ಮಾರ್ಕ 16:1 - ದೇವ್ನಿ ಖ್ಹಾಚಿ ವಚನ್

¹ ಸಬ್ಬತ್‌ ದನ್ ಖತಮ್ ಹುವಾನ ಬಾದ್‌ಮ, ಮಗ್ದಲನಿ ಮರಿಯ, ಯಾಕೋಬ್‍ನಿ ಆಯ ಮರಿಯ ಅಜು಼ ಸಲೋಮಿ ಯೇಸುನ ಮುರ್ದಾನ ಲಗಾಡನಖ್ಹಾಜೆ ಅಛ್ಛು಼ ವಾನುತೇಲ್‌ನ ಮೋಲ್ ಲಿದಿಯೆ಼.

ಮಾರ್ಕ 16:1 ပူးပေါင်းရင်းမြစ်များ

ಮಾರ್ಕ 14:3

ಯೇಸು ಬೇಥಾನ್ಯ ಗಾಮ್ಮ ಸೀಮೋನ್ನ ಘರ್‌ಮ ಥೊ, ಆ ಸೀಮೋನ್ನ ಖೋಡ್‍ ಲಾಗಿರ‍್ಹೂಥು. ಹಿಜ್ಜಾ಼ ಯೇಸು ಖಾಣು ಖಾವಾನಿ ವಖ್ಹತ್‌ಮ, ಏಕ್‌ ತಯೇಡ ನಾರ್ಡ್‌ಥಿ ಬಣಾಯುಹುಯು, ಘಣ ಮೋಲ್ನು ವಾನು ತೇಲ್ನ ಬಂಡಾನಿ ಶೀಶಿಮ ಲೀನ್ ಐನ್, ಯೋ ಶೀಶಿನ ಫೋಡಿನ್, ತೇಲ್ನ ಯೇಸುನ ಮಾಥಪರ್ ರಂಚಿ.

ಮಾರ್ಕ 14:8

ಅನೆ ಇನೊ ಹಾತ್‌ ಕೆತ್ರೆ ಹುವ್ವಾಸ್‌ಕಿ ಎತ್ರೆ ಕರಿರಾಖೀಸ್. ಮೇ ಮರ್‌ವಾನ ಅಗಾಡಿಸ್, ಮಾರು ಶರೀರ್‌ನ ಮಖ್ಹಾಣ್ಯು ಕರಾನ ಖ್ಹವಾರನಖ್ಹಾಜೆ ಅನೆ ಅಗಾಡಿಸ್ ಮಾರ ಆಂಗ್‌ತನ್‌ಪರ್ ವಾನು ತೇಲ್‌ಲಗಾಡಿರಾಖಿಸ್‌.

ಮಾರ್ಕ 15:40

ಹಿಜ್ಗಾ಼ ದೂರ್‌ಥು ಭೀರಿನ್‌ ಥೋಡಿ ತಯೇಡಾಬಿ ಆ ಖ್ಹಾರು ದೇಖುಕರ್ತಿಥಿಯೆ. ಅವ್ಣಾಮ ಮಗ್ದಲನಿ ಮರಿಯ, ನ್ಹಾನೊ ಯಾಕೋಬ್ ಅಜು಼ ಯೋಸೆನಿ ಆಯ ಹುಯಿರ‍್ಹೀಥೀತೆ ಮರಿಯ ಅಜು಼ ಸಲೋಮೀಬಿ ಥಿಯೆ. ಅವ್ಣೆ ಯೇಸು ಗಲಿಲಾಯಮ ಥೋತೆ ತದೆ ಇನ ಕೇಡೆಸ್ ರ‍್ಹೀನ್ ಇನಿ ಸೇವೆ ಕರಿಹುಯೆ಼. ಎತ್ರೇಸ್ ಕಾಹೆತೆ ಯೇಸುನ ಜೋ಼ಡ್ಮ ಯೆರೂಸಲೇಮ್ ‌ಆಯೆಥೀತೆ ಬಿಜಿ ತಯೇಡಾವ್‌ಬಿ ಹಿಜ್ಜಾ಼ ಥಿಯೆ.

ಮಾರ್ಕ 15:42

ತದೆ ಖ್ಹಾಂಜ಼್ ಹುಯಿಗಯುಥು; ಅಜು಼ ಯೋ ದನ್ ಖ್ಹವಾರಾನೊ ದನ್ ಹುಯಿರ‍್ಹೋಥೊ, ಕತೊ ಸಬ್ಬತ್ ದನ್ನ ಪೀಠೆನೊದನ್‌ ಹುಯಿರ‍್ಹೋಥೊ.

ಮಾರ್ಕ 15:47

ಹಿಜ್ಜಾ಼ ದೇಖುಕರ್‌ತಿಥಿಯೆ಼ತೆ ಮಗ್ದಲನಿ ಮರಿಯ ಅಜು಼ ಯೋಸೆನಿ ಆಯ ಮರಿಯನೆ ಯೇಸುನ ಶರೀರ್‌ನ ಮ್ಹೇಲ್ಯುತೆ ಝ಼ಗೋನ ದೇಖಿಯೆ಼.

ಮಾರ್ಕ 16:2

ವಾರಾನು ಪಹಿಲ ದನ್ನೆ ವ್ಹಾಣ್‌ಖ್ಹತ್ರೆಸ್, ದನ್ ನಿಕಳ್‌ತಾಸ್‌ನ, ಇವ್ಣೆ ಯೇಸುನ ಮ್ಹೇಲಿರಾಖ್ಯುಥೂತೆ ಘವಿಕನ ನಿಕ್ಳಿಯೆ಼.

ಮಾರ್ಕ 16:8

ತದೆ ಇವ್ಣೆ ಘಬ್‌ರೈಜೈ಼ನ್, ಕಾಪ್ತಿಹುಯಿನ್‌ ಭಾರ್‌ಆಯಿನ್, ಯೋ ಮಖ್ಹಾಣ್ಯನಿ ಘವಿಕಂಥು ನಾಶಿ ಚ಼ಲೀಗಯ್ಯೆ. ಇವ್ಣೆ ಡರ್‌ಥಿ, ಕಿನಾಬಿ ಶಾತ್‌ಬಿ ಕೋ ಬೋಲ್‌ಯೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:54

ಯೋ ದನ್ ಖ್ಹವಾರಾನೊ ದನ್ ಹುಯಿರ‍್ಹೋಥೊ, ಅಜು಼ ಜ಼ರ ಘಡಿಮಾಸ್ ಸಬ್ಬತ್‌ ದನ್ ಶುರು ಹುವಾಳು ಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:56

ತದೆ ಇವ್ಣೆ ಪಾಛು಼ಫರಿ ಘರೆಐನ್, ಅಛ್ಛು಼ ವಾನು ಜ಼ಡಿಬೂಠಿ ಅಜು಼ ವಾನುತೇಲ್‌ನ, ಯೇಸುನ ಶರೀರ್‌ಪರ್‌ ಲಗಾಡನಖ್ಹಾಜೆ ಖ್ಹವಾರಿಯೆ, ಮೋಶೇನು ಧರ್ಮಶಾಸ್ತ್ರಮ ಹುಕುಮ್‌ ದೀರಾಖ್ಯುತೆ ಇಮ್ಮಸ್ ಇವ್ಣೆ ಸಬ್ಬತ್ ದನ್ಮ ಅರಾಮ್‌ಕರಿಯೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:1

ವಾರಾನು ಪಹಿಲದನ್ನೆ, ಅಧಿರ‍್ಹೇಣೆಸ್‌ ಯೋ ತಯೇಡ ಖ್ಹಾರಿ, ಇವ್ಣೆ ಖ್ಹವಾರಿಯೆಥೀತೆ ಅಛ್ಛು಼ ವಾನುತೇಲ್‌ನ ಪಳ್ಳಿನ್‌, ಘವಿಕನ ಗಯ್ಯೆ.

ಯೋಹಾನ 19:25

ಯೇಸುನಿ ಶಿಲ್‌ಬೇನ ಖನ್ನೆ ಇನಿ ಆಯ, ಇನಿ ಆಯಾನಿ ಭೇನ್, ಕ್ಲೋಪಾನಿ ಬಾಯ್ಕೊ ಮರಿಯ, ಮಗ್ದಲನಿ ಮರಿಯ ಖ್ಹಾಮ್ಣೆ ಭೀಯ್ಯೆ಼ಥಿ.

ಯೋಹಾನ 19:31

ಯೋ ದನ್ ಶುಕ್ರವಾರ್‌ನೊ ದನ್ ಹುಯಿರ‍್ಹುಥು. ಇನಖ್ಹಾಜೆ ಯೆಹೂದ್ಯರ್‌ನ ಅದಿಕಾರಿಖ್ಹಾರನೆ ಸಬ್ಬತ್‌ ದನ್ಮ ಮುರ್ದು ಶಿಲ್‌ಬೆಪರ್ ನಾ ರ‍್ಹೇವ್ಣುಕರಿ ಪಿಲಾತಕನ, ಶಿಲ್‌ಬೇಪರ್ ಛಾ಼ತೆ ಇವ್ಣ ಗೋಡ ತೋಡೈನ್‌, ಹೇಟ್‌ ಉತಾರೈನಾಖನ ಹುಕುಮ್ ದೇ ಕರಿ ಬೋಲಿಲಿದು. ಶನಕತೊ ಯೋ ಸಬ್ಬತ್‌ ದನ್ ಘಣು ಪವಿತ್ರ ದನ್ ಹುಯಿರ‍್ಹುಥು.