ಮಾರ್ಕ 2:13 - ದೇವ್ನಿ ಖ್ಹಾಚಿ ವಚನ್

¹³ ಯೇಸು ಪಾಛೊ಼ಫರಿನ್ ಗಲಿಲಾಯ ದರ‍್ಯಾವ್ನ ಕನಾರೆಕನ ಗಯೊ. ಅದ್ಮಿನಿ ಝೂ಼ಂಡ್‌ಖ್ಹಾರು ಇನಾಕನ ಆವಾದಿನ್, ಯೇಸು ಇವ್ಣುನ ವಚನ್ ಬೋಲಿ ದೆವಾಲಗ್ಯೊ.

ಮಾರ್ಕ 2:13 ပူးပေါင်းရင်းမြစ်များ

ಮತ್ತಾಯ 13:1

ಯೋಸ್‌ ದನ್ಮ ಯೇಸು ಘರ್‌ಥೊ ನಿಕ್ಳಿನ್, ದರ‍್ಯಾವ್‍ನ ಕನಾರೆಕನ ಜೈ಼ನ್‌, ಬೇಶಿಗಯೊ.

ಮತ್ತಾಯ 9:9

ಯೇಸು ಹಿಜ್ಜಾ಼ಥೊ ಜಾ಼ತೊರ‍್ಹವಾನಿ ವಖ್ಹತ್‌ಮ, ಶುಂಕ ಮಾಂಗವಾಳೊ ಮತ್ತಾಯ ಕರಿ ಏಕ್‌ ಜ಼ಣೊ, ಶುಂಕ ಮಾಂಗಾನಿ ಝ಼ಗೋಪರ್ ಬೆಠೊಥೋತೆ ದೇಖಿನ್, ಯೇಸು ಇನ, “ಮಾರ ಪೀಠೆ ಆವ್” ಕರಿ ಬೋಲ್ಯೊ. ತದೆ ಮತ್ತಾಯ ಉಠೀನ್, ಇನ ಪೀಠೆ ಗಯೊ.

ಮಾರ್ಕ 1:45

ಕತೋಬಿ ಯೋ ಚ಼ಲ್ಯೂಜೈ಼ನ್, ಯೇಸುನೆ ಇನ ಅಛ್ಛು಼ ಕರ‍್ಯೊ ಕರಿ ಬೋಲಿನ್‌ ಖ್ಹಾರಿ ಬಾಜು಼ಮ ಫೈಲೈನಾಖ್ಯು. ಅನೇಥಿ ಯೇಸು ಬಿಜು಼ ಖೆವ ಗಾಮ್ಮಾಬಿ ಖ್ಹಾರಾನ ದೆಖಾವಾನಿ ಘೋಣಿ ಜಾ಼ವಾನ ಕೋ ಹುಯುನಿ. ಇನಾಖ್ಹಾಜೆ ಯೇಸು ಭಾರ್‌ ಉಜ್ಜಾ಼ಡಿ ಝ಼ಗೋಮ ಜೈ಼ನ್ ಥೊ, ತೋಬಿ ಚಾರ‍್ಹೆ ಆಡಿಥು ಅದ್ಮಿಖ್ಹಾರು ಇನಾಕನ ಅವ್‌ಕರ್ತುಥು.

ಮಾರ್ಕ 10:1

ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಯೂದಾಯ ತಬರ್‌ಖಾನ ಗಯೊ, ಅಜು಼ ಯೊರ್ದನ್‌ ನದ್ದಿನು ಬಿಜೇಕ್‌ ಆಡಿನು ತಬರ್‌ಖಭಣಿ ಆಯೊ. ಹಿಜ್ಜಾ಼ ಅದ್ಮಿನಿ ಝೂ಼ಂಡೆ ಇನಾಕನ ಐನ್ ಭರಾವಖ್ಹತರ್, ಯೋ ಕದೇಬಿ ಕರ್ತೊಥೋತೆ ಇಮ್ಮಸ್ ವಚನ್ ಬೋಲಿದಿದೊ.

ಮಾರ್ಕ 2:2

ಅನ ಖ್ಹಮ್‌ಜಿನ್‌ ಘಣು ಅದ್ಮಿ ಐನ್ ಭರೈಜೈ಼ನ್, ಘರ್‌ನ ಮಹಿ ಗೋಡೊ ಮ್ಹೇಲಾನಬಿ ಝ಼ಗೊ ಕೋ ಥೂನಿ, ಬಾಕಲ್‍ಕನಾಬಿ ಝ಼ಗೊ ಕೋ ಥೂನಿ. ಯೇಸು ಇವ್ಣುನ ವಚನ್ ಬೋಲಿ ದೆವ್‍ಕರ್‌ತೋಥೊ.

ಮಾರ್ಕ 4:1

ಯೇಸು ಪಾಛೊ಼ ಗಲಿಲಾಯ ದರ‍್ಯಾವ್‍ನ ಕನಾರೆಕನ ವಚನ್ ಬೋಲಿ ದೆವ್‌ಕರ್ತೋಥೊ. ಘಣು ಅದ್ಮಿ ಇನಾಕನ ಐನ್ ಭರೈರ‍್ಹುಥೂತೆ ಇನಖ್ಹಾಜೆ ಯೇಸುನೆ ಪಾಣಿಮ ಭೀಥಿತೆ ಡೋಣ್‌ಪರ್‌ ಚ಼ಢೀನ್‌ ಬೇಶಿಗಯೊ. ಯೋ ಅದ್ಮಿಖ್ಹಾರು ಭಾರ್‌ ಕನಾರೆಕನ ಭರೈರ‍್ಹೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:48

ಕತೋಬಿ ಇನ ಖೆವಿ ತರಿಕಾಥಿ ಮರ್‌ನಾಖಿ ದಿಯೆಜಾ಼ಯ್ ಕರಿ ಬೋಲಾನು ಇವ್ಣ ಮಾಲುಮ್‌ ಕೋ ಪಡ್ಯುನಿ, ಶನಕತೊ ಅದ್ಮಿಖ್ಹಾರು ಯೇಸುನಿ ವಾತೆನ ಚಿಂತ್‌ಲಗಾಡಿನ್, ಖ್ಹಮ್‌ಜ಼್‌ತೂಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:38

ಅದ್ಮಿಖ್ಹಾರು ಇನಿ ವಚನ್ನ ಖ್ಹಮ್‌ಜಾ಼ನ ಟೇಕೆ, ದನ್‍ರೋಜ಼್ ಅಧಿರ‍್ಹೇಣೆಸ್‌ ಉಠೀನ್, ಮಂದಿರ್‌ಮ ಇನಾಕನ ಆವ್‌ತೂಥು.