ಮಾರ್ಕ 2:12 - ದೇವ್ನಿ ಖ್ಹಾಚಿ ವಚನ್

¹² ಅಮ್ ಬೋಲ್ತಾಸ್‌ನ ಇನೆ ಉಠೀನ್, ಇನಿ ಬಿಛಾ಼ವ್ಣಿನ ಪಳ್ಳಿನ್, ಅಖ್ಖಾನ ದೇಕ್ತಾಡೋಳೆ ಭಾದರ್ ಚ಼ಲೆಗಯೊ. ಅನ ದೇಖಿನ್ ಖ್ಹಾರುಜ಼ಣು ಘಣು ಅಶ್ಚರ್ಯಹುಯಿನ್, “ಹಮೆ ಹಂಕೆತೋಡಿ ಕದೇಬಿ ಅಮ್ನು ದೇಖೀಸ್‌ರಾಖ್ಯಕೊಯ್ನಿ” ಕರಿ ದೇವ್ನ ಸ್ತುತಿ ಕರ್ತುಹುಯಿನ್ ಬೋಲ್ಯು.

ಮಾರ್ಕ 2:12 ပူးပေါင်းရင်းမြစ်များ

ಮತ್ತಾಯ 12:23

ತದೆ ಯೇಸುನೆ ಕರ‍್ಯೊತೆ ಇನ ದೇಖಿನ್, ಅದ್ಮಿಖ್ಹಾರು ಆಶ್ಚರ್ಯಖೈನ್, “ಆ ದಾವೀದ್‌ನೊ ಛಿಯ್ಯೊಕಿ ಶು?” ಕರಿ ಬೋಲಿಲಿದು.

ಮತ್ತಾಯ 15:31

ಮುಕ್ಕುರ‍್ಹಾವಾಳು ವಾತೆ ಬೋಲ್ಯೂತೆ, ಹಾತ್‌ಗೋಡಾಕೊಂತೆ ಅದ್ಮಿಖ್ಹಾರು ಅಛ್ಛು಼ ಹುಯೂತೆ, ಲಂಗ್ಡುಖ್ಹಾರು ಚಾ಼ಲ್ಯುತೆ, ಕಾಣಾವ್ನ ಡೋಳಾ ಆಯೂತೆ, ಅದ್ಮಿಖ್ಹಾರು ದೇಖಿನ್‌ ಆಶ್ಚರ್ಯಖಾದು ಅಜು಼ ಇಸ್ರಾಯೇಲ್‌ನೊ ದೇವ್ನ ಸ್ತುತಿ ಕರ‍್ಯು.

ಮತ್ತಾಯ 9:33

ಯೇಸುನೆ ಯೋ ಭೂತ್‌ನ ನಖ್ಹಾಡಾನ ಬಾದ್ಮ, ಯೋ ಮುಕ್ಕೊ ವಾತೆ ಬೋಲಾಲಗ್ಯೊ. ತದೆ ಯೋ ಅದ್ಮಿಖ್ಹಾರು, “ಇಸ್ರಾಯೇಲ್‌ಮ ಅಮ್ನು ಕಾಮ್ನ ಹಮೆ ಕದೇಸ್‌ ಕೋ ದೇಖಿರಾಖ್ಯಾನಿ!” ಕರಿ ಆಶ್ಚರ್ಯಖಾದು.

ಮತ್ತಾಯ 9:8

ಅದ್ಮಿಖ್ಹಾರು ಅನದೇಖಿನ್‌, ಡರಿನ್‌, ದೇವ್ನೆ ಅದ್ಮಿನ ಅಮ್ನಿ ಅದಿಕಾರ್ ದಿದೋತೆ ಇನಖ್ಹಾಜೆ ದೇವ್ನ ಖ್ಹರಾಯು.

ಮಾರ್ಕ 1:27

ಅನ ದೇಖಿನ್‌ ಅದ್ಮಿಖ್ಹಾರು ಆಶ್ಚರ್ಯಖೈನ್, “ಆ ಶಾತ್ ನವಿ ತರ‍್ಹಾಥಿ ಬೋಲಿ ದೇಯಿತೆ? ಯೇಸು ಅದಿಕಾರ್‌ಥಿ ಭೂತ್‌ಅಖ್ಖಾನಬಿ ಹುಕುಮ್‌ ದೇಸ್‌ನಿ, ಭೂತ್‌ ಖ್ಹಾರುಬಿ ಇನಿ ವಾತ್ ಖ್ಹಮ್‌ಜಾ಼ಸ್‌ನಿ!” ಕರಿ ಏಕ್‌ಥಿ ಏಕ್‌ ಬೋಲಿಲಿದು.

ಮಾರ್ಕ 2:11

“ಉಟ್, ತಾರಿ ಬಿಛಾ಼ವ್ಣಿ ಪಳ್ಳಿನ್‌, ಘರೆ ಜಾ಼! ಕರಿ ಮೇ ತುನ ಬೋಲುಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:13

ಇನಾಪರ್ ಇನೊ ಹಾತ್‌ ಮ್ಹೇಲ್ಯೊ, ಮ್ಹೇಲ್‌ತಾಸ್‌ನ ಯೋ ಉಭು ಭೀರಿಗೈ ಅಜು಼ ಇನೆ ದೇವ್ನ ಸ್ತುತಿ ಕರಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:15

ಇವ್ಣಾಮ ಏಕ್‌ ಜ಼ಣು ಇನ ಅಛ್ಛು಼ ಹುಯೂತೆ ದೇಖಿನ್‌, ಚೋ಼ರ್ ಆವಾಜ಼್‌ಥಿ, ದೇವ್ನಿ ಖ್ಹರಾವ್ಣಿ ಕರ್ತುಹುಯಿನ್, ಪಾಛು಼ಫರಿ ಆಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:26

ದೇಖ್ಯೂತೆ ತಮಾಮ್‌ ಅದ್ಮಿನೆ ಘಣು ಆಶ್ಚರ್ಯಖಾದು! ಅಜು಼ ಡರ್‌ಥಿ ಭರೈನ್ ದೇವ್ನ ಖ್ಹರಾಯು, ಅಜು಼ ಬೋಲ್ಯೂಕಿ, “ಆಜ಼್ ಹಮೆ ಆಶ್ಚರ್ಯನು ಬಾರೇಮ ದೇಖ್ಯ!”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:16

ಅನ ದೇಖಿನ್, ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಡರಿನ್, ದೇವ್ನ ಸ್ತುತಿ ಕರ್ತುಹುಯಿನ್, “ಏಕ್‌ ಮಹಾನ್ ಪ್ರವಾದಿ ಅಪ್ಣಕನ ಐರ‍್ಹೋಸ್! ದೇವ್ ಇನ ಅದ್ಮಿನ ಬಚಾ಼ಡಾನ ಐರ‍್ಹೋಸ್” ಕರಿ ಬೋಲ್ಯು.

ಯೋಹಾನ 7:31

ಕತೋಬಿ ಝೂ಼ಂಡ್‌ಮ ಥೂತೆ ಘಣು ಅದ್ಮಿ ಇನಾಪರ್ ವಿಶ್ವಾಸ್‌ ಕರ‍್ಯು ಅಜು಼, “ಕ್ರಿಸ್ತ ಆಯೋತೊ ತದೆ, ಅನೆ, ಕರ‍್ಯೊತೆ ಅದ್ಭುತ್ ಕಾಮ್‍ಥೀಬಿ ಆಜೂ಼ಬಿ ಜಾ಼ಖ್ಹತ್ ಕಾಮ್ ಕರಾಸ್ಕಿಶುಕೀನಿ?” ಕರಿ ಬೋಲ್ಯು.

ಯೋಹಾನ 9:32

ಪೈದಾಖ್ಹ್‌ಥೂಸ್‌ ಕಾಣು ಹುಯಿರ‍್ಹೂತೆ ಏಕ್‌ ಅದ್ಮಿನ ಕೋಣ್‌ತೋಬಿ ಅಛ್ಛು಼ ಕರ‍್ಯುತೆ ಬಾರೇಮ ಜಗತ್‌ ಶುರುವಾತ್‌ಥು ಏಕ್‌ನೇಬಿ ಖ್ಹಮ್‌ಜಿರಾಖ್ಯು ಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:21

ಚಾ಼ಲ್ಯುತೆ ಖ್ಹಣೇದ್ನ ಕಾಮ್ನಖ್ಹಾಜೆ ಅದ್ಮಿಖ್ಹಾರು ದೇವ್ನ ಖ್ಹರವ್‌ಕರ‍್ತುಥು, ಇನಖ್ಹಾಜೆ ಅಪೊಸ್ತಲರ‍್ನ ಖ್ಹತಾವನ ಕಾರಣ್ ಮಳಿಕೊಂತೆ ಇನಖ್ಹಾಜೆ ಇವ್ಣುನ ಅಜೂ಼ಬಿ ಝೇತೈನ್‍ಮ್ಹೇಲಿದಿದು.