ಮಾರ್ಕ 3:3 - ದೇವ್ನಿ ಖ್ಹಾಚಿ ವಚನ್

³ ಯೇಸುನೆ ಯೋ ಹಾತ್‌ ಝೂ಼ಟೊ ಪಡ್ಯೊಹುಯೊ ಅದ್ಮಿನ, “ಉಠೀನ್ ಖ್ಹಾರಾನ ಇಚ಼್‌ಮ ಐನ್ ಭೀರೆ” ಕರಿ ಬೋಲ್ಯೊ.

ಮಾರ್ಕ 3:3 ပူးပေါင်းရင်းမြစ်များ

ಮತ್ತಾಯ 12:10

ಹಿಜ್ಜಾ಼ ಹಾತ್‌ ಝೂ಼ಟೊ ಪಡಿಹುಯು ಏಕ್‌ ಅದ್ಮಿಥು. ತದೆ ಥೋಡು ಜ಼ಣು ಯೇಸುಪರ್‌ ಗಲ್ತಿ ಲಗಾಡ್‌ಣು ಕರಿ, ಇವ್ಣೆ ಇನ, “ಸಬ್ಬತ್‌ ದನ್ಮ ಅಛ್ಛು಼ ಕರಾನು ಅಪ್ಣ ಧರ್ಮಶಾಸ್ತ್ರಮ ಬರೋಬರ್‌ಕಿ ಶು?” ಕರಿ ಪುಛಾ಼ಯು.

ಮಾರ್ಕ 3:2

ಹಿಜ್ಜಾ಼ ಥೋಡು ಅದ್ಮಿ ಯೇಸುಪರ್‌ ಗಲ್ತಿ ಲಗಾಡನಖ್ಹಾಜೆ, ಸಬ್ಬತ್‌ ದನ್ಮ ಯೋ ಹಾತ್‌ ಝೂ಼ಟೊ ಪಡಿಹುಯು ಅದ್ಮಿನ ಅಛ್ಛು಼ ಕರಾಸ್ಕಿ ಶುಕಿ, ಕರಿ ಜ಼ಪೀನ್ ದೇಖುಕರ್ತುಥು.

ಮಾರ್ಕ 3:4

ತದೆ ಯೇಸುನೆ ಇವ್ಣುನ, “ಸಬ್ಬತ್‌ ದನ್ಮ ಧರ್ಮಶಾಸ್ತ್ರನಿ ನಿಯಮ್‌ನು ಕಾಮ್‌ಕರಾನು ಖೆವು? ಅಛ಼್ಛುಕರಾನುಕಿ ಖರಾಬ್‌ಕರಾನು? ಜಾನ್‌ ಬಚಾ಼ಡಾನುಕಿ, ಕಾಡಾನು?” ಕರಿ ಬೋಲಾಖ್ಹತರ್ ಇವ್ಣೆ ಖ್ಹೊಪ್‌ ಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:8

ಕತೋಬಿ ಯೇಸುನೆ ಇವ್ಣಿ ಸೋಚ್ನ ಮಾಲುಮ್ ಕರಿಲೀನ್, ಹಾತ್‌ ಝೂ಼ಟೊ ಪಡ್ಯೊಹುಯೊ ಯೋ ಅದ್ಮಿನ, “ಉಠೀನ್, ಇಚ಼್‌ಮ ಐನ್ ಭೀರೆ” ಕರಿ ಬೋಲ್ಯೊ. ಯೋ ಅದ್ಮಿ ಉಠೀನ್ ಹಿಜ್ಜಾ಼ ಭೀರಿಗಯು.

ಯೋಹಾನ 9:4

ಮನ ಮೋಕ್‌ಲ್ಯೊತೆ ಇನು ಕಾಮ್ನ ಅಪ್ಣೆ ದನ್ನಿ ವಖ್ಹತ್‌ಮಾಸ್‌ ಕರ‍್ನು, ರಾತ್‌ ಆವ್‌ಶೆ ತದೆ ಕಿನೇಥೀಬಿ ಕಾಮ್ ಕರಾನ ಕೋ ಉಶೇನಿ.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

ಗಲಾತ್ಯ 6:9

ಅಛ್ಛಾ಼ನ ಕರಾಮ ವಳ್‍ಶಿ ನಕೊಕರಿಯೆ, ದಿಲ್ಮ ಢೀಲ ನಾಪಡ್ನುತೆ ರ‍್ಹಿಯೆ, ತದೆ ಬರೊಬ್ಬರ್‌ನಿ ವಖ್ಹತ್‌ಮ ಅನಾಜ಼್ ವ್ಹಾಡ್‌ಶು.

ಫಿಲಿಪ್ಪಿ 1:14

ಆ ನಾಹುಯಿನ್ ಭೈಯೇ ಭೇನೇಮ ಜಾ಼ಖ್ಹತ್ ಅದ್ಮಿ ಮಾರಿ ಭಂದಣ್‌ಥೀಸ್ ಪ್ರಭುಮ ಭರೋಖ್ಹಾಥಿ ದೇವ್ನಿ ವಚನ್ನ ಡರ್‌ಕೊಂತೆ ಬೋಲಾನ ಅಜೂ಼ಬಿ ಘಣು ಭಾಲಿ ಲೀರಾಖ್ಯುಸ್.

1 ಪೇತ್ರ 4:1

ಕ್ರಿಸ್ತನೆ ಅಪ್ಣಖ್ಹಾಜೆ ಇನ ಶರೀರ್‌ಮ ಲತಾಡ ಪಡ್ಯುತೆಖ್ಹಾಜೆ ತುಮೇಬಿ ಜಿನು ಯೋ ದಿಲ್‌ವಾಳ ಹುಯಿನ್ ಖ್ಹತಾಪ್ಣಿಲ್ಯವಾನ ತಯಾರ್‌ಹುವೋ. ಶನಕತೊ ಶರೀರ್‌ಮ ಖ್ಹತಾಪ್ಣಿ ಪಡ್ಯೊಹುಯೊ, ಪಾಪ್ ಕರಾನು ಭಿರಾಖವಾಳೊ ಹುಯಿರ‍್ಹೊಸ್.