ಮಾರ್ಕ 13:27 - ದೇವ್ನಿ ಖ್ಹಾಚಿ ವಚನ್

²⁷ ತದೆ ಯೋ ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕ್ಲಿನ್‌ ಧರ್ತಿನ ಕಡೇಶಿಥು ಧರೀನ್ ಆಬ್‍ನಿ ಖ್ಹರ್ತಿಲಗು, ಇನೆ ಚೂ಼ಣಿಲಿದೊತೆ ಖ್ಹಾರ ಅದ್ಮಿನ ಜಗತ್‌ನು ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.

ಮಾರ್ಕ 13:27 ပူးပေါင်းရင်းမြစ်များ

ಮತ್ತಾಯ 12:42

ಶೆಬಾ ದೇಖ್ಹ್‌ನಿ ರಾಣಿ ನ್ಯಾವ್‍ನ ತೀರ್ಪ್‌ನ ದನ್ಮ ಆ ಪಿಳ್ಗಿನಿ ವಿರೋದ್ ಭೀರಿನ್‌, ತುಮೆ ಗಲತ್‌ ಕರಿ ಬೋಲ್‌ಶೆ. ಯೋ ಸೊಲೊಮೋನ್ನಿ ಗ್ಯಾನ್ನಿ ವಾತೇನ ಖ್ಹಮ್‌ಜಾ಼ನಖ್ಹಾಜೆ ಜಗತ್ನ ಕಡ್‍ಶೀಥಿ ಆಯಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ಸೊಲೊಮೋನ್‌ಥೀಬಿ ಊಚೊರ‍್ಯವಾಳೊ ಹಜ್ಜಾ಼ ಛಾ಼!

ಮತ್ತಾಯ 13:41

ಅದ್ಮಿನೊ ಛಿಯ್ಯೊ ಇನ ದೂತರ್‌ನ ಮೋಕ್ಲಿನ್, ಇವ್ಣೆ ಇನ ರಾಜ್ಯಮ ಕೋಣ್ ಪಾಪ್ ಅಜು಼ ಖರಾಬ್‌ಕರಾನಿತರ ಕರ‍್ಯುಕೀ ಇಮ್ನ ಅದ್ಮಿಖ್ಹಾರನ ಎಕ್ಟು ಕರೀನ್‌,

ಮತ್ತಾಯ 13:49

ಅಮ್ಮಸ್ ಜಗತ್ನ ಖ್ಹರ್ತಿಮ ಚಾ಼ಲ್‌ಷೆ. ದೇವ್‌ನು ದೂತರ್ ಆಯಿನ್, ಧರ್ಮಿ ಅದ್ಮಿಯೇನ ಮಹಿಥು ಖರಾಬ್ ಅದ್ಮಿಯೇನ ಅಲಕ್ ಕರೀನ್,

ಮತ್ತಾಯ 24:22

ದೇವ್ ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿ ಜಿನ್‌ಕುಬಿ ಬಚಿಜಾಶೆಕೊಯ್ನಿ; ಕತೋಬಿ ಇನೆ ಚೂ಼ಣಿಲಿದೊತೆ ಅದ್ಮಿನಖ್ಹಾಜೆ ದೇವ್ ಯೋ ಖ್ಹಾರ ದನ್ನ ಕಮ್ ಕರ್ಶೆ.

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 24:31

ಅಜು಼ ಯೋ ತುತ್ತೂರಿನೊ ಮೋಟೊ ಅವಾಜ಼್‌ಥಿ, ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕಲ್‌ಶೆ, ಇವ್ಣೆ ಇನೆ ಚೂ಼ಣಿಲಿದೊತೆ ಇವ್ಣುನ ಆಬ್‌ನ ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.

ಮಾರ್ಕ 13:20

ಪ್ರಭು ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿಬಿ ಬಚಿಕೊರ‍್ಹಿಷೇನಿ. ಕತೋಬಿ ಇನೆ ಚೂ಼ಣಿಲಿದೊತೆ ಖ್ಹಾರ ಅದ್ಮಿನಖ್ಹಾಜೆ ಯೋ ಖ್ಹಾರ ದನ್ನ ಕಮ್ ಕರಿರಾಖ್ಯೋಸ್.

ಮಾರ್ಕ 13:22

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮಾರ್ಕ 13:28

ಮೋಟ ಅಂಜೀರ್‌ನ ಝಾ಼ಡಾಥಿ ಮತ್ಲಬ್‌ನಿ ಅಕ್ಕಲ್ ಶಿಕೊ. ಇನಿ ಡಾಳಿಯೆ ಹರಿಗಾರ್ ಕವ್ಳಿ ಹುಯಿನ್, ಪಾಂದ್‌ಡ ಮ್ಹೇಲಾಲಗ್ಯುತೊ, ತಡ್ಕಾನ ಹಗಾಮ್‌ ಖನ್ನೆ ಐಗು ಕರಿ ಮಾಲುಮ್‌ ಕರಿಲೇವೊಸ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:22

ಅಮ್‌ರ‍್ಹವಾನಿ ವಖ್ಹತ್‌ಮ, ಥೋಡ ದನ್ನ ಬಾದ್‌ಮ, ಯೋ ಧರಮ್ ಮಾಂಗವಾಳೊ ಮರಿಗಯೊ. ತದೆ ಪರ್‌ಲೋಕ್‌ನು ದೂತರ್ ಆಯಿನ್, ಇನ ಪಳ್ಳಿ ಜೈ಼ನ್, ಅಬ್ರಹಾಮ್‌ನಿ ಛಾ಼ತಿನ ಚಿಕಾಯು. ಯೋ ಶೌಕಾರ್‌ಬಿ ಮರಿಗಯೊ, ಇನು ಮಖ್ಹಾಣ್ಯು ಕರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:7

ದೇವ್ನೆ ಚೂ಼ಣ್ಯೋತೆ ಅದ್ಮಿ ರಾತ್-ದನ್ ಇನ ಮದತ್‌ಖ್ಹಾಜೆ ಬಿಂತಿಕರ‍್ಯೊತೊ, ಯೋ ಇವ್ಣಿ ಬಾರೇಮ ದೇರ್‌ಕರ‍್ಯುತೋಬಿ ಇವ್ಣಿ ನ್ಯಾವ್‌ನ ಫೇಡವಸ್‍ಕೊಂತೆ ರ‍್ಹಿಶೇಕಿ ಶು? ಯೋ ಇವ್ಣಿ ಮದತ್ ಕರಾನ ವೇರಸ್‌ ಕರ್ಶೆ ಕೊಯ್ನಿ.

ಯೋಹಾನ 10:16

ಅತ್ರೇಸ್ ಕಾಹೆತೆ, ಆ ಮಂಧಾಮ ಮಳ್ಯುಕೊಂತೆ ಬಿಜು಼ ಖ್ಹಾರು ಮೇಂಢಾಬಿ ಮನ ಛಾ಼, ಇನಾಬಿ ಮೇ ಲೀನಸ್ ಆವ್ಣು, ಇವ್ಣೆ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ತದೆ ಎಕ್ಕಸ್ ಝೂ಼ಂಡ್‌ ಉಶೆ ಅಜು಼ ಎಕ್ಕಸ್ ಜ಼ಣೊ ಕುರುಬ ರ‍್ಹಿಶೆ.

ಯೋಹಾನ 11:52

ಖಲಿ ಯೆಹೂದ್ಯರ್‌ನಖ್ಹಾಜೆ ಕಾಹೆ, ಪಣ್ಕಿ ಛಿದ್‍ರೈಗಯುತೆ ದೇವ್‌ನು ಅದ್ಮಿಖ್ಹಾರಾನ ಎಕ್ಟು ಕರಾನಖ್ಹಾಜೆ ಯೇಸು ಮರವಾಳೊ ಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:33

ದೇವಸ್ ಚೂ಼ಣಿಲಿದ ಹುಯಾನ ಉಪ್ಪರ್ ಕೋಣ್ ಗಲತ್‌ ಬೋಲ್‌ಶೆ? ದೇವಸ್ ಗಲ್ತಿಕರಾವಾಳು ಕಾಹೆಕರಿ ಛುಟ್ಕಾರ್‌ ಕರಾವಾಳೊ ಹುಯಿರ‍್ಹೋಸ್.

ಕೊಲೊಸ್ಸೆ 3:12

ಇನಖ್ಹಾಜೆ ದೇವ್‍ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್‌ಬಿ ಪ್ಯಾರ್‌ನ ಹುಯಿರ‍್ಹಾತೆ ತುಮೆ ಗೋರ್‌, ದಯಾ, ಹೇಟು ಹುವಾನು, ಶೇದೇವ್‌ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್‍ನ ಭರ‍್ಹಿಲೆವೊ.

2 ಥೆಸ 2:1

ಭೈಯೆ ಭೇನೊ, ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಆವಾನಿ ಬಾರೇಮ ಅಜು಼ ಅಪ್ಣೆ ಖ್ಹಾರು ಎಕ್ಟು ಹುಯಿನ್ ಇನ ಮಳಾನಿ ಬಾರೇಮ ತುಮೂನ ಬೋಲಿಲಿಯೇಸ್.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.