ಮಾರ್ಕ 2:18 - ದೇವ್ನಿ ಖ್ಹಾಚಿ ವಚನ್

¹⁸ ಬಾಪ್ತಿಸ್ಮ ದ್ಯವಾಳೊ ಯೋಹಾನನು ಶಿಷ್ಯರ್‌ಬಿ, ಫರಿಸಾಯರ್‌ನು ಶಿಷ್ಯರ್‌ ಉಪವಾಸ್ ಥು. ತದೆ ಥೋಡು ಅದ್ಮಿ ಯೇಸುಕನ ಆಯಿನ್, “ಯೋಹಾನನು ಶಿಷ್ಯರ್‌ಬಿ ಫರಿಸಾಯರ್‌ನು ಶಿಷ್ಯರ್‌ ಖ್ಹಾರು ಉಪವಾಸ್ ರ‍್ಹೇಸ್‌ನಿ, ತಾರು ಶಿಷ್ಯರ್‌ ಶನ ಉಪವಾಸ್ ಕೋ ರ‍್ಹೇಯ್ನಿ?” ಕರಿ ಪುಛಾ಼ಯು.

ಮಾರ್ಕ 2:18 ပူးပေါင်းရင်းမြစ်များ

ಮತ್ತಾಯ 23:5

ಇವ್ಣೆ ಅದ್ಮಿನ ಖ್ಹಾರು ದೆಖಾವಾದೆ ಕರಿ ಇವ್ಣು ಕಾಮ್ನ ಕರಾಸ್. ವಚನ್ ಲೀಖೈರ‍್ಹೂತೆ ಪಟ್ಟಿಯೇನ ತಾಳ್ವಪರ್ ಅಜು಼ ಡಂಟ್‌ಪರ್ ಭಾಂದಿರಾಖಾಸ್ತೆ ದೇಖೊ. ಇವ್ಣೆ ಪೇರ‍್ಹಾಸ್ತೆ ಝ಼ಗ್ಗಾವ್‍ನ ಗೊಂಡಾನ ಲಾಂಬು ಕರಿಲೇಸ್!

ಮತ್ತಾಯ 6:16

“ತುಮೆ ಉಪವಾಸ್ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಾಳನಿಘೋಣಿ ಮ್ಹೋಡು ನಾ ಮುರ್‌ಝೈ಼ಲೇಣು. ಇವ್ಣೆ ಉಪವಾಸ್ ಛಾ಼ ಕರಿ ಅದ್ಮಿಯೇನ ವತಾಳಿಲೆವಾನಖ್ಹಾಜೆ ಇವ್ಣು ಮ್ಹೋಡಾನ ಇಮ್‌ ಕರಿಲೇಸ್, ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದೇಸ್‌ ಮಳಿಗಯು.

ಮತ್ತಾಯ 6:18

ಅಮ್ ಕರ‍್ಯೋತೊ, ತೂ ಉಪವಾಸ್ ಛಾ಼ ಕರಿ ಅದ್ಮಿಯೇನ ಮಾಲುಮ್‌ ಕೋ ಪಡ್‌ಶೇನಿ, ಕತೋಬಿ ದಿಲ್ಮ ರ‍್ಹವಾಳ ತಾರ ಬಾನ ಯೋ ಮಾಲುಮ್‌ಪಡ್‍ಶೆ. ದಿಲ್ಮ ಚಾ಼ಲಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.

ಮಾರ್ಕ 2:19

ತದೆ ಯೇಸುನೆ ಇವ್ಣುನ, “ವ್ಯಹಾನ ಆಯೂತೆ ಅದ್ಮಿ ಇವ್ಣ ಜೋ಼ಡೆ ನೌಶೊ ರ‍್ಹವಾಪರ್ ಉಪವಾಸ್ ರಹೆಜಾ಼ಯ್‌ ಕಿಶು? ನೌಶೊ ವ್ಯಹಾನಘರ್‌ಮ ಇವ್ಣ ಜೋ಼ಡೆ ರ‍್ಹಾವಾಲಗು ಇವ್ಣೆ ಉಪವಾಸ್ ಕೋ ರ‍್ಹೇಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:12

ವಾರಾನ ಬೇಹಲ್ಲ ಉಪವಾಸ್ ರ‍್ಹವುಸ್, ಅಜು಼ ಮೇ ಕಮಾವ್‌ಸ್ತೆ ಖ್ಹಾರಾಸ್‌ಮಾಬಿ ದಖ್ಹ್‌ಮ ಏಕ್‌ ಭಾಗ್‌ ದೆವುಸ್’ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:3

ಇವ್ಣೆ ದೇವ್‌ಥಿ ಮಳಾತೆ ನೀತಿನ ನಾಮಾಲುಮ್‌ ಕರ್ಲಿನ್ ಶೊಂತ್‌ ನೀತಿನಾಸ್ ರಾಖಾನ ಕೋಶಿಶ್‌ ಕರುಕರಾಸ್ತೆಖ್ಹಾಜೆ ದೇವ್ನಿ ನೀತಿನ ಹೇಟುಕೊಹುಯುನಿ.