ಮಾರ್ಕ 15:43 - ದೇವ್ನಿ ಖ್ಹಾಚಿ ವಚನ್

⁴³ ತದೆ ಅರಿಮಥಾಯ ಗಾಮ್‌ನೊ ಯೋಸೇಫ ಕರಿ ಏಕ್‌ ಜ಼ಣೊ ಘಟ್ ಜಾನ್‌ಥಿ ಪಿಲಾತಕನ ಐನ್, ಯೇಸುನ ಶರೀರ್‌ನ ಮನ ದೇ ಕರಿ ಬೋಲಿಲಿದೊ. ಆ ಯೋಸೇಫ ಮೋಟಿ ಸಭೆಮ ಘಣು ಮರ್ಯಾದಿನು ಅದ್ಮಿ ಹುಯಿರ‍್ಹೋಥೊ ಅಜು಼ ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಜ಼ಪಿರ‍್ಹೋತೊ.

ಮಾರ್ಕ 15:43 ပူးပေါင်းရင်းမြစ်များ

ಮತ್ತಾಯ 19:30

ಕತೋಬಿ ಹಮ್ಕೆ ಅಗಾಡಿ ಛಾ಼ತೆ ಕೈಯೆಕ್ಕಿ ಜ಼ಣು ಪಾಛ಼ಳ್ ಹುಯಿಜಾ಼ಶೆ ಅಜು಼ ಪಾಛ಼ಳ್ ಛಾ಼ತೆ ಕೈಯೆಕ್ಕಿ ಜ಼ಣು ಅಗಾಡಿ ಹುಯಿಜಾ಼ಶೆ.

ಮತ್ತಾಯ 20:16

“ಅಮ್ಮಸ್ ಪಾಛ಼ಳ್ ರ‍್ಹವಾಳು ಅಗಾಡಿ ಹುಯಿಜಾ಼ಶೆ, ಅಜು಼ ಅಗಾಡಿ ರ‍್ಹವಾಳು ಪಾಛ಼ಳ್ ಹುಯಿಜಾ಼ಶೆ.

ಮತ್ತಾಯ 27:57

ಖ್ಹಾಂಜ಼್ ಹುವಾದಿನ್, ಅರಿಮಥಾಯ ಗಾಮ್‌ನೊ ಯೋಸೇಫ ಕರಿ ಏಕ್ಜ಼ಣೊ ಶೌಕಾರಿ ಆಯೊ, ಆಬಿ ಯೇಸುನೊ ಶಿಷ್ಯ ಹುಯಿರೋಥೊ.

ಮಾರ್ಕ 14:54

ಪೇತ್ರ ದೂರ್‌ಥೋಸ್ ಯೇಸುನ ಪೀಠೆ-ಪೀಠೆ ಜಾ಼ತೋಹುಯಿನ್‌ ಗಲ್‌ಢಯಾಜಕ್‌ನ ಘರ್‌ನ ಖ್ಹಾಮ್ಣೆನು ಚೌ಼ಕ್‌ಕನ ಗಯೊ. ಹಿಜ್ಜಾ಼ ಆಗ್ ಶೇಕು ಕರ್ತುಥೂತೆ ಕಾವ್ಲಿ ಕರಾವಾಳನ ಜೋ಼ಡ್ಮ ಬೇಶಿನ್, ಯೋಬಿ ಆಗ್ ಶೇಕಾಲಗ್ಯೊ.

ಮಾರ್ಕ 15:44

ಪಿಲಾತನೆ ಯೇಸು ತದ್ದೇಸ್ ಮರಿಗಯೊ ಕರಿ ಖ್ಹಮ್‌ಜಿನ್‌ ಆಶ್ಚರ್ಯಖಾದೊ. ಅಜು಼ ಖ್ಹೋಶಿಪಾಯಿನೊ ಮೋಟಾನ ಬುಲೈನ್, “ಯೋ ತದ್ದೇಸ್ ಮರಿಗಯೊಕಿ ಶು?” ಕರಿ ಇನ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:25

ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:38

ಯೋಸ್ ವಖ್ಹತ್‌ಮ, ಅನ್ನ ಯೋ ಲಡ್ಕಾನ ಆಯ-ಬಾಕನ ಅಯಿನ್, ದೇವ್ನ ಧನ್ಯವಾದ್‌ಕರಿ ಕರಿ ಅಜು಼ ಯೆರೂಸಲೇಮ್‌ನಿ ಛುಟ್ಕಾರ್‌ನಿ ಬಾರೇಮ ಟಿವವ್‍ಕರ್ತುಥೂತೆ ಖ್ಹಾರಾವ್‌ನ, ಯೋ ಲಡ್ಕಾನಿ ಬಾರೇಮ ಬೋಲಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:50

ಯುದಾಯ ತಬರ್‌ಖಾನು, ಅರಿಮಥಾಯ ಕರಿ ಗಾಮ್ಮ ಯೋಸೇಫ ಕರಿ ಏಕ್ಜ಼ಣೊ ಥೊ. ಯೋ ಏಕ್‌ ಅಛ್ಛು಼ ಅಜು಼ ನೀತಿವಾಳೊ ಅದ್ಮಿ ಹುಯಿರ‍್ಹುಥೊ, ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಬೋಲಿನ್ ಟಿವವ್‍ಕರ್ತೊಥೊ. ಶಾಣಾವ್‍ನಿ ಸಭೆಮಾನು ಅದ್ಮಿಮ ಆಬಿ ಏಕ್‌ ಜ಼ಣೊ ಹುಯಿರ‍್ಹೋಥೊ, ಕತೋಬಿ ಯೆಹೂದ್ಯರ್‌ನು ಶಾಣುಖ್ಹಾರು ಯೇಸುನ ಮಾರ‍್ನು ಕರಿ ಕರ‍್ಯುತೆ ಇನ, ಅನೆ ಮಾನ್ಯೊಥೊ ಕೊಯ್ನಿ.

ಯೋಹಾನ 19:38

ಅನ ಬಾದ್‌ಮ, ಯೆಹೂದ್ಯರ್‌ನ ಡರ್‌ಥಿ ಲಪೀನ್ ಯೇಸುನೊ ಶಿಷ್ಯ ಹುಯಿರ‍್ಹೊಥೋತೆ, ಅರಿಮಥಾಯ ಗಾಮ್‌ನೊ ಯೋಸೇಫ್‌ನೆ, ಯೇಸುನ ಶರೀರ್‌ನ ಮನ ದೇಕರಿ ಪಿಲಾತನ ಬೋಲಿಲಿದೊ. ತದೆ ಪಿಲಾತನೆ ಯೇಸುನ ಶರೀರ್‌ನ ಪಳ್ಳಿಜಾ಼ ಕರಿ ಇನ ಹುಕುಮ್‌ ದೇತಾಖ್ಹತರ್‌, ಇನೆ ಯೋ ಶರೀರ್‌ನ ಪಳ್ಳಿನ್‌, ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:12

ಅಮ್‍ರ‍್ಹಾವಮ ಕೈಯೆಕ್ಕಿ ಜ಼ಣು ನಂಬ್ಯು. ಅಜು಼ ಗ್ರೀಕ್‍ನಿತಯೇಡ ಪರ್ಖ್ಹಾ ವಿಶ್ವಾಸ್ ಕರ‍್ಯು.

ಫಿಲಿಪ್ಪಿ 1:14

ಆ ನಾಹುಯಿನ್ ಭೈಯೇ ಭೇನೇಮ ಜಾ಼ಖ್ಹತ್ ಅದ್ಮಿ ಮಾರಿ ಭಂದಣ್‌ಥೀಸ್ ಪ್ರಭುಮ ಭರೋಖ್ಹಾಥಿ ದೇವ್ನಿ ವಚನ್ನ ಡರ್‌ಕೊಂತೆ ಬೋಲಾನ ಅಜೂ಼ಬಿ ಘಣು ಭಾಲಿ ಲೀರಾಖ್ಯುಸ್.