ಮಾರ್ಕ 13:11 - ದೇವ್ನಿ ಖ್ಹಾಚಿ ವಚನ್

¹¹ ತುಮುನ ಧರೀನ್ ನ್ಯಾವ್ ಕರಾನಿ ಝ಼ಗೊ ಲೀಗಯೂತೊ, ಶಾತ್‌ ಬೋಲ್ನುಕರಿ ಪಹಿಲೇಸ್ ಧಡುಕೊ ನಕೊಘಾಲೊ. ಯೋ ವಖ್ಹತ್‌ಮ ಶಾತ್‌ ಬೋಲ್ನುಕರಿ ದೇವ್ ಯಾದ್ ದೇಸ್ಕಿ ಯೋಸ್‌ ಬೋಲೊ. ಶನಕತೊ ತುಮೆ ಬೋಲ್‌ಶುತೆ ವಾತೆ ತುಮಾರಿ ಕಾಹೆ; ಪವಿತ್ರಾತ್ಮಾಥಿ ಐತೆ ವಾತೆ ಹುಯಿರ‍್ಹಿಶೆ.

ಮಾರ್ಕ 13:11 ပူးပေါင်းရင်းမြစ်များ

ಮತ್ತಾಯ 10:17

ಅದ್ಮಿನಿ ಬಾರೇಮ ಜ಼ತನ್ ರ‍್ಹವೊ, ಶನಕತೊ ಇವ್ಣೆ ತುಮೂನ ಧರೀನ್, ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ, ಅಜು಼ ಇವ್ಣಿ ಸಬೆ ಭರಾವಾನು ಮಂದಿರ್‌ಮ ತುಮೂನ ಕೊಳ್ಡೇಥಿ ಮಾರ್‌ಶೆ.

ಮಾರ್ಕ 13:12

ಅತ್ರೇಸ್ ಕಾಹೆತೆ ಏಕ್‌ ಭೈ ಇನ ಶೊಂತ್ ಭೈನ ಮಾರಿನಾಖಾನ ದಿನಾಕ್‌ಶೆ, ಇಮ್ಮಸ್ ಬಾಬಿ ಇನ ಲಡ್ಕಾವ್ನ ಮರಾವ್‌ಶೆ. ಲಡ್ಕಾ ಉಠೀನ್ ಇವ್ಣ ಆಯ-ಬಾನ ಧೋಕೊದೀನ್ ಮರಾವ್‌ಶೆ.

ಮಾರ್ಕ 13:9

ಕತೋಬಿ ತುಮೆ ತುಮಾರಿ ಬಾರೇಮ ಹೊಷಾರ್‌ಥಿ ದೇಖಿಲೆವ್ಣು. ತುಮೂನ ಧರೀನ್ ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ. ತುಮುನ ಸಬೆ ಭರಾವಾನು ಮಂದಿರ್‌ಮ ಮಾರ್‌ಶೆ; ಮಾರಖ್ಹಾಜೆ ತುಮೆ ರಾಜ಼್‌ಭಾರ್‌ ದೇಖಿಲೆವಾಳಾನ ಖ್ಹಾಮ್ಣೆಬಿ ಅಜು಼ ರಾಜಾ಼ನ ಖ್ಹಾಮ್ಣೆ ಸಾಕ್ಷಿಕರಿನ್ ಭೀರಾಕ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:12

ಕತೋಬಿ ಆ ಖ್ಹಾರು ಚಾ಼ಲಾನ ಅಗಾಡಿ, ಇವ್ಣೆ ತುಮೂನ ಧರೀನ್, ಖ್ಹತಾವ್‌ಶೆ; ತುಮೂನ ಸಬೆ ಭರಾವನು ಮಂದಿರ್‌ಮ ಜೇಲ್‌ನ ಅದಿಕಾರಿನ ದೀನ್ ಮಾರ ನಾಮ್ನಖ್ಹಾಜೆ, ರಾಜಾ಼ವ್‌ನ ಖ್ಹಾಮ್ಣೆ ಅಜು಼ ರಾಜ಼್‌ಭಾರ್ ಚ಼ಲಾವವಾಳಾನ ಖ್ಹಾಮ್ಣೆ ತುಮೂನ ಭೀರಾಕ್‌ಶೆ.

ಯೋಹಾನ 3:27

ಯೋಹಾನನೆ ಸೊರ್ಗಥು ತಬ್‍ಲಗು ದೇವ್ ಕೊ ದೇಯ್ನಿಕಿ ತಬ್‍ಲಗು ಖೆವಾಬಿ ಅದ್ಮಿನ ಶಾತ್ಬಿ ಕೊ ಮಳ್‌ಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:4

ಇವ್ಣೆಅಖ್ಖು ಪವಿತ್ರಾತ್ಮಥಿ ಭರೈನ್ ಅಲಕ್ ಅಲಕ್ ಬೋಲಿಮ ವಾತೆಬೋಲಲಗ್ಯು. ಪವಿತ್ರಾತ್ಮಸ್ ಇವ್ಣುನ ಆ ಶಕತ್ನ ದಿದೊ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:13

ಅಪ್ಣೊ ಗುರುಗುರಬ್‌ಲ್ಯ ಹುಯಿರೋತೆ ಅಬ್ರಹಾಮ್ ಇಸಾಕ್ ಯಾಕೋಬನೊ ದೇವ್‌ ಅಜು಼ ಅಪ್ಣೊ ಗುರುಗುರಬ್‌ಲ್ಯನೊ ದೇವ್ ಇನೊ ದಾಸಹುಯಿರ‍್ಹೊತೆ ಯೇಸುನ ಮಹಿಮೆ ಕರಿರಾಖ್ಯೊಸ್. ಕತೋಬಿ ತುಮೆ ಇನ ಪಿಲಾತನ ಹಾತ್ಮ ಮಾರನ ಧರಿನ್‍ ದಿದಾ; ಬಿಜು಼ ಪಿಲಾತನೆ ಇನ ಛೋ಼ಡಾವ್ಣು ಕರಿ ಖ್ಹೂಜ಼್‌ ಕರಾದಿನ್, ಇನಖ್ಹಾಮ್ಣೆ ತುಮೆ ಯೇಸು ಹೋಣುಕೊಯ್ನಿ ಕರಿ ಬೋಲ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:31

ಅಮ್ ವಿಶ್ವಾಸಿಖ್ಹಾರು ಪ್ರಾರ್ಥನೆ ಕರಾನಿ ವೇಳ್ಮ ಇವ್ಣೆಥಾತೆ ಝ಼ಗೊ ಕಾಪಿರ‍್ಹಹಿಗು. ತದೆ ಇವ್ಣೆ ಖ್ಹಾರುಸ್ ಪವಿತ್ರಾತ್ಮಥಿ ಭರೈನ್ ದೇವ್ನಿ ವಚನ್ನ ಡರ್‌ ಕೊಯಿನ್ತೆ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:10

ಕತೋಬಿ ಇನಿ ವಾತ್ಮ ದೆಖಾಯುತೆ ಗ್ಯಾನ್ನಾಬಿ ಪವಿತ್ರಾತ್ಮನಿ ಶಕತ್‍ನಾಬಿ ಅರಾಬರು ಬೋಲಾನ ಇವ್ಣುನ ಕೋಹುಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:15

ನ್ಯಾವ್‌ನ ಸಭೆಮ ಬೇಠುಹುಯು ಖ್ಹಾರೂಸ್ ಸ್ತೆಫೆನನ ಮ್ಹೋಡಾನ ಠರ್‌ಕೈನ್ ದೇಖಾತೊ ಇನು ಮ್ಹೋಡು ದೇವ್ನ ದೂತನ ಮ್ಹೋಡಾನಿತರ ದೆಖವ್‌ಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:55

ಕತೋಬಿ ಯೊ ಪವಿತ್ರ ಆತ್ಮಥಿ ಭರೈನ್ ಸೊರ್ಗಭಣಿ ದೇಖಿನ್, ದೇವ್ನಿ ಮಹಿಮೆನಬಿ, ದೇವ್ನ ಖಾವಿಬಾಜು಼ಮ ಭಿಯೋತೆ ಯೇಸುನಾಬಿ ದೇಖ್ಯೊ.

1 ಕೊರಿಂಥ 2:13

ಅನಖ್ಹಾರು ಬೋಲಾನಿವಖ್ಹ್‌ತೆ ಅದ್ಮಿನಿ ಅಕ್ಕಲ್‍ಥಿ ಶಿಕಿಹುಯಿ ವಾತೆಖ್ಹಾರು ಕೋಬೊಲ್ಯೊಂತೆ ಪವಿತ್ರಾತ್ಮನೆಸ್ ಶಿಕಾಡಿದಿದೋತೆ ವಾತೆನಾಸ್ ಬೋಲಿಲ್ಯವಾಳ ಹುಯಿರಾಸ್. ಅಮ್ ಆತ್ಮೀಕಥಿ ರ‍್ಹೇಸ್ತೆ ಖ್ಹಾಚ಼ನ ಆತ್ಮಾಮ ರ‍್ಹವಾಳನ ರಹಾಥಿ ಬೋಲಿವತಾಳಸ್.

ಎಫೆಸ 3:5

ಗಯೋತೆ ಹಗಾಮ್ಮ ಅದ್ಮಿವೊನ ಆ ಮಾಯ್ನೊ ಕೊಬೋಲಾಯುನಿ ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಅಪೊಸ್ತಲರ‍್ನ ಅಜು಼ ಪ್ರವಾದಿಖ್ಹಾರನ ಮಾಲುಮ್ ಕರೈರಾಖ್ಯೋಸ್.

ಯಾಕೋಬ 1:5

ಕತೋಬಿ ತುಮಾರಮ ಕಿನಾತೋಬಿ ಗ್ಯಾನ್‍ಕಮ್ ರ‍್ಹಯೂತೊ ಯೋ ದೇವ್ನ ಗಿಂಗೈಲ್ಯವಾದೆ, ದೇವ್ ಚಿಂಘಾವ್‍ಶೆಕೊಂತೆ ಖ್ಹಾರಸ್ನ ದಿಲ್‌ ಛೋ಼ಡಿನ್ ದಿಶೆ.

1 ಪೇತ್ರ 1:12

ಪರ್‌ಲೋಕ್‌ಥು ಮೋಕ್‍ಲೈರ‍್ಹುತೆ ಪರಿಶುದ್ದಆತ್ಮಥಿ ತುಮುನ ಸುವಾರ್ತೆನ ಬೋಲವಾಳು ಹಮ್ಕೆ ತುಮುನ ಖ್ಹಮ್‍ಜಾ಼ಡನಿತರ ಅಜು಼ ದೂತರ್ ಡೋಳಲಗಾಡಿನ್ ದೇಕ್ಣು ಕರಿ ಅಖ್ಹ್‌ಕರ‍್ಯುತೆತಿಮ್‍ ಅಖ್ಖಕಾಮ್ಮ ಇವ್ಣಖ್ಹಾಜೆ ಕಾಹೆ ಅಪ್ಣ ಖ್ಹಾಜೆಸ್ ಸೇವೆ ಕರಿರಾಖ್ಯುಸ್‌ಕರಿ ಇವ್ಣುನ ದೆಖಾಯು.