ಮಾರ್ಕ 12:7 - ದೇವ್ನಿ ಖ್ಹಾಚಿ ವಚನ್

⁷ ಕತೋಬಿ ಯೋ ವಾರ್‌ನ ಕರಿರಾಖ್ಯೂಥೂತೆ ಅದ್ಮಿಖ್ಹಾರು ಇನ ದೇಖಿನ್‌, ‘ಆಸ್ ಬಾಗ್‌ನೊ ಯಜಮಾನ್ನೊ ಛಿಯ್ಯೊ. ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಖ್ಹಾರು ಅಪ್ಣು ಹುಯಿಜಾ಼ಶೆ!” ಕರಿ ಏಕ್‌ನ ಜೋ಼ಡೆ ಏಕ್‌ ವಾತೆ ಕರಿಲೀನ್,

ಮಾರ್ಕ 12:7 ပူးပေါင်းရင်းမြစ်များ

ಮತ್ತಾಯ 2:16

ಯೋ ಗ್ಯಾನಿ ಅದ್ಮಿಖ್ಹಾರು ಇನ ಠಗೈನಾಖ್ಯು ಕರಿ ಹೆರೋದನೆ ಘಣು ಖೀಜ಼್‌ ಕರೀನ್‌, ಇವ್ಣೇಥಿ ಪುಛಾ಼ಯೊಥೋತೆ ವಖ್ಹತ್‌ನ ಬರೋಬರ್‌ಥಿ ಮಾಲುಮ್ ಕರ‍್ಲಿನ್, ಆಳ್‌ನ ಖ್ಹಾರು ಮೋಕ್ಲಿನ್, ಬೇತ್ಲೆಹೇಮ್ ಅಜು಼ ಇನ ಅಶ್‌ಪಿಶ್‍ ಖ್ಹಾರುಸ್ ಗಾಮ್‌ನು, ಬೇ ವರಖ್ಹ್‌ನ ಮಹಿನು ಖ್ಹಾರಸ್ ಪರ್ಖ್ಹಾ ಲಡ್ಕಾನ ಮಾರಿನಾಖಿದೆವ್ಣು ಕರಿ ಹುಕುಮ್ ದಿದೊ.

ಮತ್ತಾಯ 21:34

ಪಂಡಾ ತೋಡಾನಿ ವಖ್ಹತ್ ಆವಾದಿನ್, ಇನ ಆವ್ಣುತೆ ಭಾಗ್‌ ಲ್ಯವಾನಖ್ಹಾಜೆ ಯೋ ವಾರ್‌ನ ಕರಿರಾಖವಾಳಕನ ಇನ ಆಳ್‌ನ ಖ್ಹಾರು ಮೋಕ್‌ಲ್ಯೊ.

ಮಾರ್ಕ 12:12

ಆ ಅಪ್ಣೀಸ್‌ ಬಾರೇಮ ಆ ಮತ್ಲಬ್‌ನಿ ಖೇಣಿ ಬೋಲ್ಯೊ ಕರಿ ಇವ್ಣೆ ಮಾಲುಮ್‌ ಕರಿಲೀನ್ ಯೇಸುನ ಧರ್‌ನು ಕರಿ ಕೋಶಿಶ್ ಕರ‍್ಯು. ಕತೋಬಿ ಅದ್ಮಿನ ಡರ್‌ಥಿ ಇನ ಮ್ಹೆಂದಿನ್ ಚ಼ಲಿಗಯು,

ಮಾರ್ಕ 12:6

ಯೋ ಬಾಗ್‌ನೊ ಯಜಮಾನ್ನೆ ಬಿಜು಼ ಎಕ್ಕಸ್ ಜ಼ಣೊ ರಹಿಗಯೋಥೊ. ಯೋ ಕೋಣ್‌ಕತೊ ಇನೊ ಲಾಡ್‌ನೊ ಛಿಯ್ಯೊ. ತದೆ ಇನೆ ಸೋಚ್ಯೊಕಿ, ‘ಮಾರ ಛಿಯ್ಯಾನ ದೇಖಿನ್‌ ಮರ್ಯಾದಿ ದಿಶೆ’ ಕರಿ ಯಜಮಾನ್ನೆ ಖ್ಹರ್ತಿಮ ಇನ ಛಿಯ್ಯಾನ ಯೋ ವಾರ್ ಕರವಾಳಾವ್‌ಕನ ಮೋಕ್‌ಲ್ಯೊ.

ಮಾರ್ಕ 12:8

ಇನ ಛಿಯ್ಯಾನ ಧರೀನ್ ಮಾರಿನಾಖಿದೀನ್‌, ದ್ರಾಕ್ಷಿನ ಬಾಗ್‌ನ ಭಾರ್ ಫೇಕಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:23

ಯೊ ಯೇಸುಸ್ ದೇವ್ನಿ ಘಟ್ ಖ್ಹೂಜ಼್‌ಥೀಬಿ, ಆವ್‌ಶೇತೆ ಹಗಾಮ್ನಿ ಪರಕ್ಮ ದೆವೈಜಾ಼ವದಿನ್, ತುಮೆ ಅಲಕ್ಅದ್ಮಿವೋನ ದೀನ್ ಶಿಲ್‌ಬೇಪರ್ ಮೇಕ್ ಮರೈನ್ ಮಾರಿನಾಖ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:28

“ತುಮೆ ಆ ನಾಮ್‌ಪರ್‌ ಬೋಧನೆ ನಾಸ್‍ಕರ‍್ನು ಕರಿ ತುಮೂನ ಹುಕುಮ್‌ ಕರ‍್ಯಥಾನಿ; ರ‍್ಹಯುತೋಬಿ ತುಮೆ ಕರ‍್ಯಾತೆಶಾತ್? ಯೆರೂಸಲೇಮ್‌ನ ತುಮಾರಿ ಬೋಧನೆಥಿ ಫೈಲೈದಿದ, ಆ ಮರೈರ‍್ಹುಥೆ ಅದ್ಮಿನ ಹಮೇಸ್ ಜಿಮ್ಮೇದಾರಿ ಕರಿ ಕರಾನ ತುಮೆ ಕೋಶಿಶ್ ಕರುಕರಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:52

ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ.

ಇಬ್ರಿ 1:2

ಕತೋಬಿ ಆ ಖ್ಹರ್ತಿನೊ ದನ್ಮ ಯೊ ಇನ ಛಿಯ್ಯಾಥಿ ಅಪ್ಣ ಜೋ಼ಡೆ ವಾತೆ ಬೋಲ್ಯೊ. ದೇವ್ನೆ ಇನ ಛಿಯ್ಯಾಥಿ ಖ್ಹಾರ ಜಗತ್‍ನಾಸ್ ಉಬ್‌ಜೈ಼ನ್ ಹರೇಕ್‌ಪರ್ ಇನಾಸ್ ವಾರಿಸ್ ಕರ‍್ಯೊ.