ಮಾರ್ಕ 16:13 - ದೇವ್ನಿ ಖ್ಹಾಚಿ ವಚನ್

¹³ ಇವ್ಣೆ ಜೈ಼ನ್ ಬಿಜ಼ ಖ್ಹಾರಾನ ಬೋಲ್ಯು, ಕತೋಬಿ ಅವ್ಣಿ ವಾತೆನಾಬಿ ಇವ್ಣೆ ನಂಬ್ಯುಕೊಯ್ನಿ.

ಮಾರ್ಕ 16:13 ပူးပေါင်းရင်းမြစ်များ

ಮತ್ತಾಯ 28:17

ಹಿಜ್ಜಾ಼ ಯೇಸುನ ದೇಖಿನ್, ಇನಖ್ಹಾಮ್ಣೆ ಆರಾದನೆ ಕರ‍್ಯು, ಕತೋಬಿ ಇವ್ಣಾಮ ಥೋಡು ಜ಼ಣು ಶಕ್ ಕರ‍್ಯು.

ಮಾರ್ಕ 16:11

“ಯೇಸು ಜಿವ್ತೊಹುಯಿನ್ ಉಠಿರ‍್ಹೋಸ್, ಮನ ದೆಖಾಯೊ” ಕರಿ ಇನೆ ಬೋಲಿತೆ ವಾತೆನ ಖ್ಹಮ್‌ಜ್ಯು, ಕತೋಬಿ ಇವ್ಣೆ ಇನ ವಿಶ್ವಾಸ್ ಕರ‍್ಯುಕೊಯ್ನಿ.

ಮಾರ್ಕ 16:14

ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಭರೈನ್ ಖಾಣು ಖವ಼್‌ಕರ್ತಥಾತೆ ತದೆ ಯೇಸು ಇವ್ಣುನಾಬಿ ದೆಖಾಯೊ. ಯೋ ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಇನ ದೇಖಾವಾಳನಿ ವಾತೆನ ಇವ್ಣೆ ನಂಬ್ಯುಕೊಂತೆ ಇನಾಖ್ಹಾಜೆ ಯೇಸುನೆ, ಇವ್ಣುನ ವಿಶ್ವಾಸ್‍ಕೊಂತೆ ಅಜು಼ ಇವ್ಣ ಬಂಡಾನ ದಿಲ್‌ನಖ್ಹಾಜೆ ಇವ್ಣುನ ಗುರ್‌ಕಾಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:31

ಕತೋಬಿ ಅಬ್ರಹಾಮನೆ ಇನ, ‘ಇವ್ಣೆ ಮೋಶೇನು ಅಜು಼ ಪ್ರವಾದಿಯೇನೂಸ್ ವಾತೇನ ಖ್ಹಮ್‍ಜ್ಯುನಾತೊ, ಮರ‍್ಯುಹುಯು ಏಕ್‌ ಜ಼ಣು ಜಿವ್ತುಹುಯಿನ್ ಉಠಿತೋಬಿ, ಇವ್ಣೆ ಮಾನ್‌ಶೆ ಕೊಯ್ನಿ’ ಕರಿ ಬೋಲ್ಯೊ.”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:11

ಕತೋಬಿ, ಅಪೊಸ್ತಲರ್ ಖ್ಹಾರು ಅವ್ಣಿ ವಾತೇನ ವಿಶ್ವಾಸ್ ಕರ‍್ಯುಕೊಯ್ನಿ. ಆ ಖ್ಹಾರಿ ವಾತೆ ಚು಼ಪ್‌ಕೇನಿಸ್ ಕರಿ ಸೋಚ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:41

ಕತೋಬಿ, ಇವ್ಣೆ ಬಿಜೂ಼ಬಿ ವಿಶ್ವಾಸ್‌ಕರ‍್ಯುಕೊಂತೆ, ಖ್ಹುಶಿಥಿ ಆಶ್ಚರ್ಯ ಖಾತಾನ ದೇಖಿನ್, ಯೇಸುನೆ ಇವ್ಣುನ, “ಹಜ್ಜಾ಼ ತುಮಾರಕನ ಶಾತ್‌ತೋಬಿ ಖಾವಾನು ರಾಛು಼ ಛಾ಼ಕಿ ಶು?” ಕರಿ ಪುಛಾ಼ಯೊ.

ಯೋಹಾನ 20:25

ಇನಖ್ಹಾಜೆ ಬಿಜಾ಼ಖ್ಹಾರ ಶಿಷ್ಯರ್‌ನೆ, “ಹಮೆ ಪ್ರಭುನ ದೇಖ್ಯ!” ಕರಿ ಇನ ಬೋಲ್ಯ. ಕತೋಬಿ ತೋಮನೆ, “ಮೇ ಇನ ಹಾತ್‌ಮ ಮೇಕೇಥಿ ಹುಯೂತೆ ಫೋಡಾನ ದೇಖಿನ್‌, ಯೋ ಮೇಕೆ ಮರೈತೆ ಝ಼ಗೋಮ ಮಾರಿ ಅಂಗ್‌ಳಿ ಘಾಲಿನ್, ಇನಿ ಪಾಖ್ಹ್‌ಳಿಮ ಮಾರಹಾತೇಥಿ ಛಿಮಾಶೆ ತುಮಾರಿ ವಾತೇನ ನಂಬುಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 20:8

ಅನಕೇಡೆಥು ಘವಿಕನ ಪಹಿಲೆ ಐನ್, ಪೊಚ್ಯೋತೆ ಯೋ ಬಿಜ್ಜೇಕ್‌ ಶಿಷ್ಯಬಿ ಮಹಿ ಜೈ಼ನ್‌ ದೇಖಿನ್‌, ವಿಶ್ವಾಸ್‌ ಕರ‍್ಯೊ.