ಮಾರ್ಕ 2:25 - ದೇವ್ನಿ ಖ್ಹಾಚಿ ವಚನ್

²⁵ ಯೇಸುನೆ ಇವ್ಣುನ, “ದಾವೀದ್‌ಬಿ ಇನ ಜೋ಼ಡ್ಮ ರ‍್ಹವಾಳು ಖಾಣು ಕೊಂತೆ ವಖ್ಹತ್‌ಮ, ಜಾ಼ಖ್ಹತ್ ಭುಕ್ ಲಾಗಖ್ಹತರ್, ದಾವೀದ್‌ನೆ ಶಾತ್‌ ಕರ‍್ಯೊ ಕರಿ ತುಮೆ ಕದೇಬಿ ಪಢ್ಯಾಕೊಯ್ನಿಕಿಶು?

ಮಾರ್ಕ 2:25 ပူးပေါင်းရင်းမြစ်များ

ಮತ್ತಾಯ 19:4

ತದೆ ಯೇಸುನೆ, “ಅದ್ಮಿನ ಉಬ್‌ಜಾ಼ಯೋತೆ ಇನೆ ಶುರುವಾತ್‌ಥೂಸ್ ಇವ್ಣುನ ಪರ್ಖ್ಹೊ ತಯೇಡಕರಿ, ಬಣಾಯೊ ಕರಿ ವಚನ್‌ಮ ಛಾ಼ತೆ ಇನ ತುಮೆ ಪಢಿರಾಖ್ಯಕೊಯ್ನಿಕಿ ಶು?

ಮತ್ತಾಯ 21:16

ಇನಖ್ಹಾಜೆ ಇವ್ಣೆ ಯೇಸುನ, “ಅವ್ಣೆ ಬೋಲುಕರಾತೆ ಇನ ತೂ ಖ್ಹಮ್‌ಜು಼ಕರಾಸ್ಕಿ ಶು?” ಕರಿ ಪುಛಾ಼ವ್‌ತಾನ, ಯೇಸುನೆ, “ಓಹೊ, ಖ್ಹಮ್‌ಜು಼ಕರೂಸ್, ‘ಅಡ್ಡಾಣಿ ಲಡ್ಕಾವ್‍ನ ಮ್ಹೋಡವಾಟೆ ಅಜು಼ ದೂದ್ ಪಿಯ್ಯಾವಾಳ ಲಡ್ಕಾವ್ನ ಮ್ಹೋಡವಾಟೆ ಸ್ತುತಿ ಕರಾಯೊ’ ಕರಿ ವಚನ್‌ಮ ಛಾ಼ತೆ ಇನ ತುಮೆ ಪಢ್ಯಾಕೊಯ್ನಿಕಿ ಶು?” ಕರಿ ಬೋಲ್ಯೊ.

ಮತ್ತಾಯ 21:42

ಯೇಸುನೆ ಇವ್ಣುನ, “ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್, ಅಖ್ಖೇಥಿ ಹೋಣುತೆ ಕೋಣಾನೊ ಬಂಡೊ ಹುಯೊ. ‘ಆ ಪ್ರಭುನೇಸ್ ಕರ‍್ಯೊತೆ, ಆ ಅಪ್ಣ ಡೋಳಾಮ ಆಶ್ಚರ್ಯ ದೆಖಾವಸ್!’ ಕರಿ ಧರ್ಮಶಾಸ್ತ್ರಮ ಛಾ಼ತೆ ತುಮೆ ಕದೆತೋಬಿ ಪಢ್ಯಾಕೊಯ್ನಿಕಿ ಶು?

ಮತ್ತಾಯ 22:31

ಮರವಾಳು ಜಿವ್ತುಹುಯಿನ್ ಆವ್‌ಶೇತೆ ಬಾರೇಮ ದೇವ್ನೆ ಬೋಲ್ಯೋತೆ ಇನ ತುಮೆ ಪಢ್ಯಾಕೊಯ್ನಿಕಿ ಶು?

ಮತ್ತಾಯ 4:2

ಯೇಸು ಚಾ಼ಳಿಖ್ಹ್ ರೋಜ಼್‌ ರಾತ್‌-ದನ್ ಉಪವಾಸ್ ರ‍್ಹವಾನ ಬಾದ್‌ಮ, ಇನ ಭುಕ್‌ಲಾಗ್ಯು.

ಮಾರ್ಕ 12:20

ಖ್ಹಾತ್‌ಜ಼ಣ ಭೈಯೆ ಥಾ; ಇವ್ಣಾಮ ಪಹಿಲೊ ಭೈ ವ್ಯಹಾ ಕರೀನ್ ಲಡ್ಕಾಕೊಂತೆ ಮರಿಗಯೊ.

ಮಾರ್ಕ 12:26

ಕತೋಬಿ ‘ಮರವಾಳು ಜಿವ್ತುಹುಯಿನ್ ಉಟ್‍ಶೇತೆ’ ಇನಿ ಬಾರೇಮ ಬೋಲ್‌ನು ಕತೊ, ‘ಮೇ ಅಬ್ರಹಾಮ್‌ನೊ ದೇವ್, ಇಸಾಕನೊ ದೇವ್, ಯಾಕೋಬನೊ ದೇವ್’ ಕರಿ ದೇವ್ನೆ ಮೋಶೆನ ಬೋಲ್ಯೊತೆ ಇನ ಮೋಶೇನು ಪುಸ್ತಕ್‌ಮ ಆಗ್‍ನಿ ಡಾಗ್‌ನಿ ಬಾರೇಮ ಛಾ಼ತೆ ವಚನ್ನು ಭಾಗ್‌ಮ ಪಢಿರಾಖ್ಯಕೊಯ್ನಿಕಿ ಶು?

ಮಾರ್ಕ 2:24

ಫರಿಸಾಯರ್‌ವಾಳು ಅನ ದೇಖಿನ್ ಯೇಸುನ, “ದೇಕ್, ಅವ್ಣೆ ಸಬ್ಬತ್‌ ದನ್ಮ ನಿಯಮ್‌ಕೊಂತೆ ಕಾಮ್ ಶನ ಕರಾಸ್?” ಕರಿ ಬೋಲ್ಯು.

ಮಾರ್ಕ 2:26

ಇನೆ ಗಲ್‌ಢಯಾಜಕ್ ಅಬಿಯಾತರ್‌ನ ಹಗಾಮ್ಮ ದೇವ್ನ ಮಂದಿರ್‌ಮ ಜೈ಼ನ್‌, ಯಾಜಕರಸ್‌ ಖಲಿಖಾವ್ಣುಥುತೆ ಪಣ್ಕಿ ಕೋಣ್‌ಬಿ ನಾ ಖಾವ್ಣುಕರಿ ತದ್ನಿ ಖಾನುಲ್‌ಮ, ದೇವ್ನ ಖ್ಹಾಮೆ ಮ್ಹೇಲಾತೆ ರೋಟಾನ ಖೈನ್, ಇನ ಜೋ಼ಡ್ಮ ರ‍್ಹಾವಾಳನಾಬಿ ದಿದೋನಿ?” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:26

ತದೆ ಯೇಸುನೆ ಇನ, “ಮೋಶೇನು ಧರ್ಮಶಾಸ್ತ್ರಮ ಶಾತ್‌ ಲಿಖೈರ‍್ಹುಸ್? ಇನ ತೂ ಕಿಮ್ ಪಢ್ಯೋಥೊ?” ಕರಿ ಪುಛಾ಼ಯೊ.