ಮಾರ್ಕ 3:29 - ದೇವ್ನಿ ಖ್ಹಾಚಿ ವಚನ್

²⁹ ಕತೋಬಿ ಪವಿತ್ರಾತ್ಮನಿ ಚಿಂಘಾವ್ಣಿ ಕರಾವಾಳನ ಕದೇಬಿ ಮಾಪಿ ಕೋ ಮಳ್‌ಶೆನಿ. ಯೋ ಹಮೇಶಾಬಿ ಮಾಪ್‌ಕರಾನ ಕೋ ಹುವ್ವಾನಿತೆ ಪಾಪ್‌ಮ ಪಡಿಗಯೊ” ಕರಿ ಬೋಲ್ಯೊ.

ಮಾರ್ಕ 3:29 ပူးပေါင်းရင်းမြစ်များ

ಮತ್ತಾಯ 25:46

ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.

ಮತ್ತಾಯ 9:3

ಹಿಜ್ಜಾ಼ ಥೂತೆ ಮೋಶೇನು ವಚನ್‍ ಶಿಕಾಡವಾಳು ಶಾಸ್ತ್ರೀಮ ಥೋಡಜ಼ಣಾನೆ, “ಆ ಅದ್ಮಿ ದೇವ್ನಿ ವಿರೋದ್ ಬೋಲಾಸ್ನಿ!” ಕರಿ ಇವ್ಣ-ಇವ್ಣ ಮಹಿ ಬೋಲಿಲಿದು.

ಮಾರ್ಕ 12:40

ಇವ್ಣೆ ಮುಂಡಚ್ಚಿ ತಯೇಡಾವ್‌ನ ಠಗೈನ್ ಇವ್ಣ ಘರ್‌ನ ಲೂಟಿಲೇಸ್ ಅಜು಼ ಅದ್ಮಿನ ವತಾಳಿಲ್ಯಾವನಖ್ಹಾಜೆ ಲಾಂಬಿ ಪ್ರಾರ್ಥನೆ ಕರಾಸ್. ಅವ್ಣಪರ್ ಘಣೇಥಿ ಘಣಿ ನಿಶತ್‌ ಮಳ್‍ಶೆ” ಕರಿ ಬೋಲ್ಯೊ.

ಮಾರ್ಕ 3:30

ಇವ್ಣೆ ಇನ, “ಭೂತ್‌ ಧರಿರಾಖ್ಯುಸ್” ಕರಿ ಬೋಲುಕರ್ತೂಥೂತೆ ಇನಾಖ್ಹಾಜೆ ಯೇಸುನೆ ಅಮ್ ಬೋಲ್ಯೋತೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:10

ಅದ್ಮಿನೊ ಛಿಯ್ಯಾಪರ್ ಶಾತ್‌ತೋಬಿ ಗಲತ್‌ ವಾತೆ ಬೋಲ್ಯೂತೊ, ಇವ್ಣುನ ಮಾಪಿ ಮಳ್‌ಶೆ; ಕತೋಬಿ ಪವಿತ್ರಾತ್ಮನ ವಿರೋದ್ ಖರಾಬ್ ಬೋಲವಾಳಾನ ಮಾಪಿಕೊಯ್ನಿ.

2 ಥೆಸ 1:9

ಪ್ರಭು ಇವ್ಣುನ ಇನಿ ಮಹಿಮೆನಿ ಶಕತ್ನ ಖ್ಹಾಮ್ಣೇಥು ಹಟೈನಾಖಿದಿನ್ ಇವ್ಣುನ ಹರ್‌ಹಮೇಶಾನು ನಿಶತ್‌ ದಿಶೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:13

ಅವ್ಣೆ ದರ‍್ಯಾವ್‌ಮಾನು ಮೋಟ ಝೋ಼ಕಾಳ್ಯಾನಿತರ ರ‍್ಹೇಸ್. ಯೋ ಝೋ಼ಕಾಳ್ಯಮಾಥು ಫೇಖ್ಹಟ್‌ನ ಝ಼ಂಡಾ ಉಡಾತೆತಿಮ್‌ ಅವ್ಣೆ ಖ್ಹರಮ್‌ಕೊಂತೆ ಕಾಮ್‍ಕರಸ್, ಆ ಅದ್ಮೆವ್ ಆಕಾಶ್‌ಮ ವ್ಹವ್ತುಫಂಡಾತೆ ಶುಕ್ಕರ್‌ನಿತರ ಛಾ಼. ಅವ್ಣಖ್ಹಾಜೆ ಹಮೇಶಾನು ಅಂಧಾರಿನಪಾಳ್‍ನ ಖಾಯಮ್ ಕರಿರಾಖ್ಯೊಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:7

ಇಮ್ಮಸ್ ಸೊದೋಮ್ ಅಜು಼ ಗೊಮೋರ್ ಖ್ಹಯೇರ್‌ವಾಳೂಬಿ, ಇನ ಅಶ್‌ಪೀಶ್‌ನ ಖ್ಹಯೇರ್‌ವಾಳೂಬಿ ಯೋ ದೂತರ್‌ನಿಘೊಣಿ ಚಾ಼ಲಿಲಿನ್ ಇವ್ಣುನ ಇವ್ಣೆಸ್ ಪಾಪೇಲ ಕಾಮ್ನ ದೀನಾಖಿದಿನ್, ನಾಕರ‍್ನುತೆ ಕಾಮ್ನ ಪಾಲನ್‍ ಕರ‍್ಯುತೆ ಇನಖ್ಹಾಜೆ ಇವ್ಣೆ ಕೆದೇಬಿ ರ‍್ಹವಾನ ಆಗ್‌ಮ ಖ್ಹತಾಪ್ಣಿ ಲೇತುಹುಯಿನ್‌, ಖರಾಬ್ ಮಾರಗ್‌ಪರ್ ಚಾ಼ಲವಾಳಾನ ಖರಾಬ್‍ಚಾ಼ಲ್ಮ ಉದಾಹರಣೆಕರಿ ಮ್ಹೇಲಿರಾಖ್ಯುಸ್.