ಮಾರ್ಕ 2:16 - ದೇವ್ನಿ ಖ್ಹಾಚಿ ವಚನ್

¹⁶ ಹಿಜ್ಜಾ಼ ಪರಿಸಾಯರ್‌ನಿ ಝೂ಼ಂಡ್‌ವಾಳು ಹುಯಿರ‍್ಹುಥೂತೆ, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಮ ಥೋಡು ಜ಼ಣು, ಯೇಸು ಶುಂಕ ಮಾಂಗವಾಳನ ಅಜು಼ ಪಾಪಿ ಅದ್ಮಿನ ಜೋ಼ಡೆ ಖಾಣು ಖಾತಾನ ದೇಖ್ಯು. ತದೆ ಇವ್ಣೆ ಯೇಸುನ ಶಿಷ್ಯರ್‌ನ, “ಯೋ ಅಮ್ನಅದ್ಮಿನ ಜೋ಼ಡೆ ಶನ ಖಾಣು ಖಾಸ್ತೆ?” ಕರಿ ಬೋಲ್ಯು.

ಮಾರ್ಕ 2:16 ပူးပေါင်းရင်းမြစ်များ

ಮತ್ತಾಯ 18:17

ಯೋ ಇವ್ಣಿ ವಾತೇನಾಬಿ ನಾ ಖ್ಹಮ್‌ಜ್ಯೊತೊ, ಸಭೆನ ಬೋಲ್, ಯೋ ಸಬೇನಿ ವಾತೇನಾಬಿ ನಾ ಖ್ಹಮ್‌ಜ್ಯೋತೊ ಯೋ ದೇವ್‌ಮ ವಿಶ್ವಾಸ್‍ಕರಾಕೊಂತೆ ನತರ್‌ಕಿ ಶುಂಕ ಮಾಂಗವಾಳ ಅದ್ಮಿನಿಘೋಣಿ ಇನ ದೇಕ್.

ಮತ್ತಾಯ 5:46

ತುಮೂನ ಪ್ಯಾರ್ ಕರಾವಾಳನಾಸ್‌ ತುಮೆ ಪ್ಯಾರ್ ವತಾಳ್ಯಾತೊ ದೇವ್ ತುಮೂನ ಶನ ಇನಾಮ್ ದಿಶೆ? ಶುಂಕವಶೂಲ್‍ ಕರವಾಳುಬಿ ಅಮ್ಮಸ್ ಕರಾಸ್ನಿ!

ಮತ್ತಾಯ 9:11

ಫರಿಸಾಯರ್‌ನೆ ಅನದೇಖಿನ್‌, ಯೇಸುನ ಶಿಷ್ಯರ್‌ನ, “ತುಮಾರೊ ಗುರು ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.

ಮಾರ್ಕ 2:15

ಅನ ಬಾದ್‌ಮ ಯೇಸು ಲೇವಿನ ಘರ್‌ಮ ಖಾಣನ ಬೆಠೋಥೊ. ಇನ ಪೀಠೆ-ಪೀಠೆ ಆಯುಹುಯು ಘಣು ಜ಼ಣು ಶುಂಕ ಮಾಂಗವಾಳು ಅಜು಼ ಪಾಪಿಖ್ಹಾರು, ಯೇಸು ಅಜು಼ ಇನ ಶಿಷ್ಯರ್‌ನ ಜೋ಼ಡೆ ಖಾಣನ ಬೆಠೂಥು.

ಮಾರ್ಕ 2:7

ಇವ್ಣೆ, “ಆ ಅಮ್ ಶನ ಬೋಲಾಸ್ತೆ? ಆ ದೇವ್ನ ಚಿಂಘಾವ್ಣಿ ಕರಾನಿ ವಾತೆ, ದೇವ್ನ ಮ್ಹೇಲಿನ್ ಬಿಜು಼ ಕಿನೇಥಿ ಪಾಪ್‌ಖ್ಹಾರು ಮಾಪ್‌ ಕರಾನ ಹುವಾನು? ಕರಿ ಇವ್ಣ-ಇವ್ಣ ದಿಲ್ಮ ಸೋಚಾಲಗ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:11

ಫರಿಸಾಯರ್‌ವಾಳೊ ಭೀರಿನ್, ಪ್ರಾರ್ಥನೆ ಕರಾನಿ ವಖ್ಹತ್‌ಮ, ‘ಓ ದೇವ್, ಲೂಟಿ ಕರಾವಾಳು, ಠಗಾವವಾಳು, ವ್ಯಬಿಚಾರ್‌ ಕರಾವಾಳು ಅಲಕ್ ಅದ್ಮಿವೊನಿಘೋಣಿ ಮೇ ಕಾಹೆ. ಆ ಶುಂಕ ವಶೂಲ್ ಕರಾವಾಳಾನಿ ಘೋಣಿಬಿ ಮೇ ಕಾಹೆತೆ, ಇನಖ್ಹಾಜೆ ತುನ ಧನ್ಯವಾದ್ ಕರುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:10

ಶನಕತೊ ಅದ್ಮಿನೊ ಛಿಯ್ಯೊ, ಗುಮೈಗೂತೆ ಇನ ಢೂಂಡಿನ್ ಬಚಾ಼ಡನಖ್ಹಾಜೆ ಐರ‍್ಹೋಸ್ತೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:7

ಅನ ದೇಖಿನ್‌ ಅದ್ಮಿಖ್ಹಾರು, “ಯೇಸು ಪಾಪಿನ ಘರ್‌ಮ ಮೆಹಮಾನ್ ಹುಯಿನ್ ವಳ್ಯೊಜಾ಼ಸ್‌” ಕರಿ ಭಣ್‌ಕ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:30

ಅನ ದೇಖಿನ್, ಫರಿಸಾಯರ್ ಅಜು಼ ಇವ್ಣಿ ಝೂ಼ಂಡ್‌ನ ಮಳಿಹುಯು ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಖ್ಹಾರು ಯೇಸುನ ಶಿಷ್ಯರ್‌ಪರ್ ಮಶ್ಲಾ ಮಾರ್‌ತುಹುಯಿನ್, “ತುಮೆ ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:9

ತದೆ ಯೋ ಯೆಹೂದ್ಯರ್‌ಮ ಘಣಿ ಗಲಾಟ್ ಹುಯು ಫರಿಸಾಯರ್‌ನ ಝೂ಼ಂಡ್‌‍ನು ಥೋಡು ಧರ್ಮ ಬೋಧನೆ ಕರವಾಳು ಉಠಿಭೀರಿನ್, “ಆ ಅದ್ಮಿಮ ಶನೀಬಿ ಅಪರಾದ್ ದೇಖವ್‌ಕರಕೊಯ್ನಿ. ದಮಸ್ಕನ ಜಾ಼ವಾನಿ ವಾಟ್‌ಮ ದೇವ್‌ದೂತರ್‌ಕೀ, ಆತ್ಮಾಕಿ, ಇನಜೋ಼ಡೆ ವಾತ್‍ಬೋಲಿರಾಕ್ಣು ಕರಿ ಅಬ್ಬಾಜ಼ಬ್ಬಿ ವಾತೆ ಚಾ಼ಲಿ.

1 ಕೊರಿಂಥ 2:15

ಪವಿತ್ರಾತ್ಮನ ಲೀರಾಖವಾಳೊ ತೀರ್ಪ್ ಕರೆಜಾ಼ಯ್. ಕತೋಬಿ ಇನ ಬಿಜು಼ ಕೋಣ್‌ಬಿ ವಿಚಾರ್ ಕರಾನ ಕೋ ಹುವಾನಿ.

ಇಬ್ರಿ 12:3

ತುಮೆ ದಿಲ್‌ಹೇಟು ನಾ ಕರಾವಾಳ ಹುಯಿನ್ ಬೇಜಾರ್ ನಾಖಾವ್ಣುತೆ ಯೇಸುನಿ ಬಾರೇಮ ಸೋಚಿದೇಖೊ. ಯೊ ಪಾಪಿಯೇವ್ ಖ್ಹಾರಾಥಿ ಕೆತ್ರೇಕ್ಕಿ ವಿರೋದ್ನ ಖ್ಹಮಾಳಿಲಿದೊ.