ಮಾರ್ಕ 13:26 - ದೇವ್ನಿ ಖ್ಹಾಚಿ ವಚನ್

²⁶ ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಉಜಾ಼ಖ್ಹ್‌ಥಿ ಘೈಗ್‌ತೊಹುಯಿನ್‌, ವಾದ್ಳಮಕರಿ ಆವಾನು ಅದ್ಮಿಖ್ಹಾರು ದೇಕ್‌ಶೆ.

ಮಾರ್ಕ 13:26 ပူးပေါင်းရင်းမြစ်များ

ಮತ್ತಾಯ 16:17

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 16:28

ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.

ಮತ್ತಾಯ 24:30

ತದೆ ಅದ್ಮಿನೊ ಛಿಯ್ಯಾನ ವತಾಳವಾಳಿ ಖ್ಹಣೇದ್ ಆಬ್‍ಮ ದೆಖಾವ್‌ಶೆ. ತದೆ ಧರ್ತಿಪರ್ ಛಾ಼ತೆ ತಮಾಮ್‌ ಖೂಮ್‍ವಾಳು ಛಾ಼ತಿಪರ್ ಮಾರಿಲಿಶೆ ಅಜು಼ ಅದ್ಮಿನೊ ಛಿಯ್ಯೊ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ ಆಬ್‍ನ ವಾದ್ಳಪರ್ ಆವ್‌ಶೇತೆ ಇನ ದೇಕ್‌ಶೆ.

ಮತ್ತಾಯ 25:31

ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ.

ಮಾರ್ಕ 14:62

ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಮಾರ್ಕ 9:1

ಅಜು಼ ಯೇಸುನೆ ಇವ್ಣುನ, “ತುಮೂನ ಖ್ಹಾಚಾಮ ಬೋಲುಸ್ಕಿ, ಹಾ ಭಿಯ್ಯಾತೆ ತುಮಾರಾಮ ಥೋಡು ಜ಼ಣು ದೇವ್ನಿ ರಾಜ್ಯ ಶಕತ್‍ಥಿ ಆವಾನು ದೇಖಾತೋಡಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:27

ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ, ವಾದ್ಳಪರ್ ಆವ್‌ಶೇತೆ ಇವ್ಣೆ ದೇಕ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:11

ಗಲಿಲಾಯವಾಳ ಅದ್ಮಿವೊ, ತುಮೆ ಶನ ಆಸ್ಮಾನ್ನಾಸ್ ದೇಖುಕರಸ್? ತುಮಾರಕಂಥು ಯೇಸು ಕಿಮ್ ಪರ್‌ಲೋಕ್ನ ಛ಼ಡಿಗಯೊತೆ ತುಮೆ ದೇಖ್ಯಾಕಿ ಇಮ್ನಿ ಪರಕ್ಮಾಸ್ ಪಾಛು಼ ಆವ್‌ಶೆ.

1 ಥೆಸ 4:16

ಶನಕತೊ ಪ್ರಭು ಇನುಯೋಸ್ ಹುಕುಮ್‌ನಿ ಆವಾಜ಼್‌ಥೀಬಿ, ಗಲ್‌ಢೊ ದೂತಾನೊ ಆವಾಜ಼್‌ಥೀಬಿ, ಅಜು಼ ದೇವ್ನಿ ತುತ್ತೂರಿನ ಆವಾಜ಼್‌ಥೀಬಿ ಪರ್‌ಲೋಕ್‌ಥು ಉತ್ರಿನ್ ಆವ್‌ಶೆ. ತದೆ ಯೇಸು ಕ್ರಿಸ್ತನಿ ವಿಶ್ವಾಸ್ಮ, ಮರಿಗಯೂತೆ ಇವ್ಣೆ ಪಹಿಲೆ ಉಠಿ ಆವ್‌ಶೆ.

2 ಪೇತ್ರ 1:16

ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಶಕತ್ನಿ ಬಾರೇಮ ಅಜು಼ ಯೋ ಆವ್‌ಶೇತೆ ಬಾರೇಮ ತುಮೂನ ಬೋಲಿವತಾಳಿ ರಾಖ್ಯಸ್‌. ಯೋ ಅದ್ಮಿಥಿ ಬೋಲೈಹುಯಿ ಖೇಣಿಯೇನಿ ಆಧಾರ್‌ಪರ್ ಬೋಲಿವತಾಳ್ಯಾತೆ ಕಾಹೆ ಯೋ ಕೆತ್ರ ಮಹಾನ್ ಕರಿ ಹಮೆ ಖ್ಹುದ್ ಹಮಾರ ಡೋಳೆಖ್ಹು ದೇಖಿರಾಖ್ಯಸ್.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.