ಮಾರ್ಕ 3:22 - ದೇವ್ನಿ ಖ್ಹಾಚಿ ವಚನ್

²² ಎತ್ರೇಸ್ ಕಾಹೆತೆ ಯೆರೂಸಲೇಮ್‌ಥು ಆಯುಹುಯು ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು, “ಆ ಯೇಸುನ ಬೆಲ್ಜೆಬೂಲ್ ಧರಿರಾಖ್ಯೋಸ್‌! ಯೋ ಭೂತ್‌ನೊ ಯಜಮಾನ್ನಿ ಮದತ್‌ಥೀಸ್ ಯೇಸು ಭೂತ್‌ನಖ್ಹಾರು ಕಾಡಸ್ತೆ” ಕರಿ ಬೋಲುಕರ್ತೂಥು.

ಮಾರ್ಕ 3:22 ပူးပေါင်းရင်းမြစ်များ

ಮತ್ತಾಯ 10:25

ಶಿಷ್ಯ ಇನ ಗುರುನಿಮತ್‌ ಬಣ್ಯೋತೊ ಬಶ್‌, ಅಜು಼ ಆಳ್‌ ಇನ ಯಜಮಾನ್ನಿ ಮತ್‍ ಬಣ್ಯೋತೊ ಬಶ್‌. ಘರ್‌ನೊ ಯಜಮಾನ್ನಸ್‌, ಬೆಲ್ಜೆಬೂಲ್ ಕರಿ ಇವ್ಣೆ ಚಿಕ್‌ರ‍್ಯುತೊ, ಯೋ ಘರ್‌ನ ಬಿಜಾ಼ಖ್ಹಾರ ಅದ್ಮಿನ ಅಜು಼ಕೆತ್ರೆ ಖರಾಬ್ ನಾಮ್‍ಥಿ ಚಿಕರ್‌ಶೆ ಕೊಯ್ನಿಕಿಶು?

ಮತ್ತಾಯ 11:18

ಕಿಮ್‌ಕತೊ, ಯೋಹಾನ ಆಯೊ, ಯೋ ಖಾತೋಥೊಕೊಯ್ನಿ ಅಜು಼ ಪೀತೋಥೊಕೊಯ್ನಿ, ಅಜು಼ ಅದ್ಮಿಖ್ಹಾರು, ‘ಇನ ಭೂತ್‌ ಧರಿರಾಖ್ಯುಸ್’ ಕರಿ ಬೋಲ್ಯು.

ಮತ್ತಾಯ 12:24

ಕತೋಬಿ ಫರಿಸಾಯರ್‌ನೆ ಅನಖ್ಹಮ್‌ಜಿನ್, “ಭೂತ್‌ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನಿ ಮದತ್‌ಥೀಸ್ ಆ ಭೂತ್‌ ಖ್ಹಾರಾನ ಕಾಡಸ್‌ ಪಣ್ಕಿ, ಬಿಜು಼ ಶನೇಥೀಬಿ ಕಾಹೆ” ಕರಿ ಬೋಲ್ಯು.

ಮತ್ತಾಯ 15:1

ಬಾದ್‌ಮ ಯೆರೂಸಲೇಮ್‌ಥು ಫರಿಸಾಯರ್ ಅಜು಼ ಮೋಶೆನಿ ವಚನ್ನ ಶಿಕಾಡವಾಳು ಶಾಸ್ತ್ರಿಯೆ ಯೇಸುಕನ ಆಯಿನ್,

ಮತ್ತಾಯ 9:34

ಕತೋಬಿ ಫರಿಸಾಯರ್‌ನೆ, “ಭೂತ್‌ ಖ್ಹಾರಾನೊ ಯಜಮಾನ್ನಿ ಮದತ್‌ಥೀಸ್ ಯೇಸು ಭೂತ್‌ನ ಖ್ಹಾರು ಕಾಡಸ್ತೆ” ಕರಿ ಬೋಲ್ಯು.

ಮಾರ್ಕ 7:1

ಬಾದ್‌ಮ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ವಚನ್ ಶಿಕಾಡವಾಳು ಶಾಸ್ತ್ರೀಮ ಥೋಡು ಜ಼ಣು ಯೇಸುಕನ ಐನ್ ಅಶ್‌ಪಿಶ್‌ ಭರಾಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:15

ಕತೋಬಿ, ಇವ್ಣಾಮ ಥೋಡು ಜ಼ಣು, “ಆ, ಭೂತ್ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನೊ ಶಕಥ್ಥಿ, ಭೂತ್ ಖ್ಹಾರಾನ ಕಾಡಸ್ತೆ” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:17

ಏಕ್‌ ದನ್ನೆ ಯೇಸು ವಚನ್‍ ಬೋಲಿ ದೆವ್‍ಕರ್‌ತೋಥೊ. ಗಲಿಲಾಯ ಅಜು಼ ಯೂದಾಯ ತಬರ್‌ಖಾನು ತಮಾಮ್‌ ಗಾಮ್‌ಥು ಅಜು಼ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಹಿಜ್ಜಾ಼ ಬೆಠೂಥು. ರೋಗ್‌-ರಾಯೊ ಅಛ್ಛು಼ ಕರಾನವಾಖ್ಹ್‌ತೆ ಪ್ರಭುನಿ ಶಕತ್ ಯೇಸುಮ ಥೀ.‌

ಯೋಹಾನ 10:22

ತದೆ ಯೆರೂಸಲೇಮ್ಮ ಮಂದಿರ್‌ನು ಉಜಾ಼ಖ್ಹ್‌ನಿ ಪೂಜಾ಼ ಚಾ಼ಲುಕರ್ತುಥು, ತದೆ ಠಣ್ಣಾ ದನ್ ಹುಯಿರ‍್ಹಾಥ.

ಯೋಹಾನ 7:20

ತದೆ ಯೋ ಅದ್ಮಿಖ್ಹಾರು, “ತುನ ಭೂತ್ ಧರಿರಾಖ್ಯುಸ್ ತುನ ಮರ್‌ನಾಕ್ಣು ಕರಿ ಕೋಣ್ ಢೂಂಡ್‌ಷೆ?” ಕರಿ ಬೋಲ್ಯು.

ಯೋಹಾನ 8:48

ತದೆ ಯೆಹೂದ್ಯರ್‌ನೆ ಯೇಸುನ ಬೋಲ್ಯು,ಹಮೆ ಬೋಲಾನು ಬರಾಬರ್‌ ಕಾಹೆಕಿ ಶು? “ತೂ ಸಮಾರಿಯಾವಾಳೊ ಅಜು಼ ತಾರಾಮ ಭೂತ್‌ ಛಾ಼” ಕರಿ ಬೋಲ್ಯು.

ಯೋಹಾನ 8:52

ಇನ ಯೆಹೂದ್ಯವಾಳನೆ, “ತುನ ಭೂತ್‌ ಧರಿರಾಖ್ಯುಸ್ ಕರಿ ಹಮ್ಕೆ ಹಮೂನ ಮಾಲುಮ್ ಪಡ್ಯು! ಅಬ್ರಹಾಮ್‌ ಮರಿಗಯೊ, ಅಜು಼ ಪ್ರವಾದಿ ಖ್ಹಾರುಬಿ ಮರಿಗಯು, ತೋಬಿ ತೂ ಬೋಲಸ್ಕಿ, ಮೆ ಶಿಕಾಡನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆಕೊಯ್ನಿ ಕರಿ.