೀನ್‌ಪರ್ ಪಡ್ಯು; ಹಿಜ಼್ಜಾ ಛಿವರ್‌ ಮಾಟಿ ಥೀತೆ ಇನಖ್ಹಾಜೆ ಯೋ ಒಗ್ಗಿಸ್‌ಮ ಫುಟಿ ಆಯು.

ಮಾರ್ಕ 4:15

ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮಜ಼್‌ತಾಸ್‌, ಶೈತಾನ್ ಐನ್ ಇವ್ಣಮಾನಿ ವಚನ್ನ ಕಾಡಿನಾಖಿದೇಸ್. ಅವ್ಣೇಸ್ ಪಂಡಾ ಪಡ್ಯಾತೆ ವಾಟ್ನ ಶೇಡೆನಿ ಮಾಟಿ ಹುಯಿರ‍್ಹುಸ್‍.

ಮಾರ್ಕ 6:20

ಹೆರೋದನ ಯೋಹಾನಕತೊ ಡರ್‌ ಥೊ ಶನಕತೊ, ಯೋಹಾನ ನೀತಿವಾಳೊಕರೀಬಿ ಅಜು಼ ಪವಿತ್ರ್‌ ಅದ್ಮಿಕರಿ ಇನ ಮಾಲುಮ್‌ ಥು, ಇನಾಖ್ಹಾಜೆ ಇನ ಜ಼ತನ್‌ಥಿ ರಾಖಿರಾಖ್ಯೋಥೊ. ಅಜು಼ ಯೋಹಾನ ಬೋಲಾತೆ ವಾತ್ನ ಖ್ಹಮ್‌ಜೊತೊ, ಇನ ದಿಲ್ಮ ಕಲಾವ್ಣಿ ಹುಯುತೋಬಿ, ಇನಿ ವಾತೆನ ಖ್ಹುಶಿಥಿ ಖ್ಹಮಜ಼್‌ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:13

ಥೋಡು ಅದ್ಮಿ ವಚನ್ನ ಖ್ಹಮಜ಼್‌ತಾಸ್‌ನ, ಖ್ಹುಶಿಥಿ ಇನ ಮಾನಿಲೇಸ್. ಅವ್ಣುನ ಜ಼ಡ್‌ಕೊಂತೆ ಇನಖ್ಹಾಜೆ ಜ಼ರಘಡಿಸ್ ಖಲಿ ನಂಬಸ್‍ ಶೋದನೆನ ಹಗಾಮ್ಮ ಪಡಿಜಾ಼ಸ್‌. ಅವ್ಣೇಸ್ ಬಂಡಾಪರ್ ಪಡ್ಯಾತೆ ಪಂಡಾ ಹುಯಿರ‍್ಹಾಸ್‌.

ಯೋಹಾನ 5:35

ಯೋಹಾನ ಬಳುಕರಸ್ತೆ ದೀವನಿಮತ್‌ ಥೊ,ಅಜು಼ ಯೊ ಉಜಾ಼ಳು ದಿದೊ. ಕತೋಬಿ ತುಮೆ ಇನ ಉಜಾ಼ಳಾಮ ಥೋಡ ದನ್ ಖ್ಹುಶಿ ಕರ‍್ಯಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:28

ತದೆ ಅಗ್ರಿಪ್ಪರಾಜ಼ನೆ ಪೌಲನ ಅಮ್ ಬೋಲ್ಯೊಕಿ, “ಘಣು ಶುಲ್ಬಾಥಿ ಮನ ಕ್ರಿಸ್ತಾನ್‍ವಾಳೊ ಕರ್ನುಕರಿ ತೂ ಸೋಚಿರಾಖ್ಯೋಸ್ಕಿ ಶು?” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:13

ತದೆ ಸೀಮೋನ್ನೇಬಿ ವಿಶ್ವಾಸ್‍ಕರಿನ್ ಬ್ಯಾಪ್ತಿಸ್ಮ ಕರೈಲೀನ್ ಅಜು಼ ಫಿಲಿಪ್ಫನಿ ಜೋ಼ಡ್ಮ ಕದೇಬಿ ರ‍್ಹೀನ್ ಯೋ ಕರಾತೆ ಅದ್ಭುತ್‌ ಕಾಮ್ನ ಅಜು಼ ಖ್ಹಣೇದ್ನ ಕಾಮ್ನ ದೇಖಿನ್ ಆಶ್ಚರ್ಯ ಹೋತೊಥೊ.