ಮಾರ್ಕ 11:14 - ದೇವ್ನಿ ಖ್ಹಾಚಿ ವಚನ್

¹⁴ ತದೆ ಯೇಸುನೆ ಯೋ ಝಾ಼ಡಾನ, “ಹಂಕೇಥು ಕೋಣ್‌ಬಿ ತಾರಾಮ ಕದೇಬಿ ಪಂಡು ನಾ ಖಾಣುತೆ ಇಮ್‌ ಹುವಾದೆ!” ಕರಿ ಬೋಲ್ಯೊ. ಅಜು಼ ಇನ ಶಿಷ್ಯರ್‌ನೆ ಆ ವಾತೆನ ಖ್ಹಮ್‌ಜ್ಯು.

ಮಾರ್ಕ 11:14 ပူးပေါင်းရင်းမြစ်များ

ಮತ್ತಾಯ 21:19

ಇನೆ ವಾಟ್ನ ಶೇಡೆಏಕ್‌ ಅಂಜೀರ್‌ನ ಝಾ಼ಡಾನ ದೇಖಿನ್, ಇನಖನ್ನೆ ಜೈ಼ನ್, ಇನಾಮ ಖಲಿ ಪಾಂದ್‍ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋಥುಂತೆ ದೇಖಿನ್, “ಅನಾಪರ್‌ಥು ತೂ ಬಿಜು಼ ಕದೆಕದೇಬಿ ಪಂಡು ನಾ ಮ್ಹೇಲ್‌ನೂತೆ ಇಮ್‌ ಹುವಾದೆ!” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅಂಜೀರ್‌ನು ಝಾ಼ಡು ಖ್ಹುಕೈಗಯು.

ಮತ್ತಾಯ 21:33

“ಬಿಜೇಕ್ ಮತ್ಲಬ್‌ನಿ ಖೇಣಿನ ಖ್ಹಮ್‌ಜೊ಼: ಏಕ್‌ ಜ಼ಮೀನ್‌ದಾರ್ ಥೊ. ಇನೆ ಇನಿ ಜ಼ಮೀನ್‌ಮ ದ್ರಾಕ್ಷಿನೊ ಬಾಗ್‌ನ ಬಣೈನ್, ಇನ ಅಶ್‌ಪಿಶ್ ವಾಡ್‌ಗಿ ನಖೈನ್, ದ್ರಾಕ್ಷಿನೊರಖ್ಹ್ ಕಾಡಾನಖ್ಹಾಜೆ ಖಾಡ್ ಖೋಂದೈನ್, ಕಾವ್ಲಿನಖ್ಹಾಜೆ ಅಟ್‌ಲೊ ಭಂದಾಯೊ. ಅನಕೇಡೆಥು ಯೋ ಬಾಗ್‌ನ ಇನೆ ವಾರ್‌ನ ಕರಾವಾಳನ ಹಾತ್‌ಮ ದೀನ್, ದೇಖ್ಹ್‌ಪರ್ ಚ಼ಲೆಗಯೊ ಕರಿ ಯೇಸುನೆ ಬೋಲ್ಯೊ.

ಮತ್ತಾಯ 21:44

ಆ ಬಂಡಾಪರ್ ಪಡಾವಾಳು ಟುಕ್‌ಡಾ-ಟುಕ್‌ಡಾ ಹುಯಿಜಾ಼ಶೆ; ಅಜು಼ ಆ ಬಂಡೊ ಕಿನಾಪರ್ ಪಡಾಸ್ಕಿ, ಇವ್ಣುನ ಬುಕ್‍ನು-ಬುಕ್‍ನು ಕರಿನಾಕ್‌ಶೆ” ಕರಿ ಬೋಲ್ಯೊ.

ಮತ್ತಾಯ 3:10

ಹಮ್ಕೇಸ್‌ ಝಾ಼ಡಾವ್‍ನಿ ಜ಼ಡ್‌ಪರ್‌ ಕುರ‍್ಹಾಡಿ ಮ್ಹೇಲೈರ‍್ಹಿಸ್; ಇನಖ್ಹಾಜೆ ಅಛ್ಛು಼ ಪಂಡು ದೇಯಿಕೊಂತೆ ಹರೇಕ್ ಝಾ಼ಡಾವ್‌ನ ಕತ್ರಿನ್‌ ಆಗ್‌ಮ ನಾಕ್‌ಶೆ.

ಮತ್ತಾಯ 7:19

ಅಜು಼ ಅಛ್ಛು಼ ಪಂಡು ದೇಯಿಕೊಂತೆ ಹರೇಕ್ ಝಾ಼ಡನ ಕತ್ರೀನ್, ಆಗ್‌ಮ ನಾಖಾಸ್.

ಮಾರ್ಕ 11:13

ತದೆ ಪಾಂದ್‌ಡು ಮ್ಹೇಲೈರ‍್ಹುಥೂತೆ ಏಕ್‌ ಅಂಜೀರ್‌ನ ಝಾ಼ಡಾನ ಯೇಸುನೆ ದೂರ್‌ಥೊ ದೇಖಿನ್‌, ಇನಾಮ ಎಖಾದು ಪಂಡು ಮಳ್‌ಶೆ ಕರಿ ಹಿಜ್ಜಾ಼ ಗಯೊ. ಕತೋಬಿ ಹಿಜ್ಜಾ಼ ಜಾ಼ವಾದಿನ್ ಖಲಿ ಪಾಂದ್‍ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋ ಥೂನಿ, ಶನಕತೊ ಯೋ ಅಂಜೀರ್‌ನ ಪಂಡಾ ಮ್ಹೇಲಾನ ದನ್‌ಕಾಹೆ.

ಮಾರ್ಕ 11:15

ಇವ್ಣೆ ಯೆರೂಸಲೇಮ್‌ನ ಅವಾದಿನ್, ಯೇಸು ಮೋಟಿ ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳಾನ ಲ್ಯವಾಳಾನ ಭಾರ್ ನಖ್ಹಾಡಲಗ್ಯೊ. ಅಜು಼ ಇನೆ ಪೈಶಾ ತೋಡಾವಾನು ಧಂದೊ ಕರಾವಾಳಾನ ಖುಡ್‌ಶಿನಾಬಿ, ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ.

ಯೋಹಾನ 15:6

ಕೋಣ್ ಮಾರಾಮ ಕೋ ರ‍್ಹೇಯ್ನಿಕಿ, ಯೋ ಭಾರ್ ಫೇಕೈಗಯೂತೆ ಡಾಳಿನಿತರ ಛಾ಼, ಯೋ ಡಾಳಿ ಖ್ಹುಕೈಜಾ಼ಸ್; ಯೋ ಡಾಳಿಯೇನ ಅದ್ಮಿ ಎಕ್ಟು ಕರೀನ್, ಆಗ್‌ಮ ಫೇಕಿನಾಖಸ್‌, ಹಿಜ್ಜಾ಼ ಯೋ ಬಳಿಜಾ಼ಸ್‌.

2 ಪೇತ್ರ 2:20

ಪ್ರಭುಬಿ ರಕ್ಷಕ್‍ಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನಿ ಗ್ಯಾನ್‌ಥಿ ಲೋಕ್‌ನು ಕಚಿಂಡ್‍ಮಾಥು ಛು಼ಕೈಗಯುಹುಯು ಫಾಚು಼ಪರಿನ್ ಯೋ ಅಖ್ಖಾಮ ಖ್ಹಪ್‍ಡಿನ್ ಹರಿಗಯೂತೊ, ಇನಿ ಖ್ಹರ್ತಿನಿ ಹಾಲತ್ ಪಹಿಲೆಥೀಬಿ ಖರಾಬ್ ಹುಯಿಜಾಶೆ.

ಪ್ರಕಾಶಿತ್ 22:11

ಠಗಾವವಾಳೊ ಅಜೂ಼ಬಿ ಠಗಾವ್ತೊಸ್ ರ‍್ಹವಾದೆ. ಮೈಲು ರ‍್ಹವಾಳೊ ಇನ ಬಿಜೂ಼ಬಿ ಮೈಲು ಕರಿಲಾವದೆ, ನೀತಿವಾಳೊ ಬಿಜೂ಼ಬಿ ನೀತಿವಾಳೊ ಹುವಾದೆ ಅಜು಼ ಪರಿಶುದ್ ಹುಯಿರ‍್ಹಾವಳೊ ಇನ ಅಜೂ಼ಬಿ ಪರಿಶುದ್ ಕರಿಲ್ಯವಾದೆ.