ಮಾರ್ಕ 2:22 - ದೇವ್ನಿ ಖ್ಹಾಚಿ ವಚನ್

²² ಇಮ್ಮಸ್ ಕೋಣ್‌ಬಿ ಜೂ಼ನಿ ಚಾ಼ಂಬ್ಡಾನಿ ತಿತ್ತಿಯೇಮ ನವು ದ್ರಾಕ್ಷಿನು ರಖ್ಹ್‌ ಭರಿ ಮ್ಹೇಲಾಕೊಯ್ನಿ, ಇಮ್‌ ಭರಿ ಮ್ಹೇಲ್ಯೂತೊ, ಯೋ ನವು ದ್ರಾಕ್ಷಿನು ರಖ್ಹ್‌ ಯೋ ಜೂ಼ನಿ ಚಾ಼ಂಬ್ಡಾನಿ ತಿತ್ತಿನ ಫೋಡಿನಾಖಸ್. ತದೆ ದ್ರಾಕ್ಷಿನು ರಖ್ಹ್‌ಬಿ ಚಾ಼ಂಬ್ಡಾನಿ ತಿತ್ತಿಯೇಬಿ ಭೇ ಖರಾಬ್ ಹುಯಿಜಾ಼ಸ್. ಇನಾಖ್ಹಾಜೆ ನವು ದ್ರಾಕ್ಷಿನ ರಖ್ಹ್‌ನ ನವ ಚಾ಼ಂಬ್ಡಾನಿ ತಿತ್ತಿಯೇಮ ಭರಿ ಮ್ಹೇಲಾಸ್” ಕರಿ ಬೋಲ್ಯೊ.

ಮಾರ್ಕ 2:22 ပူးပေါင်းရင်းမြစ်များ

ಮತ್ತಾಯ 9:17

ಅತ್ರೇಸ್ ಕಾಹೆತೆ, ಜೂ಼ನಿ ಚಾ಼ಂಬ್ಡಾನಿ ತಿತ್ತಿಯೇಮ ನವು ದ್ರಾಕ್ಷಿನುರಖ್ಹ್‌ ಭರಿನ್‌ ಕೋ ಮ್ಹೇಲಾನಿ, ಇಮ್‌ ಮ್ಹೇಲ್ಯುತೊ ಚಾ಼ಂಬ್ಡಾನಿ ತಿತ್ತಿಯೆ ಫುಟಿನ್‌, ದ್ರಾಕ್ಷಿನು ರಖ್ಹ್‌ ಭಾರ್ ರಂಚೈ಼ಜಾ಼ಸ್‌, ಅಜು಼ ತಿತ್ತಿಯೇಬಿ ಬರ್ಬಾತ್ ಹುಯಿಜಾ಼ಸ್. ಇನಖ್ಹಾಜೇಸ್ ನವು ದ್ರಾಕ್ಷಿನು ರಖ್ಹ್‌ನ ನವಿ ತಿತ್ತಿಯೇಮ ಭರಿನ್‌ ಮ್ಹೇಲಾಸ್, ತದೆ ಭೇಬಿ ಬಚಿಜಾ಼ಸ್‌” ಕರಿ ಬೋಲ್ಯೊ.

ಮಾರ್ಕ 2:21

ಕೋಣ್‌ಬಿ ಫಾಟಿಹುಯು ಜೂ಼ನ ಲುಂಗ್ಡಾನ ಕೇಡೆ ನವು ಲುಂಗ್ಡಾನು ಥಿಗ್‌ಳು ಲಗಾಡಿನ್ ಶಿವಾಕೊಯ್ನಿ, ಇಮ್‌ ಶಿವಿತೊ ಯೋ ನವು ಲುಂಗ್ಡಾನು ಥಿಗ್‌ಳು ಖೇಚಾ಼ವಸ್ತೆ ಇನಖ್ಹಾಜೆ, ಯೋ ಜೂ಼ನು ಲುಂಗ್ಡು ಬಿಜೂ಼ಬಿ ಜಾ಼ಖ್ಹತ್ ಫಾಟಿಜಾ಼ಸ್‌.

ಮಾರ್ಕ 2:23

ಯೇಸು ಸಬ್ಬತ್‌ನ ರೋಜೆ, ಇನ ಶಿಷ್ಯರ್‌ನ ಜೋ಼ಡೆ ಖೇತರ್‌ಮಾಕರಿ ವಳ್ಯೊಜಾ಼ತೋಥೊ, ತದೆ ಇನ ಶಿಷ್ಯರ್‌ನೆ ಖಾವಾನಖ್ಹಾಜೆ ಥೋಡು ಬುಟ್ಟಾ ತೋಡಿಲಿದ.