ಮಾರ್ಕ 4:11 - ದೇವ್ನಿ ಖ್ಹಾಚಿ ವಚನ್

¹¹ ತದೆ ಯೇಸುನೆ ಇವ್ಣುನ ಫರೈನ್ ಬೋಲ್ಯೋಕಿ, “ದೇವ್ನಿ ರಾಜ್ಯನಿ ಲಪಿರ‍್ಹೀತೆ ಖ್ಹಾಚಿ ವಾತೆಖ್ಹಾರಿ ತುಮೂನ ದೆವೈರ‍್ಹೀಸ್. ಕತೋಬಿ ಬಿಜು಼ ಖ್ಹಾರು ಭಾರ್‌ಲ್ಯು ಅದ್ಮಿ, ಯೋ ಖ್ಹಾರಿ ವಾತೆನ ಮತ್ಲಬ್‌ನಿ ಖೇಣಿಯೇಥಿ ಖ್ಹಮ್‌ಜಾ಼ಸ್‌.

ಮಾರ್ಕ 4:11 ပူးပေါင်းရင်းမြစ်များ

ಮತ್ತಾಯ 11:25

ಯೋ ವಖ್ಹತ್‌ಮ ಯೇಸುನೆ ಶಾತ್‌ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್‌ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್.

ಮತ್ತಾಯ 13:16

ಇನಖ್ಹಾಜೆ ತುಮೆ ಧನ್ಯರ್ ಹುಯಿರ‍್ಹಾಸ್. ಶನಕತೊ ತುಮಾರ ಡೋಳಾ ದೆಖಾವಸ್ ಅಜು಼ ತುಮಾರೊ ಕಾನ್‌ ಖ್ಹಮ್‌ಜಾ಼ಸ್‌.

ಮತ್ತಾಯ 16:17

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.

ಮಾರ್ಕ 3:23

ಯೇಸುನೆ ಇವ್ಣುನ ಖನ್ನೆ ಬುಲೈನ್, ಇವ್ಣುನ ಮತ್ಲಬ್‌ನಿ ವಾತೆಖ್ಹು ಬೋಲ್ಯೋಕಿ: ಶೈತಾನ್ ಶೈತಾನ್ನಸ್ ಕಿಮ್ ಕಾಡ್‌ಶೆ?

ಮಾರ್ಕ 4:10

ಬಾದ್‌ಮ ಯೇಸು ಎಕ್ಲೊ ರ‍್ಹವಾನಿ ವಖ್ಹತ್‌ಮ, ಇನು ಭಾರ ಶಿಷ್ಯರ್‌ ಅಜು಼ ಇನಜೋ಼ಡೆ ರ‍್ಹವಾಳು ಬಿಜು಼ ಖ್ಹಾರು ಅದ್ಮಿ ಇನಾಕನ ಐನ್, ಯೋ ಮತ್ಲಬ್‌ನಿ ಖೇಣಿಯೇನಿ ಬಾರೇಮ ಪುಛಾ಼ಯು.

ಮಾರ್ಕ 4:2

ತದೆ ಯೇಸುನೆ ಇವ್ಣುನ ಮತ್ಲಬ್‌ನಿ ಖೇಣಿಯೇಥಿ ಘಣಿ ಬಾರೇಮ ಬೋಲಿದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:10

ಯೇಸುನೆ, “ದೇವ್ನಿ ರಾಜ್ಯನಿ ಖ್ಹಾಚ಼ನ ಮಾಲುಮ್ ಕರಿಲ್ಯವಾನಿ ಗ್ಯಾನ್ ತುಮೂನ ದೆವೈರ‍್ಹೂಸ್. ಕತೋಬಿ ಬಿಜಾ಼ಖ್ಹಾರ ಅದ್ಮಿನ ಡೋಳ ರ‍್ಹಯುತೋಬಿ ದೆಖಾವ್ಣುನಾತೆ, ಅಜು಼ ಕಾನ್‌ ರ‍್ಹಯುತೋಬಿ ಖ್ಹಮ್‌ಜಾ಼ವ್ಣುನಾತೆ ಇಮ್‌ ಮತ್ಲಬ್‌ನಿ ಖೇಣಿಯೇಥಿ ಬೋಲುಸ್” ಕರಿ ಜವಾಬ್‌ ದಿದೊ.

1 ಕೊರಿಂಥ 4:7

ತುನ ಬಿಜ಼ ಖ್ಹಾರಾಥೀಬಿ ಊಚೊ಼ಕರ‍್ಯೊಕೋಣ್? ದೇವ್‍ಥಿ ಲಿದೊಕೊಂತೆ ತಾರಾಮ ಏಕ್‍ತೋಬಿ ಛಾ಼ಕಿಶು? ಅಮ್ ಅಖ್ಖೂಸ್ ದೇವ್‍ಥಿ ಲ್ಯವಾಪರ್ ಲಿದೊಕೊಂತೆ ತಿಮ್ ಖ್ಹರಾವ್ಣಿ ಶನಕಾಡಿಲೇಸ್?

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಎಫೆಸ 1:9

ದೇವ್ ಇನೆ ಖ್ಹೂಜ಼್ ಕರ‍್ಯೊತೆ ಇನ ಕರ‍್ಯೊ, ಅಜು಼ ಕ್ರಿಸ್ತನ ಖ್ಹಾಜೇಥಿ ತದೇಸ್‌ ಪೂರಹುವನ ಖ್ಹಾಜೆ ತೀರ್ಮಾನ್ ಕರಿರಾಖ್ಯೊತೆ ಇನಿ ಗಪ್ಲತ್‌ನಿ ಖ್ಹೂಜ಼್‌ನ ಅಪ್ಣುನ ಮಾಲುಮ್‌ ಕರಾಯೊ.

ಕೊಲೊಸ್ಸೆ 4:5

ತುಮುನ ಮಳಾನಿ ಮೋಕಾನ ಬರೋಬರ್‌ಥಿ ಉಪಯೋಗ್ ಕರಿಲಿನ್, ವಿಶ್ವಾಸ್ಮ ನಾರ‍್ಹವಾಳನಿ ಜೋ಼ಡ್ಮ ಅಕ್ಲಿನಿತರ ಚಾ಼ಲಿಲೇವೊ.

1 ಥೆಸ 4:12

ಅಮ್ ಕರ‍್ಯಾತೊ ತುಮೂನ ವಿಶ್ವಾಸ್‌ಮಕೊಂತೆ ಅದ್ಮಿಥಿ ಮರ್ಯಾದಿ ಮಳ್‌ಶೆ ಕಾಹೆತೆ ತುಮೆ ಕಿನಾಪರ್‌ಬಿ ವಜ಼ನ್ ಕೊ ರ‍್ಹಿಶುನಿ.

1 ತಿಮೊ 3:7

ಎತ್ರೇಸ್ ಕಾಹೆತೆ, ಯೋ ಭಾರ್‌ಲ್ಯ ಅದ್ಮಿಥಿ ಆಛ್ಛೊ಼ ಕರಿ ಬೊಲೈಲ್ಯವಾಳೊ ಹುಯಿರ‍್ಹೇಣು, ಇಮ್‌ ನಾ ರ‍್ಹಯೋತೊ ಅದ್ಮಿಖ್ಹಾರು ಇನಾಪರ್ ಗಲತ್‌ ಲಗಾಡಿ ದಿಶೆ ಅಜು಼ ಯೋ ಶೈತಾನ್ನ ಚ಼ಪ್ಪಣ್‌ಮ ಖ್ಹಪ್‌ಡಿಜಾ಼ಶೆ.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.