ಮಾರ್ಕ 15:14 - ದೇವ್ನಿ ಖ್ಹಾಚಿ ವಚನ್

¹⁴ ತದೆ ಪಿಲಾತನೆ, “ಶನ? ಅನೆ ಶನಿ ಗಲ್ತಿ ಕರಿರಾಖ್ಯೋಸ್?” ಕರಿ ಬೋಲ್ಯೊ. ಕತೋಬಿ ಇವ್ಣೆ, “ಇನ ಶಿಲ್‌ಬೆಪರ್ ಮರಾವ್!” ಕರಿ ಅಜೂ಼ಬಿ ಜೋ಼ರೇಖ್ಹು ಬಳೇಳಿನ್‌ ಬೋಲ್ಯು.

ಮಾರ್ಕ 15:14 ပူးပေါင်းရင်းမြစ်များ

ಮತ್ತಾಯ 27:19

ಅತ್ರೇಸ್ ಕಾಹೆತೆ, ಪಿಲಾತ ನ್ಯಾವ್‍ನಿ ಖುಡ್‍ಶಿಪರ್ ಬೆಠೊರ‍್ಹವಾನಿ ವಖ್ಹತ್‌ಮ ಇನಿ ಬಾವಣ್ಣೆ, “ಯೋ ಅದ್ಮಿನ ಶಾತ್ಬಿ ನಕೊ ಕರೀಶ್, ಯೋ ನೀತಿವಾಳೊ ಹುಯಿರ‍್ಹೊಸ್, ಗಯೋತೆ ರಾತೆ ಖ್ಹೋಣ್ಯಮ ಮನ ಘಣು ಖ್ಹತಾಪ್ಣಿ ಹುಯು” ಕರಿ ಇನ ಬೋಲಿನ್ ಮೋಕ್ಲಿ.

ಮತ್ತಾಯ 27:4

“ಶಾತ್ಬಿ ಗಲ್ತಿಕೊಂತೆ ಅದ್ಮಿನ ಧೋಕೇಥಿ ಮರೈನಾಖಿದ್ಯವಾನ ಧರಿ ದೀನ್, ಮೇ ಪಾಪ್ ಕರ‍್ಯೊ” ಕರಿ ಬೋಲ್ಯೊ. ತದೆ ಇವ್ಣೆ, “ಇನ ಹಮೆ ಶಾತ್ ಕರಿಯೆ? ಯೋ ತಾರು ಮಾಮ್ಲ!” ಕರಿ ಜ಼ವಾಬ್ ದಿದು.

ಮತ್ತಾಯ 27:54

ಖ್ಹೋಶಿಪಾಯಿನೊ ಮೋಟಾನೆ ಅಜು಼ ಇನಜೋ಼ಡೆ ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ ಜ಼ಮೀನ್ ಹಲ್ಯುತೆ ಅಜು಼ ಚಾ಼ಲ್ಯುತೆ ಖ್ಹಾರಸ್ನ ದೇಖಿನ್, ಘಣು ಡರಿನ್, “ಖ್ಹಾಚಮಾಬಿ ಆ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!” ಕರಿ ಬೋಲ್ಯು.

ಮಾರ್ಕ 15:13

ಇವ್ಣೆ, “ಇನ ಶಿಲ್‌ಬೇಪರ್ ಮರಾವ್!” ಕರಿ ಚಿಕ್ರಿನ್ ಬೋಲಾಲಗ್ಯು.

ಮಾರ್ಕ 15:15

ತದೆ ಪಿಲಾತನೆ ಅದ್ಮಿನ ದಿಲ್ನ ಖ್ಹುಶಿ ಕರಾವ್ಣು ಕರಿ ಬರಬ್ಬಾನ ಇವ್ಣಖ್ಹಾಜೆ ಮ್ಹೇಲಿದಿದೊ. ಅಜು಼ ಯೇಸುನ ಮೇಕ್‌ನ ಕೊಳ್ಡೇಥಿ ಮರೈನ್ ಶಿಲ್‌ಬೆಪರ್ ನಾಖಾನ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:21

ಕತೋಬಿ ಇವ್ಣೆ, “ಇನ ಶಿಲ್‍ಬೆಪರ್‌ ನಾಕ್! ಶಿಲ್‌ಬೆಪರ್ ನಾಕ್!” ಕರಿ ಚಿಕ್ರುಕರ್ತುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:4

ತದೆ ಪಿಲಾತನೆ ಮಹಾಯಾಜಕರ್‌ ಅಜು಼ ಅದ್ಮಿನಿ ಭೀಡ್ನ, “ಆ ಅದ್ಮಿಮ ಮನ ಶನೀಶ್ ಗಲತ್‌ ಕೋ ದೆಖಾಯುನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:41

ಅಪ್ಣುನತೋಬಿ, ನಿಶತ್ ಮಳಿರ‍್ಹೀಸ್ತೆ ಇನಾಮ ನ್ಯಾವ್‌ ಛಾ಼; ಶನಕತೊ ಅಪ್ಣೆ ಕರ‍್ಯಾತೆ ಗಲತ್‌ನಖ್ಹಾಜೆ, ಅಪ್ಣುನ ನಿಶತ್ ಮಳಿರ‍್ಹಿಸ್‌. ಕತೋಬಿ ಅನೆ ಶನೀಬಿ ಗಲತ್‌ ಕೋ ಕರ‍್ಯೋನಿ!”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:47

ತದೆ ಖ್ಹೋಶಿಪಾಯಿನೊ ಮೋಟಾನೆ ಚಾ಼ಲ್ಯುತೆ ಇನ ದೇಖಿನ್‌, “ಖ್ಹಾಚಮಾಬಿ ಆ ಅದ್ಮಿ ನೀತಿವಾಳೊಸ್‌ ಹುಯಿರ‍್ಹೋಥೊ!” ಕರಿ ದೇವ್ನ ಖ್ಹರಾಯೊ.

ಯೋಹಾನ 18:38

ತದೆ ಪಿಲಾತನೆ, “ಖ್ಹಾಚಿಕತೊ ಶಾತ್‌?” ಕರಿ ಪುಛಾ಼ಯೊ. ಆ ಬೋಲಾನ ಬಾದ್‌ಮ ಪಿಲಾತ ಪಾಛೊ಼ ಯೆಹೂದ್ಯರ್‌ಕನ ಬಹರ್ ಜೈ಼ನ್‌, “ಮನ ಅನಾಮ ಖೆವಿಸ್ ಗಲತ್‌ ದೆಖವ಼್‌ಕರಾಕೊಯ್ನಿ.

ಯೋಹಾನ 19:6

ಮಹಾಯಾಜಕರ್‌ ಅಜು಼ ಮಂದಿರ್‌ನ ಕಾವ್ಲಿ ಕರಾವಾಳನ ಯೇಸುನ ದೇಖಿನ್‌, “ಇನ ಶಿಲ್‌ಬೆಪರ್ ಠಂಗಾವ್! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್ರಾಲಗ್ಯು ತದೆ ಪಿಲಾತನೆ ಇವ್ಣುನ, “ಹೋಣುಕತೊ ತುಮೇಸ್ ಅನ ಲೀಜೈ಼ನ್, ಶಿಲ್‌ಬೆಪರ್ ನಾಖೊ. ಮನ ಅನಾಮ ಖೆವಿಸ್ ಗಲತ್‌ ದೆಖಾಯು ಕೊಯ್ನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:28

ಯೇಸುನ ಮರಣ್ಣಿ ದಂಡನೆ ದ್ಯವಾನ ಬರೋಬರ್‌ನಿ ಕಾರಣ್ ನಾಮಳ್ಯುತೋಬಿ ಇನ ಮರಾವ್ಣುಕರಿ ಪಿಲಾತನ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:34

ಕತೋಬಿ ಯೋ ಯೆಹೂದ್ಯರ್‌ನೊ ಕರಿ ಮಾಲುಮ್ ಕರಖ್ಹತರ್ ಇವ್ಣೆಖ್ಹಾರು ಎಕ್ಕಸ್ ದಮ್‍ಪರ್; ಎಫೆಸವಾಳಾನಿ ಅರ್ತೆಮೀ ದೇವಿಸ್ ಮಹಾದೇವಿ, ಕರಿ ಕೂಘಾಟಿ ಮ್ಹೇಲ್ಯು.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

1 ಪೇತ್ರ 1:19

ಯೇಸು ಕ್ರಿಸ್ತಕರಿ ಬೋಲಾನು ಶನು ದೋಷ್‍ಕೊಂತೆ, ಶುದ್ದ ಹುಯಿರ‍್ಹುತೆ ಮೇಂಢಾನ ಚೆಲ್ಕಾನು ಕಿಮ್ಮತ್ನ ಲ್ಹೋಯಿಥೀಸ್‍ಕರಿ ತುಮುನ ಮಾಲುಮ್‍ಛಾ಼ನಿ.